గీత్ సేథి

వికీపీడియా నుండి
Jump to navigation Jump to search
గీత్ సేథి
Born (1961-04-17) 1961 ఏప్రిల్ 17 (వయసు 62)
ఢిల్లీ, భారతదేశం
Sport countryభారతదేశం

గీత్ శ్రీరామ్ సేథీ (జననం 1961 ఏప్రిల్ 17) భారతదేశానికి చెందిన ఇంగ్లీష్ బిలియర్డ్స్ ప్రొఫెషనల్ ప్లేయర్.[1] ఆయన 1990లలో చాలా వరకు అన్నీ పోటీలలో ఆధిపత్యం చెలాయించాడు. ఆయన ప్రముఖ ఔత్సాహిక (ఎక్స్-ప్రో) స్నూకర్ ఆటగాడు కూడా. ఆయన ప్రొఫెషనల్-లెవల్‌లో ఐదుసార్లు విజేత, ఔత్సాహిక ప్రపంచ ఛాంపియన్‌షిప్‌లలో మూడుసార్లు విజేత, ఇంగ్లీష్ బిలియర్డ్స్‌లో రెండు ప్రపంచ రికార్డులను కైవసం చేసుకకున్నాడు.[2] ఆయన ప్రకాష్ పదుకొణెతో కలిసి దేశంలో క్రీడల ప్రోత్సాహానికి ఒలింపిక్ గోల్డ్ క్వెస్ట్‌ను స్థాపించాడు. దీంతో భారతదేశంలో క్రీడల ప్రోత్సాహానికి పునాది పడింది అని చెప్పవచ్చు.

2005లో ఆయన సక్సెస్ వర్సెస్ జాయ్(Success vs Joy) అనే ఆత్మకథాత్మక ప్రేరణాత్మక పుస్తకాన్ని రచించాడు. ప్రస్తుతం ఆయన ఒలింపిక్ గోల్డ్ క్వెస్ట్ వెంచర్‌ ద్వారా ఒలింపిక్ క్రీడలకు భారతీయ క్రీడాకారులను తయారుచేస్తున్నాడు.[3]

విద్యాభ్యాసం[మార్చు]

అహ్మదాబాద్‌లోని సెయింట్ జేవియర్స్ హై స్కూల్ లో చదివిన ఆయన సెయింట్ జేవియర్స్ కాలేజ్ నుంచి డిగ్రీ పొందాడు. ఆయన బి.కె స్కూల్ ఆఫ్ బిజినెస్ మేనేజ్‌మెంట్, గుజరాత్ విశ్వవిద్యాలయం నుంచి ఎం.బి.ఎ పూర్తి చేసాడు.[4]

వ్యక్తిగత జీవితం[మార్చు]

గీత్ సేథి అహ్మదాబాద్‌లో భార్య కిరణ్ బీర్ సేథి, ఇద్దరు పిల్లలు రాగ్, జాజ్‌లతో కలిసి నివసిస్తున్నాడు.[4][2] బిలియర్డ్స్ పోటీలతో పాటు ఆయన అహ్మదాబాద్, ముంబైలలో రాగ్ ట్రావెల్స్ అనే ప్రైవేట్ ట్రావెల్ ఏజెన్సీని నడుపుతున్నాడు.[4]

గుర్తింపు[మార్చు]

ఆయన భారతదేశ అత్యున్నత క్రీడా పురస్కారం మేజర్ ధ్యాన్ చంద్ ఖేల్ రత్న 1992-1993 గ్రహీత. 1986లో ఆయనను భారత ప్రభుత్వం పద్మశ్రీతో సత్కరించింది. ఆయనకు రెండు సార్లు అర్జున అవార్డు (1985, 1992-93)దక్కించుకున్న ఘనత కూడా దక్కింది. 1993లో ఆయన కె.కె. బిర్లా అవార్డు సొంతం చేసుకున్నాడు.[1][5]

మూలాలు[మార్చు]

  1. 1.0 1.1 "Geet Sethi Profile". ILoveIndia.com. pp. "Sport in India" section. Archived from the original on 2 July 2014. Retrieved 30 November 2007.
  2. 2.0 2.1 "Geet Sethi crowned World Billiards Champion for the 8th Time!". TNQ.in. TNQ Sponsorship (India) Pvt. Ltd. 2006. Archived from the original on 21 July 2011. Retrieved 30 November 2007.
  3. "A strategy for medals – Geet Sethi". The Wall Street Journal. 24 August 2007. Archived from the original on 9 October 2011. Retrieved 15 November 2009.
  4. 4.0 4.1 4.2 "Geet Sethi". India's Who is Who. Archived from the original on 4 June 2011. Retrieved 22 April 2008.
  5. "Geet Sethi Page". TNQ.in. TNQ Sponsorship (India) Pvt. Ltd. 1998. Archived from the original on 21 July 2011. Retrieved 30 November 2007.
"https://te.wikipedia.org/w/index.php?title=గీత్_సేథి&oldid=3893454" నుండి వెలికితీశారు