కాలాశోకుడు

కాలాశోకుడు శిశునాగ వంశాన్ని స్థాపించిన శిశునాగుని కుమారుడు, ఈ వంశానికి చెందిన చివరిరాజు. హిందూ పురాణాలలో ఈయనను కాకవర్ణగా అభివర్ణించాయి. కానీ బౌద్ధ గ్రంథాలలో కాలాశోకునిగా ఉల్లేఖించబడినాడు. మౌర్య చక్రవర్తి అశోకునితో వేర్చరచడానికి బౌద్ధ గ్రంథాలలో ఈయన శరీరఛాయ నల్లగా ఉన్నందువలన కాలాశోకుడన్నారు. అందుకే పురణాలు కూడా కాకవర్ణుడని (నల్లని రంగు వాడు) అభివర్ణించాయి. కాలశోకుని పాలన రెండు విషయాలకై ప్రాముఖ్యత పొందినది. ఈయన పాలనాకాలంలోనే వైశాలిలో రెండవ బౌద్ధ సంగీతి జరిగినది, మగధ రాజధానిని రాజగృహ నుండి పాటలీపుత్రానికి తరలించబడినది. శిశునాగ వంశం యొక్క అంతం గురించి స్పష్టంగా తెలియదు. మహాపద్మనందుడు ఇతడిని చంపి నందవంశాన్ని స్థాపించాడని భావిస్తారు.