పేకాట పాపారావు

వికీపీడియా నుండి
Jump to navigation Jump to search
పేకాట పాపారావు
దర్శకత్వంవై. నాగేశ్వరరావు
నిర్మాతటి. గోవింద రెడ్డి, పంతంగి పుల్లయ్య, డి. వి. వి. రమణా రెడ్డి
నటులురాజేంద్ర ప్రసాద్ ,
కుష్బూ
సంగీతంరాజ్-కోటి
విడుదల
1994
భాషతెలుగు

పేకాట పాపారావు 1994 లో వై. నాగేశ్వరరావు దర్శకత్వంలో వచ్చిన హాస్యభరిత చిత్రం. ఇందులో రాజేంద్ర ప్రసాద్, కుష్బూ ప్రధాన పాత్రలు పోషించారు. ఈ చిత్రాన్ని టి. గోవింద రెడ్డి, పంతంగి పుల్లయ్య, డి. వి. వి. రమణా రెడ్డి కలిసి ఉమామహేశ్వర మూవీస్ పతాకంపై నిర్మించారు. రాజ్ కోటి ఈ సినిమాకు సంగీతం అందించారు.[1]

కథ[మార్చు]

పేకాట పాపారావుకి పేకాటే సర్వస్వం. ఒకసారి ఉమ అనే యువతి అతన్ని ప్రేమించినట్లు నటిస్తుంది. కానీ పాపారావు ఆమెను నిజంగా ప్రేమించడం మొదలుపెడతాడు. ఉమ ఒక పోలీసు ఆఫీసరు. ఆమె అమ్మాయిలను నమ్మించి మోసంచేసే ఒక మోసగాడి కోసం వెతుకుతుంటుంది. అతని తొడపైన పుట్టుమచ్చ మాత్రమే ఆమెకు తెలిసిన గుర్తు. చివరికి ఆమె శివాజీ అనే అతణ్ణి పట్టుకుంది. దానికి అసలు సూత్రధారి మీసాల గుండయ్య అనే క్లబ్ యజమాని. ఉమ అతన్ని కూడా పట్టుకుంటుంది. కానీ గుండయ్య మాత్రం ఆమె మీద పగ తీర్చుకుంటానని శపథం చేస్తాడు. కొంతకాలం తర్వాత పాపారావు, ఉమ తమ నిజమైన వృత్తి ఒకరినొకరు తెలుసుకోకుండానే కలుసుకుంటారు. ఈ లోపు గుండయ్య పాపారావును జూదం నేరంలో ఇరికిస్తాడు. ఉమ వచ్చి అతన్ని అరెస్టు చేస్తుంది. ఉమ పాపారావును పేకాట జోలికి వెళ్ళవద్దంటుంది. పాపారావు ఆమెను ఉద్యోగం మానేయమంటాడు. ఇద్దరూ కలిసి పందెం వేసుకుంటారు. పాపారావు నెలరోజులపాటు ఆమెను తాకకుండా ఉంటే అతను పందెం గెలిచినట్లు లెక్క, లేకపోతే అతను పేకాట మానేయాలి. గుండయ్య శివాజీ సహాయంతో పాపారావును అప్పుల పాలు జేస్తాడు. నిజం తెలుసుకున్న పాపారావు శివాజీని హత్య చేస్తాడు. కానీ గుండయ్య శివాజీ చనిపోయేలా నాటకం ఆడించాడని తెలుసుకుంటాడు. ఉమ సహాయంతో అతన్ని పట్టుకుని చట్టానికి అప్పగిస్తాడు. చివరికి పాపారావు పేకాట అంటే అయిష్టం పెంచుకుంటాడు. ఇద్దరికీ ఒక అబ్బాయి పుడతాడు. నామకరణ మహోత్సవంలో ఆ అబ్బాయి పేకముక్కలు పట్టుకోవడంతో కథ సుఖాంతమవుతుంది.

తారాగణం[మార్చు]

మూలాలు[మార్చు]

  1. "Pekata Paparao (1994)". Indiancine.ma. Retrieved 2020-07-23.