దోరవేటి

దోరవేటి
తెలంగాణ రాష్ట్ర అవతరణ ఉత్సవాల కవిసమ్మేళనంలో కవితాగానం చేస్తున్న దోరవేటి
జననం	ఉప్పరి చెన్నయ్య (1961-02-11)1961 ఫిబ్రవరి 11 ధారూరు, వికారాబాదు జిల్లా
వృత్తి	ఉపాధ్యాయుడు
ప్రసిద్ధి	కవి, కథారచయిత
తండ్రి	అడివయ్య
తల్లి	ఈశ్వరమ్మ

దోరవేటి కవి, రచయిత, విమర్శకుడు, వక్త, ఉపాధ్యాయుడు.

విశేషాలు

తెలంగాణ రాష్ట్ర అవతరణ ఉత్సవాలలో భాగంగా అనుమాండ్ల భూమయ్య నుండి సత్కారం స్వీకరిస్తున్న దొరవేటి

‘దోరవేటి’ కలం పేరుతో ప్రసిద్ధి చెందిన ఉప్పరి చెన్నయ్య 1961, ఫిబ్రవరి 11న నేటి వికారాబాదు జిల్లాలోని ధారూరులో జన్మించాడు. ఇతని తల్లితండ్రులు ఈశ్వరమ్మ, అడివయ్య. ఇతని స్వగ్రామం ధారూరు అసలు పేరు ‘దోరవేటి’, ఆ పేరునే తన కలం పేరుగా పెట్టుకుని రచనలు చేస్తున్నాడు. ఉద్యోగ జీవితమంతా పాఠాలు బోధిస్తూనే యాభైకి పైగా గ్రంథాలు రచించాడు.

రచనలు

కథా సంపుటాలు

1. అమృతఝరి
2. జెర జూస్కో
3. నాన్నకు జేజే
4. సంబంధం
5. కానుక
6. పల్లె
7. చరితార్థులు
8. ఆచార్య దేవోభవ
9. మన కవులు -మహా కవులు
10. ముగిసిన ఒంటరి పోరాటం

నవలలు

1. మరో శివాజీ
2. అసమాన వీరుడు-అనురాగ దేవత
3. జీవనది
4. పయనమెచటికోయి
5. కలల సాకారం
6. శంఖారావం
7. నవ భారతం

పద్యరచనలు

1. సాంబశివ శతకం
2. నేస్తం (శతకం)
3. బసవ పంశతి
4. హృదయ స్పందన
5. సాయి సంకీర్తనావళి
6. అంజలి
7. అంజలి-2
8. శ్రమదేవోభవ
9. పద్యారాధన
10. దోస్తానా

శైవ సాహిత్యం

1. శరణు బసవ
2. ప్రభులింగ విభూతి
3. కాశీఖండం
4. ఆనంద తరంగిణి

వచన కవిత్వం

1. నీవు సల్లంగుండాలి
2. ప్రకృతి మణిపూసలు

బాలసాహిత్యం

1. విరులబాట శతకం
2. మీ కోసం
3. సీత కష్టాలు (బుర్రకథ)

ఇతర ప్రక్రియలు

1. దోరవేటి లేఖలు

పురస్కారాలు

ఇతనికి లభించిన పురస్కారాలలో కొన్ని:

• సోహన్‌లాల్‌ బల్దావా ఉత్తమ కథా సాహిత్యం
• ఓగేటి పురస్కారం,
• రస నైవేద్యం గ్రంథానికి ఎస్‌.ఈ.ఆర్‌.టి. వారి ప్రథమ బహుమతి
• రమ్య సాహితీ పురస్కారం,
• నోముల కథా పురస్కారం,
• బి.ఎన్‌.శాస్త్రి పురస్కారం,
• మచిలీపట్నం పద్య కవితా పురస్కారం
• తెలుగు విశ్వవిద్యాలయం కీర్తి పురస్కారం