జటాయు సేన
జటాయు సేన మహిళలు, చిన్నారుల భద్రతకు కంకణబద్ధమైన సేన. దీని చిలుకూరు బాలాజీ దేవాలయం ప్రధాన అర్చకుడు సి.ఎస్.రంగరాజన్ 2019 ఆగస్టు 13న ప్రారంభించాడు.[1]
నేపధ్యం[మార్చు]
మొయినాబాద్‌లో ఓ ఘటన జరిగింది. ఓ ఆగంతుకుడు ద్విచక్రవాహనంపై 10 ఏళ్ల బాలికను తీసుకెళ్తున్నాడు. ఆ బాలిక గట్టిగా ఏడుస్తోంది. ఆ దారిలో పోయే ఎవ్వరూ రక్షించే ప్రయత్నం ఎవరూ చేయలేదు. దుండగుడి బారి నుంచి ఆ బాలికను నదీమ్‌ అనే వ్యక్తి కాపాడాడు. మహిళా భద్రత కోసం, స్త్రీలపై అనుచితంగా ప్రవర్తించేవారిని అడ్డుకున్న ఆ వ్యక్తిలాంటి వారితో కలసి "జటాయు సేన"ను రంగరాజన్ ప్రారంభించాడు. స్త్రీలపై అనుచితంగా ప్రవర్తించేవారిని అడ్డుకున్న వ్యక్తులే జటాయు సైనికులు.[2] ప్రతి జిల్లాలో, ప్రతి మండలంలో, ప్రతి గ్రామంలో, చివరికి ప్రతి ఇంట్లో ఈ సేన ఉండాలనేది వారి ఆకాంక్ష. స్త్రీలను గౌరవించే ప్రతి ఒక్కరూ జటాయు సేన సభ్యులే. మహిళల పట్ల అనుచితంగా ప్రవర్తించేవారిని అడ్డుకోవడమే జటాయుసేన లక్ష్యం. రామాయణంలో రావణుడు సీతమ్మను ఎత్తుకెళ్లేప్పుడు జటాయువు ఆ దశకంఠుడిని అడ్డుకుని, ప్రాణత్యాగం చేసింది. ఆ పక్షి పేరుతోనే మహిళా భద్రతకు జటాయు సేనను ప్రారంభిస్తున్నట్లు రంగరాజన్ తెలిపాడు.[3] దుండగుడి బారి నుంచి బాలికను కాపాడిన నదీమ్‌ అనే వ్యక్తి ఈ సేనలో తొలి సైనికుడిగా చేరాడు. నదీమ్‌ను రంగరాజన్ దుశ్శాలువా, పూలమాలతో సన్మానించాడు. ప్రతి ఒక్కరూ నదీమ్‌లా ఆలోచించి మహిళలు, చిన్నారులపై దాడులను అడ్డుకోవాలని అతను పిలుపునిచ్చాడు.[4][5]
మూలాలు[మార్చు]
- ↑ "Chilkur temple forms Jatayu Sena".
- ↑ "చిలుకూరు ఆలయం ఆధ్వర్యంలో "జటాయు సేన"". Archived from the original on 2019-08-15. Retrieved 2019-08-15.
- ↑ "మహిళల భద్రతకు జటాయు సేన".[permanent dead link]
- ↑ "'జటాయు సేన' ప్రారంభం".[permanent dead link]
- ↑ "Women protection: Visa Balaji temple forms Jatayu Sena".
బయటి లంకెలు[మార్చు]
- జటాయు సైన్యం ఏర్పాటు | Chilkur Temple Rangarajan Launches Jatayu Sena To Protest Women & Girls|iNews (in ఇంగ్లీష్), retrieved 2019-08-15
- జటాయు సేన ఎందుకు కోసం? ఎవరి కోసం? | Debate on Consequences Of Rangarajan Formed Jatayu Sena | P1 (in ఇంగ్లీష్), retrieved 2019-08-15