ఫోటాన్

వికీపీడియా నుండి
Jump to navigation Jump to search
లేజర్ కాంతి పుంజాన నుండి ఫోటాన్లు వెలువడుట

ఫోటాన్ అనేది ఒక ప్రాథమిక కణం. కాంతితో సహా అన్ని రకాల విద్యుదయస్కాంత తరంగాలకు ఒక ప్రమాణం. ఇది విద్యుదయస్కాంత శక్తిని మోసుకెళ్ళే ఒక శక్తి వాహకం కూడా. అన్ని ప్రాథమిక కణాలలానే ఫోటాన్లను కూడా క్వాంటం యాంత్రిక శాస్త్రం సహాయంతో వివరించ వచ్చు. ఈ ఫోటాన్లు కణం, తరంగాల లక్షణాలు కలిగి ఉంటాయి.

ఫోటాన్ అనే అధునాతన భావనను ఆల్బర్ట్ ఐన్‌స్టీన్ ఇరవయ్యో శతాబ్దం మొదట్లో ప్రతిపాదించాడు. కాంతి మీద ఆయన చేసిన ప్రయోగాల ఫలితాలను వివరించడం కోసం కాంతిని తరంగాలుగా కాకుండా ఫోటాన్లుగా భావించాడు.

భౌతిక శాస్త్రంలో ఫోటాన్ ను గ్రీకు అక్షరం గామా (γ) తో సూచిస్తారు. బహుశ ఈ చిహ్నం 1900 లో కనుగొనబడిన గామా కిరణాల పేరుమీదుగా ఉత్పన్నం అయి ఉండవచ్చు.[1][2] రసాయన శాస్త్రం, ఆప్టికల్ ఇంజనీరింగ్ లో ఫోటాన్ ను , (ఫోటాన్ శక్తి) తో సూచిస్తారు. ఇక్కడ h అనేది ప్లాంక్స్ కాన్స్టంట్, గ్రీకు అక్షరం న్యూ (ν) ఆ ఫోటాను యొక్క ఫ్రీక్వెన్సీ.

పుట్టుక[మార్చు]

1900 లో మాక్స్ ప్లాంక్ కృష్ణ వస్తువుల వికిరణాన్ని గురించి అధ్యయనం చేస్తున్నపుడు వాటినుండి వెలువడే విద్యుదయస్కాంత తరంగాలు ఒక నిర్ణీత పరిమాణం కలిగిన శక్తిలాగా విడుదల అవుతుంటాయని భావించాడు. అంతకు మునుపు ఈ శక్తిని క్వాంటమ్ (అంటే ఒక యూనిట్ అని అర్థం వస్తుంది) అనే పేరుతో కొలిచేవారు. 1905 ఆల్బర్ట్ ఐన్‌స్టీన్ వాటిని లైట్ క్వాంటమ్ అన్నాడు. 1928లో ఆర్థర్ కామ్టన్ అనే శాస్త్రవేత్త దానికి ఫోటాన్ అనే పేరు వాడాడు.

భౌతిక ధర్మాలు[మార్చు]

ఫోటానుకు ఎటువంటి ద్రవ్యరాశి, విద్యుదావేశం ఉండవు. అది ఒక స్థిరమైన కణం.

చరిత్ర[మార్చు]

18 వ శతాబ్దం దాకా చాలా సిద్ధాంతాల్లో కాంతి అనేది కణాలతో కూడుకుని ఉంటుంది అని భావిస్తూ వచ్చారు. కానీ ఈ కణ సిద్ధాంతం వల్ల కాంతి ఎందుకు వక్రీభవనం చెందుతుందో వివరించలేకపోయారు. అప్పుడే రెనీ డెకార్ట్ (1637),[3] రాబర్ట్ హుక్ (1665),[4] క్రిస్టియాన్ హైగెన్స్ (1678)[5] అనే శాస్త్రవేత్తలు కాంతి తరంగ రూపంలో ఉంటుందని సిద్ధాంతాలను ప్రతిపాదించారు. అయితే ఐజాక్ న్యూటన్ ప్రభావం వలన కాంతి కణ సిద్ధాంతాలే ఎక్కువ ప్రబలంగా ఉండేవి.[6] 19వ శతాబ్దం మొదట్లో థామస్ యంగ్, అగస్ట్ ఫ్రెస్నెల్ అనే శాస్త్రవేత్తలు కలిసి కాంతి వక్రీభవనం తరంగాలను అడ్డుకోవడం వల్ల కలుగుతుందని నిరూపించారు. దాంతో 1850 నుంచి కాంతి తరంగ సిద్ధాంతం బలం పుంజుకోవడం మొదలైంది.[7]

మూలాలు[మార్చు]

  1. Villard, P. (1900). "Sur la réflexion et la réfraction des rayons cathodiques et des rayons déviables du radium". Comptes Rendus des Séances de l'Académie des Sciences (in ఫ్రెంచ్). 130: 1010–1012.
  2. Villard, P. (1900). "Sur le rayonnement du radium". Comptes Rendus des Séances de l'Académie des Sciences (in ఫ్రెంచ్). 130: 1178–1179.
  3. Descartes, R. (1637). Discours de la méthode (Discourse on Method) (in ఫ్రెంచ్). Imprimerie de Ian Maire. ISBN 978-0-268-00870-3.
  4. Hooke, R. (1667). Micrographia: or some physiological descriptions of minute bodies made by magnifying glasses with observations and inquiries thereupon ... London, UK: Royal Society of London. ISBN 978-0-486-49564-4.
  5. Huygens, C. (1678). Traité de la lumière (in ఫ్రెంచ్).. An English translation is available from Project Gutenberg
  6. Newton, I. (1952) [1730]. Opticks (4th ed.). Dover, NY: Dover Publications. Book II, Part III, Propositions XII–XX; Queries 25–29. ISBN 978-0-486-60205-9.
  7. Buchwald, J.Z. (1989). The Rise of the Wave Theory of Light: Optical theory and experiment in the early nineteenth century. Physics Today. Vol. 43. University of Chicago Press. pp. 78–80. Bibcode:1990PhT....43d..78B. doi:10.1063/1.2810533. ISBN 978-0-226-07886-1. OCLC 18069573.
"https://te.wikipedia.org/w/index.php?title=ఫోటాన్&oldid=3614101" నుండి వెలికితీశారు