నల్లేరు
| నల్లేరు | |
|---|---|
| |
| నల్లేరు మొక్క. | |
| శాస్త్రీయ వర్గీకరణ | |
| Kingdom: | |
| Division: | |
| Class: | |
| Order: | |
| Family: | |
| Genus: | సిస్సస్
|
| Species: | సి. క్వాడ్రాంగ్యులారిస్
|
| Binomial name | |
| సిస్సస్ క్వాడ్రాంగ్యులారిస్ | |
నల్లేరు (లాటిన్ Cissus quadrangularis) ద్రాక్ష కుటుంబానికి చెందిన తీగ మొక్క. ఇది సాధారణముగా పశువులకు మేతగా ఉపయోగిస్తారు. భారత, శ్రీలంక ప్రాంతానికి చెందిన ఈ మొక్క ఆఫ్రికా, అరేబియా, ఆగ్నేయాసియాలలో కూడా కనిపిస్తుంది. ఇది బ్రెజిల్, అమెరికా సంయుక్త రాష్ట్రాల దక్షిణ ప్రాంతానికి ఎగుమతి చేయబడింది.
లక్షణాలు[మార్చు]
- రసయుతమైన చతుర్థకోణయుత కాండంతో నులితీగ సహాయంతో ఎగబ్రాకే పొద.
- అండాకారంలో గాని, మూత్రపిండాకారంలో గాని ఉన్న సరళ పత్రాలు.
- నిశ్చితగుచ్ఛాలలో అమరి ఉన్న లేత గోధుమ రంగు పుష్పాలు.
- ఎరుపు రంగు మృదు ఫలాలు.
వైద్యంలో[మార్చు]
నల్లేరు భారతీయ సాంప్రదాయ వైద్యంలో ఉపయోగించబడుతున్నది. నల్లేరును ఆయుర్వేద వైద్యంలో విరిగిన ఎముకలు త్వరగా కట్టుకోవడానికి, ఉపయోగిస్తారు. దగ్గు, కోరింత దగ్గు, శ్లేష్మము తగ్గటానికి నల్లేరును రొట్టె , తేనె, వడియాలలో కలిపి వాడుతారు. సిద్ధ వైద్య విధానంలో నల్లేరు విరిగిన ఎముకలను తిరిగి అతికించడానికి ఉపయోగించబడుతుంది, అందుకే దీనికి అస్థిసంహారక (ఎముకలను రక్షించేది) అనే పేరువచ్చింది. బంగ్లాదేశ్ లోని గారో తెగ వారు నల్లేరును విరిగిన ఎముకలను కట్టడానికి ఉపయోగిస్తారు.[1]
బయటి లింకులు[మార్చు]
- పర్డ్యూ విశ్వవిద్యాలయపు వెబ్‌సైట్లో నల్లేరు గురించి
- నల్లేరు గురించి Archived 2006-10-14 at the Wayback Machine
మూలాలు[మార్చు]
- ↑ Mia, Md. Manzur-ul-Kadir; Kadir, Mohammad Fahim; Hossan, Md. Shahadat; Rahmatullah, Mohammed (Jan–Apr 2009). "Medicinal plants of the Garo tribe inhabiting the Madhupur forest region of Bangladesh". American-Eurasian Journal of Sustainable Agriculture. 3 (2): 165–171.[permanent dead link]