నేషనల్ ఇన్‌స్టిట్యూట్ ఆఫ్ డిజైన్

వికీపీడియా నుండి
(నేషనల్ ఇన్స్టిట్యూట్ ఆఫ్ డిజైన్ నుండి దారిమార్పు చెందింది)
Jump to navigation Jump to search
నేషనల్ ఇన్‌స్టిట్యూట్ ఆఫ్ డిజైన్ is located in India
Ahmedabad
Ahmedabad
Bangalore
Bangalore
Bhopal
Bhopal
Jorhat
Jorhat
Kurukshetra
Kurukshetra
Vijayawada
Vijayawada
Location of the 5 functioning NIDs

నేషనల్ ఇన్‌స్టిట్యూట్ ఆఫ్ డిజైన్ (ఎన్ఐడి) 1961 లో వాణిజ్య, పరిశ్రమల మంత్రిత్వ శాఖ ఆధ్వర్యంలో స్వయంప్రతిపత్త సంస్థగా స్థాపించబడింది. ఎన్ఐడిని శాస్త్రీయ, పారిశ్రామిక రూపకల్పన పరిశోధన సంస్థగా భారత ప్రభుత్వం సైన్స్ అండ్ ఇండస్ట్రీ రీసెర్చ్ విభాగం గుర్తించింది. బిజినెస్ వీక్ పత్రిక ఎన్ఐడి ప్రపంచంలోని అగ్రశ్రేణి డిజైన్ పాఠశాలల జాబితాలో చేర్చింది.

గుజరాత్ లోని అహ్మదాబాద్‌లో ఉన్న ఈ కళాశాలకు గాంధీనగర్ లో, బెంగళూరులోని క్యాంపస్‌లు ఉన్నాయి. అంతేకాక కురుక్షేత్ర (హర్యానా), విజయవాడ (ఆంధ్రప్రదేశ్), జోర్హాట్ (అస్సాం), భోపాల్ (మధ్యప్రదేశ్) లోని మధ్యప్రదేశ్ లోని నేషనల్ ఇన్‌స్టిట్యూట్ ఆఫ్ డిజైన్ లు ఉన్నాయి. నేషనల్ ఇన్‌స్టిట్యూట్ ఆఫ్ డిజైన్ యాక్ట్, 2014 ప్రకారం పార్లమెంటు చట్టం ద్వారా ఎన్ఐడిని " జాతీయ ప్రాధాన్యం ఉన్న సంస్థ (ఇన్‌స్టిట్యూట్ ఆఫ్ నేషనల్ ఇంపార్టెన్స్) " గా గుర్తించారు.[1]

నేపథ్యం[మార్చు]

1956 నాటి పారిశ్రామిక విధాన తీర్మానం ఫలితంగా, భారత ప్రభుత్వం భారతదేశంలో చిన్న పరిశ్రమలకు సహాయంగా ఉపయోగపడే విధంగా రూపకల్పన కార్యక్రమాన్ని సిఫార్సు చేయడానికి చార్లెస్ రే ఎమేస్ రూపకల్పన బృందాన్ని ఆహ్వానించింది. వారి పత్రం వాస్తవ అనుభవంతో అభ్యసనను ముడిపెట్టి, సంప్రదాయానికి, ఆధునికతకు మధ్య వారధిగా డిజైనర్ ఉండవచ్చని నివేదిక సూచించింది. 'ది ఇండియా రిపోర్ట్' లో చేసిన సిఫార్సుల ఆధారంగా ఫోర్డ్ ఫౌండేషన్, సారాభాయ్ కుటుంబం సహకారంతో 1961లో ఇండస్ట్రియల్ డిజైన్, విజువల్ కమ్యూనికేషన్ లో పరిశోధన, సర్వీస్, ట్రైనింగ్ కొరకు ఒక స్వయంప్రతిపత్తి కలిగిన నేషనల్ ఇనిస్టిట్యూట్ ఆఫ్ డిజైన్ ని అహ్మదాబాద్‌లో ఏర్పాటు చేసింది. గౌతమ్ సారాభాయ్ ఇంకా అతని సోదరి గిరా ఈ సంస్థ స్థాపనలో ప్రధాన పాత్ర పోషించారు.[2]. రూపకర్త, శిల్పి అయిన దశరథ్ పటేల్ దీని వ్యవస్థాపక కార్యదర్శి. 1981 వరకు ఈ పదవిలో ఉండి అదే సంవత్సరంలో పద్మశ్రీ పురస్కారం పొందారు.నేడు నేషనల్ ఇనిస్టిట్యూట్ ఆఫ్ డిజైన్ అంతర్జాతీయయంగా ఇండస్ట్రియల్, కమ్యూనికేషన్, టెక్స్ టైల్, ఐటి ఇంటిగ్రేటెడ్ (ఎక్స్ పెరిమెంటరీ) డిజైన్ కొరకు అత్యుత్తమ విద్యా, పరిశోధన సంస్థల్లో ఒకటిగా గుర్తింపు పొందినది. ఇది భారత ప్రభుత్వ శాస్త్ర, పారిశ్రామిక పరిశోధన సంస్థ గా కూడా గుర్తించబడుతుంది.

ఎన్.ఐ.డి గాంధీనగర్[మార్చు]

ఎన్.ఐ.డి గాంధీనగర్ గుజరాత్ లోని గాంధీనగర్ నగరంలో ఉంది. విస్తరణ ప్రణాళికలో భాగంగా ఎన్ ఐడి గుజరాత్ రాష్ట్ర రాజధాని గాంధీనగర్ లో కొత్త పోస్ట్ గ్రాడ్యుయేట్ క్యాంపస్ ను నిర్మించింది.  ఇది లైఫ్ స్టైల్ యాక్ససరీ డిజైన్, కొత్త మీడియా డిజైన్, బొమ్మలు , గేమ్ డిజైన్, వ్యూహాత్మక డిజైన్ మేనేజ్ మెంట్, రవాణా ఇన్ఫర్మేషన్ డిజైన్ సెంటర్ లతో పాటు జ్యుయలరీ ఇంకా ఆటోమొబైల్ డిజైన్ సెంటర్ ను కలిగి ఉంది[3].

ఎన్.ఐ.డి బెంగళూరు[మార్చు]

ఎన్.ఐ.డి రీసెర్చ్ అండ్ డెవలప్‌మెంట్ క్యాంపస్ బెంగళూరు లో మార్చి 31, 2006 న పూర్తయింది. డిపార్ట్ మెంట్ ఆఫ్ ఇండస్ట్రియల్ పాలసీ అండ్ ప్రమోషన్ (డిఐపిపి), మినిస్ట్రీ ఆఫ్ కామర్స్ అండ్ ఇండస్ట్రీ , మినిస్ట్రీ ఆఫ్ ఇన్ఫర్మేషన్ టెక్నాలజీ, భారత ప్రభుత్వం యొక్క ఉమ్మడి చొరవ , నిధుల తో ఏర్పాటు చేయబడింది. 2007-2008 విద్యా సంవత్సరం నుంచి డిజైన్ ఫర్ రిటైల్ ఎక్స్ పీరియన్స్ అండ్ డిజైన్ ఫర్ డిజిటల్ ఎక్స్ పీరియన్స్ అనే రెండు రీసెర్చ్ ఇంటెన్సివ్ పిజి ప్రోగ్రామ్ స్ తో ఆర్ అండ్ డి క్యాంపస్ ప్రారంభమైంది. ప్రస్తుతం ఈ క్యాంపస్ నుంచి ఐదు మాస్టర్స్ కార్యక్రమాలు అందిస్తున్నారు[4].

నేషనల్ ఇనిస్టిట్యూట్ ఆఫ్ డిజైన్, ఆంధ్రప్రదేశ్[మార్చు]

నేషనల్ ఇనిస్టిట్యూట్ ఆఫ్ డిజైన్, ఆంధ్రప్రదేశ్, సెప్టెంబర్ 2015లో స్థాపించబడింది, ఇది రెండో స్వయంప్రతిపత్తి కలిగిన అనేక విభాగాలు కలిగిన డిజైన్ ఇనిస్టిట్యూట్, ఇది డిపిఐఐటి, మినిస్ట్రీ ఆఫ్ కామర్స్ అండ్ ఇండస్ట్రీ, ఇండియా గవర్నమెంట్ ఆధ్వర్యంలో అహ్మదాబాద్ లోని నేషనల్ ఇనిస్టిట్యూట్ ఆఫ్ డిజైన్ యొక్క నేషనల్ డిజైన్ పాలసీ, జివోఐకి అనుగుణంగా ఐదు దశాబ్దాల తరువాత ఏర్పాటు చేయబడ్డ మొట్టమొదటి ఎన్.ఐ.డి ఇది[5].

మూలాలు[మార్చు]

  1. IANS (2014-07-12). "NID becomes 41st institute of national importance". Business Standard India. Retrieved 2021-03-08.
  2. "National Institute of Design - History & Background". www.nid.edu. Retrieved 2021-03-08.
  3. "National Institute of Design - Campuses". www.nid.edu. Retrieved 2021-03-08.
  4. "NID Bangalore - Courses, Ranking, Admission, Cutoff, Placement, Fees & Eligibility". www.shiksha.com. Retrieved 2021-03-08.
  5. "National Institute of Design - Andhra Pradesh". www.nid.ac.in. Retrieved 2021-03-08.