ఫౌంటైన్

వికీపీడియా నుండి
Jump to navigation Jump to search

ఫౌంటైన్ (fountain) అనేది నిర్మాణశైలి యొక్క ఒక భాగం, ఇందు యందున్న బేసిన్ లేక జెట్‌లలోకి నీటి ధారపోతలుంటాయి, ఇది గాలిలోకి మంచినీటిని విరజిమ్ముతుంది, అలంకారప్రాయంగా ఉంటాయి. ఫౌంటైన్లు నిజానికి పూర్తిగా ప్రయోజనకరమైనవే, చలమలకు లేదా కాలువలకు అనుసంధానించబడి ఉంటాయి, నగర, పట్టణ, గ్రామ నివాసితులకు త్ర్రాగునీటిని, స్నానాలకు, బట్టలు ఉతుక్కోవటానికి, అంట్లు తోముకోవడానికి నీటిని అందిస్తాయి. 19వ శతాబ్దం వరకు అత్యధిక ఫౌంటైన్లు గురుత్వాకర్షణ ద్వారా నిర్వహించబడేవి, గాలిలోకి నీరు ఎగసిపడేలా లేదా విరజిమ్మేలా చేయడానికి జలాశయం లేదా కాలువ వంటి నీటి వనరులు ఫౌంటైన్ కంటే ఎత్తుగా ఉండవలసిన అవసరం ఉండేది. అదనంగా త్రాగునీటిని అందించేలా చేయడంతో పాటు ఫౌంటైన్లను అలంకరణ కోసం, ఉల్లాసానికి వాటి నిర్మాణకర్తలు ఉపయోగించేవారు. రోమన్ ఫౌంటైన్లు జంతువుల లేదా నాయకుల కాంస్య లేదా రాతి విగ్రహాలతో అలంకరించబడ్డాయి. మధ్యయుగాలలో మూరిష్, ముస్లిం తోట డిజైనర్లు ఉద్యానవనాల మెరుగులగా ఫౌంటైన్లను ఉపయోగించారు. ఫ్రాన్స్ రాజు లూయిస్ XIV ప్రకృతిపై తన శక్తిని ప్రదర్శించేందుకు వేర్సైల్లెస్ యొక్క గార్డెన్స్ లో ఫౌంటైన్లు ఉపయోగించారు. 19 వ శతాబ్దం చివరినాటికి త్రాగునీటి ప్రధాన మూలాలు ఇంటి లోపలి ప్లంబింగ్ గా మారిపోయాయి, పట్టణ ఫౌంటైన్లు పూర్తిగా అలంకారప్రాయమయ్యాయి.

కొద్దిమొత్తంలో ఉన్న అదే నీటిని మళ్ళీ మళ్ళీ రంపించడానికి, బలంగా గాలిలోకి పైకి విరజిమ్మించడానికి గురుత్వాకర్షణ, వాలు ద్వారా నడిచే ఫౌంటైన్ల స్థానంలో మెకానికల్ పంపులు వచ్చాయి. 1951 లో నిర్మించిన జెనివా సరస్సులోని జెట్ డి'యూ నీటిని గాలిలోకి 140 మీటర్ల (460 అడుగులు) పైకి చిమ్ముతుంది. ప్రపంచంలో అత్యంత ఎత్తైన ఫౌంటెన్ వంటి కింగ్ ఫాహ్డ్స్ ఫౌంటైన్ సౌదీ అరేబియాలోని జెడ్డాలో ఉంది, ఇది ఎర్ర సముద్రం పైన నీటిని 260 మీటర్లు (850 అడుగులు) చిమ్ముతుంది.

ఫౌంటైన్లు ఇప్పుడు నగరాలలోని పార్కులలో, కూడళ్లలో అలంకరణగా ఉపయోగిస్తున్నారు. కార్యక్రమాలలో అతిథుల గౌరవార్థానికి ఉల్లాసం కోసం, వినోదం కోసం తాత్కాలిక ఫౌంటైన్లను ఏర్పాటుచేస్తున్నారు. నగరాలలోని ఫౌంటైన్లు వేసవిలో చల్లదనానిస్తున్నాయి. సంగీత ఫౌంటైన్లు సంగీతానికి, రంగుల కాంతులకు అనుగుణంగా నీటిని నర్తింపచేస్తాయి, ఈ సంగీత ఫౌంటైన్లు కంప్యూటర్ చే నియంత్రించబడతాయి.[1]

19వ శతాబ్దపు ఫౌంటైన్లు[మార్చు]

ప్రపంచవ్యాప్తంగా ముఖ్యమైన ఫౌంటైన్లు[మార్చు]

చిత్రాలు[మార్చు]

మూలాలు[మార్చు]

  1. Philippe Prévot, Histoire des jardins, Editions Sud Ouest, Bordeaux, 2006.
"https://te.wikipedia.org/w/index.php?title=ఫౌంటైన్&oldid=3805959" నుండి వెలికితీశారు