తిరుమాని సత్యలింగ నాయకర్

వికీపీడియా నుండి
Jump to navigation Jump to search
తిరుమాని సత్యలింగ నాయకర్
తిరుమాని సత్యలింగ నాయకర్


ఆంధ్ర ప్రదేశ్ రాష్ట్ర మత్స్యకార కార్పొరేషన్ చైర్మన్‌
నియోజకవర్గము సంపర నియోజకవర్గం

వ్యక్తిగత వివరాలు

జననం 1935 జూన్ 12 (1935-06-12)(వయసు -81) invalid year
కాట్రేనికోన మండలం బలుసుతిప్ప గ్రామం, ఆంధ్ర ప్రదేశ్
మరణం జనవరి 20 2016
రాజకీయ పార్టీ తెలుగుదేశం పార్టీ
జీవిత భాగస్వామి అమ్మాజీ
సంతానము స్వామినాయకర్ (కొడుకు)
మతం హిందూ

తిరుమాని సత్యలింగ నాయకర్ మాజీ ఎమ్మెల్యే, మత్స్యకార నాయకుడు. ఆయన వివాద రహితుడిగా, నిజాయితీపరుడిగా పేరొంది 1983[1], 1985[2] మరియు 1994[3] లో సంపర శాసనసభ నియోజకవర్గం నుంచి వరుసగా మూడుసార్లు శాసనసభ్యులుగా ప్రాతినిధ్యం వహించి హ్యాట్రిక్ సృష్టించారు. పేదవర్గాల అభ్యున్నతే ధ్యేయంగా పనిచేయడం, నీతినిజాయితీగా వ్యవహరించడంతో ఆయన ఇటు రాజకీయ వర్గాల్లోను, అటు ప్రజల్లోను మంచివ్యక్తిగా, అవినీతికి ఆస్కారం ఇవ్వని మనిషిగా చెరగని ముద్ర వేసుకున్నారు.[4]

జీవిత విశేషాలు[మార్చు]

ఆయన 1935 జూన్ 12 న తిరుమాని స్వామి, ముత్యాలమ్మ దంపతులకు కాట్రేనికోన మండలం బలుసుతిప్ప గ్రామంలో జన్మించారు. చిన్నతనం నుంచి ఆయన పేదల సమస్యలపై పోరాడడమే కాకుండా, అనేక సేవా కార్యక్రమాలు చేశారు.

రాజకీయ జీవితం[మార్చు]

ఆయన 1968లో సర్పంచ్‌గా ఎన్నికై రాజకీయ ప్రస్థానాన్ని ప్రారంభించారు. 1983లో మాజీ ముఖ్యమంత్రి ఎన్టీ రామారావు తెలుగుదేశం స్థాపించాక ఆ పార్టీలో చేరి, అప్పటి సంపర నియోజకవర్గం (ఇప్పుడు కాకినాడ రూరల్ నియోజకవర్గం) నుంచి ఆ పార్టీ అసెంబ్లీ అభ్యర్థిగా పోటీ చేసి, గెలుపొందారు. 1985, 1994లో కూడా సంపర నియోజకవర్గం నుంచే ఎమ్మెల్యేగా గెలిచారు. 1986 నుంచి 1989 వరకు రాష్ట్ర మత్స్యకార కార్పొరేషన్ చైర్మన్‌గా వ్యవహరించారు. రాష్ట్రంలో మత్స్యకార సమస్యల పరిష్కారానికి కృషి చేసి, వారి కుటుంబాలు ఆర్థికంగా బలోపేతమయ్యేందుకు అనేక సంక్షేమ పథకాలను అమలు చేసిన ఘనత నాయకర్‌కే దక్కుతోంది. నిత్యం ప్రజల్లో ఉంటూ, వారి సమస్యల పరిష్కారానికి అహర్నిశలు కృషిచేశారు.[5]

మరణం[మార్చు]

కొంతకాలంగా ఆయన అస్వస్థతతో ఉన్నారు. కాకినాడ రూరల్ మండలం తూరంగిలో ఉంటున్న కుమారుడు, న్యాయవాది స్వామి నాయకర్‌తో ఉంటున్నారు. ఇంటివద్దనే జనవరి 20 2016 న మరణించారు.[6]

వ్యక్తిగత జీవితం[మార్చు]

ఆయనకు భార్య అమ్మాజీ, కుమారుడు స్వామి నాయకర్ ఉన్నారు.

మూలాలు[మార్చు]

  1. List of Successful Candidates in Andhra Pradesh Assembly Election in 1983
  2. list of Successful Candidates in Andhra Pradesh Assembly Election in 1985
  3. "List of Successful Candidates in Andhra Pradesh Assembly Election in 1994". http://www.elections.in/. Retrieved 20 January 2016. External link in |website= (help)
  4. "Former MLA dead". » TODAY'S PAPER » ANDHRA PRADESH. The Hindu. January 21, 2016. Retrieved 20 January 2016.
  5. నాయకర్ కన్నుమూత Sakshi | Updated: January 21, 2016 01:19 (IST)
  6. ‘హ్యాట్రిక్‌’ నాయకర్‌ కన్నుమూత 21-01-2016 02:07:57 andhrajyothi

ఇతత లింకులు[మార్చు]