పడమటి సంధ్యారాగం

వికీపీడియా నుండి
ఇక్కడికి గెంతు: మార్గసూచీ, వెతుకు
పడమటి సంధ్యారాగం
(1987 తెలుగు సినిమా)
దర్శకత్వం జంధ్యాల
నిర్మాణం గుమ్మలూరి శాస్త్రి
తారాగణం విజయశాంతి ,
టామ్,
గుమ్మలూరి శాస్త్రి,
శివమణి
సంగీతం ఎస్.పి.బాలసుబ్రహ్మణ్యం
నేపథ్య గానం ఎస్.జానకి,
ఎస్.పి.బాలసుబ్రహ్మణ్యం,
ఎస్.పి.శైలజ
సంభాషణలు జంధ్యాల
కూర్పు గౌతంరాజు
నిర్మాణ సంస్థ ప్రవాసాంధ్ర చిత్ర
భాష తెలుగు
ఐ.ఎమ్.డీ.బి పేజీ

హాస్యకథా చిత్రాలకు పెట్టింది పేరైన దర్శక రచయిత జంధ్యాల పూర్తిగా అమెరికా నేపథ్యంలో తీసిన సినిమా పడమటి సంధ్యారాగం. విజయశాంతి, గుమ్మలూరి శాస్త్రి, థామస్ జేన్, శివమణి ప్రధాన పాత్రల్లో నటించిన ఈ చిత్రం 1987లో విడుదలై విజయం సాధించింది.

సంక్షిప్త కథ[మార్చు]

తండ్రి అంత్యక్రియలు నిర్వర్తించడానికి విజయశాంతి అమెరికన్ అయిన తన భర్తతో కలిసి భారతదేశానికి రావడంతో సినిమా ప్రారంభమౌతుంది. వాళ్ళను విమానాశ్రయం నుంచి తీసుకువెళ్ళడానికి వారి కూతురు అనిత వస్తుంది. కానీ వాళ్ళంటే అసహ్యించుకుంటూ ఉంటుంది. ఆమె తాత (విజయశాంతి తండ్రి) పెంపకంలో పెరగడం వలన, విదేశీయుడిని ప్రేమించి పెళ్ళిచేసుకున్నందుకు వాళ్ళ మీద కోపంగా ఉంటుంది. తాము అమెరికాకు ఎలా వెళ్ళిందీ, ఎలా పరిచయమయ్యి ప్రేమలో పడిందీ, పెళ్ళి చేసుకున్నదీ విజయశాంతి తన కూతురితో చెప్పడమే సినిమాలో ప్రధాన భాగం. మొదట్లో సంధ్య (విజయశాంతి) కుంటుంబం వాళ్ళ అమెరికాలో ఉన్న వాళ్ళ బాబాయి రాము ప్రోద్భలంతో అక్కడికి వెళుతుంది. కానీ విజయశాంతి తండ్రి మాత్రం పాతకాలం అలవాట్లున్న సంప్రదాయాలను కచ్చితంగా పాటించే మనిషి. అమెరికాకు వచ్చినా తన పద్ధతులు మార్చుకోకుండా అందరినీ విసిగిస్తుంటాడు. విజయశాంతి తన ఎదురింట్లో ఉన్న టామ్ తో ప్రేమలో పడుతుంది. ఆ తర్వాత కథ ఏ మలుపులు తిరిగిందనేది మిగతా కథ.

నిర్మాణం[మార్చు]

చిత్రీకరణ[మార్చు]

చిత్రమంతా దాదాపుగా అమెరికాలో జరిగింది. సినిమా చిత్రీకరణకు సహకరించిన అమెరికా జంట కొడుకుపై ఓ పాటను చిత్రీకరించాలనుకున్నారు జంధ్యాల. ఆ తెల్లవాళ్ళ పిల్లాడికి బాలకృష్ణుడి వేషం వేసి ఓ పాటను చిత్రీకరిద్దామనుకున్నారు. అయితే చిత్రీకరణ ప్రారంభమయ్యాకా ఆ పిల్లాడు ఏమాత్రం సహకరించలేదు. కొంటెతనం, చిన్నతనంతో చేతికి ఫ్లూటు ఇస్తే సరిగ్గా చిత్రీకరించే సమయానికి విరిచి పారేయడం, నవ్వుతూ మొహం పెట్టమంటే కెమెరా వైపుకు తిరిగి వెక్కరించడం, కెమెరా చిత్రీకరించే ఫీల్డ్‌లోంచి పారిపోవడం, నడవమంటే దొర్లడం లాంటివి చేశాడు. చివరకు వందల అడుగుల రీల్ ఎక్స్‌పోజ్ అయింది. చివరకు చేద్దామనుకున్న పాట చేయలేకపోయినా జంధ్యాల వదల్లేదు. ఇలా చిత్రీకరణ అయినదంతా తెలివిగా, సృజనాత్మకంగా ఎడిట్ చేసి, దానికి బాలకృష్ణుని వర్ణించే అన్నమాచార్య కీర్తన ముద్దుగారే యశోద జతచేశారు. సినిమాలో సరిగ్గా హీరోయిన్ తెల్లజాతికి చెందిన టాం, నల్లజాతికి చెందిన శివమణిల్లో తన మనసుకు టాం నచ్చాడని భావించే సందర్భంలో ఆ విషయాన్ని నేరుగా చెప్పకుండా ఈ పాట ద్వారా సూచించేలా చేర్చారు. ఇప్పుడు సినిమాలో ఆ సన్నివేశాన్ని చూసినవారు కావాలని తెల్లపిల్లాడితో బాలకృష్ణుని అల్లరి సన్నివేశాలు చిత్రించారనుకుంటారు తప్ప ఇదంతా ఊహించలేరు.[1]

పాటలు[మార్చు]

  • ఈ తూరుపు ఈ పశ్చిమం
  • పిబరే రామరసం
  • ముద్దుగారే యశోద ముంగిట ముత్యము వీడు

బయటి లింకులు[మార్చు]

మూలాలు[మార్చు]

  1. పప్పు, శ్రీనివాస్. "పడమటి సంధ్యారాగం సినిమా - ముద్దుగారే యశోద". జంధ్యా వందనం. Retrieved 21 April 2015.