నేషనల్ సెక్యూరిటీస్ డిపాజిటరీస్ లిమిటెడ్
| రకం | సెంట్రల్ సెక్యూరిటీస్ డిపాజిటరీ |
|---|---|
| పరిశ్రమ | డిపాజిటరీ సేవలు |
| స్థాపన | 1996 |
| ప్రధాన కార్యాలయం | ముంబయి, మహారాష్ట్ర, భారతదేశం |
కీలక వ్యక్తులు | పద్మజ చుండూరు, (మేనేజింగ్‌ డైరెక్టర్‌, చీఫ్‌ ఎగ్జిక్యూటివ్‌ ఆఫీసర్‌) |
| ఉత్పత్తులు | డీమ్యాట్ ఖాతా, సెక్యూరిటీల బదిలీ , సెటిల్మెంట్ |
| మాతృ సంస్థ | సెక్యూరిటీస్ అండ్ ఎక్స్ఛేంజ్ బోర్డ్ ఆఫ్ ఇండియా, మినిస్ట్రీ ఆఫ్ ఫైనాన్స్ (ఇండియా) |
నేషనల్ సెక్యూరిటీ డిపాజిటరీ లిమిటెడ్ (ఎన్ఎస్డీఎల్) (ఆంగ్లం: National Securities Depository Limited) - ముంబైలో ఉన్న ఒక భారతీయ సెంట్రల్ సెక్యూరిటీస్ డిపాజిటరీ సంస్థ. భారతదేశంలో మొట్టమొదటి ఎలక్ట్రానిక్ సెక్యూరిటీస్ డిపాజిటరీగా ఎన్‌ఎ్‌సడీఎల్‌ 1996 ఆగస్టులో స్థాపించబడింది.[1] ఇది దేశ ఆర్థికాభివృద్ధికి బాధ్యత వహించే జాతీయ సంస్థ.[2] నేషనల్ సెక్యూరిటీస్ డిపాజిటరీస్ లిమిటెడ్ అఫీషియల్ వెబ్సైట్ https://nsdl.co.in/
ఎన్ఎస్డీఎల్ 2021-22 ఆర్థిక సంవత్సరంలోనే డీమ్యాట్ ఖాతాల్లో ఉన్న ఆస్తుల విలువలో 300 లక్షల కోట్ల రూపాయల చారిత్రక మైలురాయిని అధిగమించింది.[3]
చరిత్ర
[మార్చు]1995లో డిపాజిటరీల ఆర్డినెన్స్‌ను విడుదల చేయడం ద్వారా భారతదేశంలో మొట్టమొదటి డిపాజిటరీగా నేషనల్ సెక్యూరిటీస్ డిపాజిటరీ లిమిటెడ్ స్థాపనకు మార్గం సుగమం అయింది. ఇప్పుడు, ఎన్ఎస్డీఎల్ ప్రపంచంలోని అతిపెద్ద డిపాజిటరీలలో ఒకటి. ఇది భారతీయ సెక్యూరిటీల మార్కెట్‌లలో డి-మెటీరియలైజ్డ్ రూపంలో ఉంచబడిన, స్థిరపడిన చాలా సెక్యూరిటీలను నిర్వహించే అత్యాధునిక మౌలిక సదుపాయాలను కలిగి ఉంది.[4] ఫిజికల్ సర్టిఫికేట్లలో లావాదేవీలతో పోలిస్తే డిపాజిటరీ రూపంలో లావాదేవీల ఖర్చు చాలా తక్కువగా ఉంటుంది. దీనికోసమని ఎన్‌ఎ్‌సడీఎల్‌ దేశానికి 'డీమ్యాట్' ని పరిచయం చేసింది. ఇది సెక్యూరిటీల మార్కెట్‌లోని వివిధ వాటాదారులకు ప్రపంచ స్థాయి డిజిటల్ సేవలను అందిస్తోంది.[4]
సంస్థ విధులు
[మార్చు]ఎన్ఎస్డీఎల్ డేటాబేస్ మేనేజ్‌మెంట్ లిమిటెడ్ (NDML), ఎన్ఎస్డీఎల్ పేమెంట్స్ బ్యాంక్ లిమిటెడ్.. ఇవి రెండూ నేషనల్ సెక్యూరిటీ డిపాజిటరీ లిమిటెడ్ అనుబంధ సంస్థలు. ఇవి ఇండియన్ సెక్యూరిటీస్ మార్కెట్‌లో సెక్యూరిటీల డీమ్యాట్, సెక్యూరిటీల బదిలీ, సెటిల్‌మెంట్‌కు సంబంధించిన సేవలను అందిస్తాయి. ఎన్ఎస్డీఎల్ ఇ-గవర్నెన్స్ ఇన్‌ఫ్రాస్ట్రక్చర్ లిమిటెడ్[2] అనేది ఒక ప్రత్యేక సంస్థ. ఇది పాన్ కార్డు (PAN) ల జారీకి సంబంధించిన సేవలను అందిస్తుంది. అలాగే నేషనల్ పెన్షన్ సిస్టమ్ (NPS) కోసం సెంట్రల్ రికార్డ్ కీపింగ్ ఏజెన్సీగా కూడా పనిచేస్తుంది.
ఇవీ చదవండి
[మార్చు]- సెక్యూరిటీస్ అండ్ ఎక్ఛేంజ్ బోర్డు ఆఫ్ ఇండియా
- ఇన్స్టిట్యూట్ ఆఫ్ చార్టర్డ్ అకౌంటెంట్స్ ఆఫ్ ఇండియా
- బాంబే స్టాక్ ఎక్స్ఛేంజ్
- డీమ్యాట్ ఖాతా
- శాశ్వత ఖాతా సంఖ్య
మూలాలు
[మార్చు]- ↑ "Sebi.gov.in Depositories". SEBI.
{{cite web}}: CS1 maint: url-status (link) - ↑ 2.0 2.1 "NSDL e-Governance Infrastructure Limited". www.egov-nsdl.co.in. Archived from the original on 2022-02-06. Retrieved 2022-01-17.
- ↑ Desk, B. Q. "Assets In NSDL Demat Accounts Now Worth $4 Trillion". BloombergQuint (in ఇంగ్లీష్). Retrieved 2022-01-17.
- ↑ 4.0 4.1 "What is NSDL service?". Business Insider. Retrieved 2022-01-17.