దరియా హుస్సేన్ షేక్

షేక్ దరియా హుస్సేన్ సాంస్కృతిక కార్యకర్తగా సుప్రసిద్ధుడు. ఇతడు గుంటూరు జిల్లా, వినుకొండలో ఇమాం సాహెబ్, మౌలాబీ దంపతులకు 1933, జూలై 1న జన్మించాడు.

విద్య, ఉద్యోగం

ఇతని ఉన్నత పాఠశాల చదువు వినుకొండలో నడిచింది. నరసారావుపేటలో బి.ఎ., రాజమండ్రిలో బి.యిడి. చదివాడు. విద్యాశాఖలో విస్తరణాధికారిగా అనంతపురం జిల్లాలో పనిచేశాడు. ఇతడు సాహిత్య సభలలోను, సాంస్కృతిక కార్యక్రమాలలోను చురుకుగా పాల్గొన్నాడు. ఎన్నో అష్టావధానాలలో, కవిసమ్మేళనాలలో పాల్గొన్నాడు.

సాంఘిక కార్యక్రమాలలో

అనంతపురం రాయలకళాగోష్టికి కార్యదర్శిగా సేవలను అందించాడు. ఆశావాది ప్రకాశరావు, శాంతి నారాయణ తదితరులతో కలిసి పనిచేసి అనంతపురం జిల్లాలో సాహిత్యచైతన్యాన్నిపెంపొందించాడు.

రచనలు

1. పురుషోత్తముడు
2. విశ్వనాథ విజయము