పాపినేని శివశంకర్

డా. పాపినేని శివశంకర్
డా. పాపినేని శివశంకర్
జననం	1953, నవంబర్ 6; గుంటూరు జిల్లా, తుళ్ళూరు మండలం, నెక్కల్లు గ్రామం
వృత్తి	తెలుగు అధ్యాపకులు
సుపరిచితుడు/; సుపరిచితురాలు	సాహితీ త్రిముఖుడు
జీవిత భాగస్వామి	గృహలక్ష్మి
పిల్లలు	సృజన, స్పందన
తల్లిదండ్రులు	పాపినేని వెంకటకృష్ణారావు (తండ్రి); శాంతమ్మ (తల్లి);

పాపినేని శివశంకర్' సుప్రసిద్ధ కవి, కథకులు, విమర్శకులు. సాహితీ త్రిముఖుడుగా ప్రసిద్ధి గాంచారు. కేంద్ర సాహిత్య అకాడెమీ పురస్కార గ్రహీత.

జననం

1953 నవంబర్ 6న విజయ దీపావళి నాడు గుంటూరు జిల్లా నెక్కల్లు గ్రామంలో పాపినేని వెంకట కృష్ణారావు, శాంతమ్మ దంపతులకు జన్మించారు. తాడికొండ బి.ఎస్.ఎస్.బి.కళాశాలలో తెలుగు అధ్యాపకులుగా, ప్రిన్శిపాల్ గా పనిచేసి, 2010 ఫిబ్రవరిలో పదవీవిరమణ చేశారు.

సాహిత్య వ్యాసంగం

శివశంకర్ ఆధునిక తెలుగు కవిత్వ ప్రపంచములో అగ్రశ్రేణి కవులలో ఒకరు. ఆయన రాసిన రజనీగంధ అనే కవితా సంపుటికి గాను కేంద్ర ప్రభుత్వం 2016 డిసెంబరు 21 న కేంద్ర సాహిత్య అకాడెమీ పురస్కారం ప్రకటించింది.^[1]^[2] ఆలోచనల, అనుభూతుల మేళవింపు శివశంకర్ కవిత్వం. అందులోని తాత్త్వికమైన లోతులు చదువరులను ఆలోచింపజేస్తాయి.

ఇప్పటివరకు సుమారుగా 350 కవితలు, 55 చిన్న కథలు ఇంకా 220 వ్యాసాలు వివిధ పత్రికలలో ప్రచురితమయ్యాయి. 1990 నుంచి తెలుగు ఉత్తమ కథా సంకలనాలను 'కథా సాహితి' పేరుతో వాసిరెడ్డి నవీన్తో కలిసి ప్రతి సంవత్సరమూ ప్రచురిస్తున్నారు.

శివశంకర్ కవితా సంపుటాలు 5 ప్రచురించబడ్డాయి. 2 కథా సంపుటాలు మట్టి గుండె (1992), సగం తెరిచిన తలుపు (2008) వెలువడ్డాయి.

'సాహిత్యం-మౌలిక భావనలు' అనే అంశంపై వీరు చేసిన ఉత్తమ పరిశోధనకు ఆచార్య తూమాటి దొణప్ప స్వర్ణపతకం లభించింది. చినుకు, కథాసాహితి, విస్మృత కథ, రైతు కవిత, కవిత సంపుటాలకు సంపాదకత్వ బాధ్యత నిర్వహించారు.

తెలుగు విశ్వవిద్యాలయం నుంచి, 2000 సంవత్సరంలో వచన కవిత్వ పురస్కారం పొందారు.

రచనలు

కవిత్వం

స్తబ్దత - చలనం (1984)
ఒక సారాంశం కోసం (1990)
ఆకుపచ్చని లోకంలో (1998)
ఒక ఖడ్గం - ఒక పుష్పం (2004)
రజనీగంధ (2013)

కథాసంపుటాలు

మట్టిగుండె (1992)
సగం తెరిచిన తలుపు (2008)

సాహిత్య విమర్శ

సాహిత్యం -మౌలిక భావనలు (1996)
నిశాంత (2008)
తల్లీ! నిన్నుదలంచి (2012)
ద్రవాధునికత (2015)
మహా స్వాప్నికుడు (2015)

సంపాదకీయం

కథాసాహితి^[3]

పురస్కారాలు

ఫ్రీవర్స్ ఫ్రంట్ అవార్డు, హైదరాబాదు - 1985
డా. గరికపాటి కవితా పురస్కారం, రాజమండ్రి- 1991
జ్యేష్ట సాహితీ అవార్డు, విశాఖపట్నం - 1993
ఉమ్మడిశెట్టి సాహితీ అవార్డు, తాడిపత్రి - 1993
డా. సి.నా.రె.కవితాపురస్కారం, కరీంనగర్ - 2000
తెలుగు విశ్వవిద్యాలయం వచనకవిత్వ పురస్కారం - 2000
నూతలపాటి సాహితీపురస్కారం - 2000
నాగభైరవ కళాపీఠం అవార్డు, ఒంగోలు - 2002
ఆంధ్రప్రదేశ్ అధికార భాషా సంఘం పురస్కారం, తిరుపతి - 2003
రాష్ట్ర ఉత్తమ అధ్యాపక అవార్డు, హైదరాబాదు - 2003
విశాలాంధ్ర- సుంకర సాహితీ సత్కారం, ఒంగోలు - 2006
విశ్వకళా పీఠం స్నేహనిధి పురస్కారం, హైదరాబాదు - 2006
డా. కేతు విశ్వనాథరెడ్డి కథా పురస్కారం, నందలూరు - 2008
డా. ఆవంత్స సోమసుందర్ కవితా పురస్కారం, పిఠాపురం - 2010
ఆంధ్ర నాటక కళా పరిషత్ పురస్కారం, బెజవాడ - 2012
నవ్యాంధ్రప్రదేశ్ ఉగాది విశిష్ట పురస్కారం, అనంతవరం - 2015
సృజన కవితా పురస్కారం, అద్దంకి - 2015
దేవరకొండ బాలగంగాధర తిలక్ అవార్డు, తణుకు - 2015
రజనీగంధ కవితా సంపుటికి కేంద్ర సాహిత్య అకాడమీ పురస్కారం -2016
ఉత్తమ జాతీయకవి సత్కారం (ప్రసార భారతి), వారణాసి - 2017
భారతీ సమితి సాహిత్య పురస్కారం, గుడివాడ - 2017
మహాకవి జాషువ పురస్కారం, గుంటూరు - 2017

మూలాలు

↑ "పాపినేనికి కేంద్ర సాహిత్య అకాడమీ అవార్డు". eenadu.net. ఈనాడు. Archived from the original on 21 December 2016. Retrieved 21 December 2016.
↑ "చాలా సంతోషంగా ఉంది: పాపినేని". eenadu.net. హైదరాబాదు: ఈనాడు. Archived from the original on 21 December 2016. Retrieved 21 December 2016.
↑ ఆంధ్రజ్యోతి, తెలుగు వార్తలు (26 November 2018). "సిక్కోలులో 'కథ 2017' ఆవిష్కరణ". Archived from the original on 17 మార్చి 2020. Retrieved 17 March 2020.

[పాపినేనికి_కేంద్ర_సాహిత్య_అకాడమీ_అవార్డు-1] "పాపినేనికి కేంద్ర సాహిత్య అకాడమీ అవార్డు". eenadu.net. ఈనాడు. Archived from the original on 21 December 2016. Retrieved 21 December 2016.

[చాలా_సంతోషంగా_ఉంది:_పాపినేని-2] "చాలా సంతోషంగా ఉంది: పాపినేని". eenadu.net. హైదరాబాదు: ఈనాడు. Archived from the original on 21 December 2016. Retrieved 21 December 2016.

[సిక్కోలులో_‘కథ_2017’_ఆవిష్కరణ-3] ఆంధ్రజ్యోతి, తెలుగు వార్తలు (26 November 2018). "సిక్కోలులో 'కథ 2017' ఆవిష్కరణ". Archived from the original on 17 మార్చి 2020. Retrieved 17 March 2020.

[1]

[2]

[3]