డార్జిలింగ్ తేనీరు
డార్జిలింగ్ తేనీరు భారతదేశంలోని పశ్చిమ బెంగాల్ లో డార్జిలింగ్ జిల్లాకు చెందిన టీ జాతి. బ్లాక్ టీ, గ్రీన్ టీ, వైట్ టీ, ఊలంగ్ టీ వంటి రకాలు కూడా ఇక్కడ పండిస్తారు. ఈ తేనీటి రుచి విచిత్రంగా, వైవిధ్యభరితంగా ఉండటంతో దానికి ప్రాచుర్యం ఎక్కువగా ఉంది. సువాసనాభరిమైన దీని వాసన మత్తుగా ఉండటంతో ద్రాక్షను గుర్తితెస్తుంటుంది.[1]
భారతదేశంలోని మిగిలిన ప్రదేశాల్లో అస్సామ్ రకమైన పెద్ద ఆకుల్ని పండిస్తుంటారు. కానీ డార్జిలింగ్ లో మాత్రం చైనా దేశంలోని చిన్న ఆకులైన కమెల్లియా సినెన్సిస్ వంటి వాటిని పండిస్తుంటారు. సాధారణంగా డార్జిలింగ్ తేయాకులను బ్లాక్ టీ కోసం ఎక్కువగా వాడుతుంటారు. కానీ ప్రస్తుతం ఊలుంగ్, గ్రీన్ టీ ఆకులను కూడా పండిస్తున్నారు. ఈ మధ్య వైట్ టీల కోసం కూడా ఎస్టేట్లను పెంచడం కూడా ప్రస్తుతం గణనీయంగా పెరుగుతోంది. 2003 జియోగ్రాఫికల్ ఇండికేషన్స్ ఆఫ్ గూడ్స్ చట్టం అమలు లోకి వచ్చాకా జిఐ ట్యాగ్ పొందిన మొదటి భారతీయ వస్తువు డార్జిలింగ్ తేయాకే.[2]
చరిత్ర
[మార్చు]1841లో ఆర్ధర్ కాంప్బెల్ డార్జిలింగ్ లో మొదటిసారి తేయాకు పండించడం ప్రారంభించారు.[3] ఆయన భారత వైద్య సర్వీస్ లో సివిల్ సర్జన్ గా పనిచేసేవారు. 1839లో నేపాల్ లోని ఖాట్మండూ నుంచి డార్జిలింగ్ కు ట్రాన్స్ ఫర్ అయిన ఆయన కుమౌన్ నుంచి చైనా తేయాకులను తెప్పించి పంట వేసి, డార్జిలింగ్ లో ప్రయోగంగా పండించారు.[4] ఇదే సమయంలో బ్రిటిష్ ప్రభుత్వం కూడా టీ నర్సరీలను పెంచడం మొదలుపెట్టింది. అయితే తేయాకు వాణిజ్యపంటగా మాత్రం 1850ల్లో మొదలైంది.[5] 1856లో కుర్సెంగ్ అలుబరీ టీ తోటను, డార్జిలింగ్ టీ కంపెనీలను ఇతరులు స్థాపించారు.[5][6]
తేయాకులో రకాలు
[మార్చు]సంప్రదాయంగా, డార్జిలింగ్ తేయాకులను బ్లాక్ టీ రకాల్లోకి లెక్క వేస్తారు. డార్జిలింగ్ లో బ్లాక్ టీ, గ్రీన్ టీ, ఊలుంగ్ టీలకు కూడా తేయాకులను పండిస్తున్నారు.
- మొదటి విడత పంట మార్చి మధ్యలో వసంత మాసపు వర్షాల సమయంలో పండిస్తారు. ఈ సమయంలో ఆకులు మెత్తగా, లేత రంగులో, లేత వాసనతో తేలికగా ఉంటాయి.
- మధ్య విడతను మొదటి, రెండు విడతల మధ్యలో పండిస్తారు.
- రెండో విడతను జూన్ లో పండిస్తారు. ఈ సమయంలో పండే ఆకులు పసుపు రంగులో ఉండి, పూర్తిగా తయారై ఉంటాయి. ఈ ఆకుతో చేసే తేనీరు మత్తు వాసనతో ఉంటుంది.
- రుతుపవనాల సమయంలో రెండో విడతకు, ఆకురాలు కాలం పంటకు మధ్యలో పండిస్తారు. ఈ ఆకులు తక్కువ రేట్లకు దొరుకుతాయి. వీటి ఎగుమతి కూడా తక్కువే. ఈ ఆకును మసాలా చాయ్ లో కూడా వాడతారు.
- ఆకురాలు కాలం విడత సమయంలో వర్షాకాలం తరువాత పండే ఈ తేయాకు లేత వాసనతో, తక్కువ ఘాటుతో, ముదురు రంగుతో ఉంటాయి.
డార్జిలింగ్ వైట్ టీ
[మార్చు]
డార్జిలింగ్ వైట్ టీ ఆకులు లేత వాసనతో, లేత బంగారు రంగుతో, మృదువైన రుచితో ఉంటాయి. నిజానికి కొంత తీపి కూడా ఉంటుంది. ఈ ఆకులు మెత్తగా, తేలికగా ఉంటాయి. అందుకే వీటిని బ్లాక్, గ్రీన్ టీ తయారీలకు ఎక్కువగా వాడరు.[7]
ఈ ఆకులను చేతితో కోసి, చుట్టి, ఎండలో ఎండబెడతారు. ఈ రకంగా తయారు చేయడంతోనే ఈ ఆకులను అరుదుగా భావిస్తారు. డార్జిలింగ్ లో 2000 మీటర్ల ఎత్తులో చల్లని వాతావరణంలో పెరుగుతాయి ఈ ఆకులు.
డార్జిలింగ్ ఊలుంగ్
[మార్చు]
డార్జిలింగ్ ఊలూంగ్ తేయాకులో క్లోనల్, చైనా అని రెండు రకాలున్నాయి. చైనా రకం తైవాన్ ఊలుంగ్ రకానికి దగ్గరగా ఉంటుంది. క్లోనల్ రకం మాత్రం దీనికి పూర్తి విభిన్నంగా ఉంటుంది.[8]
మూలాలు
[మార్చు]- ↑ "Darjeeling Tea". Darjeeling district government website. the original నుండి 2014-02-21 న ఆర్కైవు చెయ్యబడింది. ఒరిజినల్ పేజీని చూసిన తేదీ: 2016-09-09.
- ↑ "GI tag: TN trails Karnataka with 18 products". The Times of India. Aug 29, 2010. the original నుండి 2012-11-03 న ఆర్కైవు చెయ్యబడింది. ఒరిజినల్ పేజీని చూసిన తేదీ: 2016-09-09.
- ↑ "Story of Darjeeling Tea". Darjeeling Tourism. the original నుండి 2016-03-05 న ఆర్కైవు చెయ్యబడింది. ఒరిజినల్ పేజీని చూసిన తేదీ: 2016-09-09.
- ↑ Mair, Victor H.; Hoh, Erling (2009). The True History of Tea. Thames & Hudson. ISBN 978-0-500-25146-1.
- ↑ 5.0 5.1 "Darjeeling Tea History". Thunderbolt Tea Darjeeling. the original నుండి 2016-07-31 న ఆర్కైవు చెయ్యబడింది. ఒరిజినల్ పేజీని చూసిన తేదీ: 2016-09-09.
- ↑ "Glossary of Tea Terms for Darjeeling Loose Leaf Teas". Darjeeling Tea Boutique. the original నుండి 23 ఫిబ్రవరి 2014 న ఆర్కైవు చెయ్యబడింది. ఒరిజినల్ పేజీని చూసిన తేదీ: 17 February 2014.
- ↑ "Tea Emporium – 'Authentic Darjeeling tea at your Click!'". teaemporium.net. the original నుండి 12 మార్చి 2014 న ఆర్కైవు చెయ్యబడింది. ఒరిజినల్ పేజీని చూసిన తేదీ: 17 February 2014.
- ↑ "Darjeeling Oolong". RateTea. Apr 10, 2012. the original నుండి 23 ఫిబ్రవరి 2014 న ఆర్కైవు చెయ్యబడింది. ఒరిజినల్ పేజీని చూసిన తేదీ: 17 February 2014.