మంగళసూత్రం (1966 సినిమా)

మంగళసూత్రం (1966 తెలుగు సినిమా)
దర్శకత్వం	ఏ.కె.వేలన్
నిర్మాణం	ఏ.కె.వేలన్
తారాగణం	నందమూరి తారక రామారావు, దేవిక
సంభాషణలు	పినిశెట్టి
ఛాయాగ్రహణం	సత్యం
కూర్పు	వి.ఎన్. రఘుపతి
నిర్మాణ సంస్థ	అరుణాచల స్టూడియోస్
భాష	తెలుగు

మంగళసూత్రం 1966 మే 19 న విడుదలైన సినిమా. అరుణాచలం స్టూడియోస్ బ్యానర్‌లో ఎకె వేలన్ నిర్మించి దర్శకత్వం వహించాడు. ఇందులో ఎన్.టి.రామారావు, దేవిక ప్రధాన పాత్రలలో నటించగా, టి. చలపతి రావు స్వరపరిచారు.

కథ

జోగారావు ఒక ప్రసిద్ధ న్యాయవాది. అతని భార్య పార్వతి వారి ఇద్దరు పిల్లలు రాజు (ఎన్ టి రామారావు), శంకర్లతో కలిసి సంతోషకరమైన కుటుంబ జీవితాన్ని గడుపుతూంటారు. ఒకసారి రాజు వారి గ్రామానికి వెళ్లినపుడు అక్కడ శాంత (దేవిక) తో పరిచయం ఏర్పడుతుంది. ఇద్దరూ ప్రేమలో పడతారు. పార్వతి తన కుమారుడు రాజును తన చదువుకున్న మేనకోడలు కమల కంటే గ్రామానికి చెందిన అమ్మాయితోనే పెళ్ళి చెయ్యాలనుకుంటుంది. రాజు గ్రామం నుండి తిరిగి వస్తాడు. అదే సమయంలో పార్వతి గ్రామానికి వెళ్ళి, అక్కడ శాంతతో రాజు పెళ్ళి నిశ్చయం చేసుకుంటుంది. తన తల్లి పెళ్ళి నిశ్చయం చేసినది తన ప్రేయసితోనేనని రాజుకు తెలియదు, కాబట్టి, అతను దానిని తిరస్కరిస్తాడు. తన తండ్రి సహాయం తీసుకుంటాడు. జోగారావు పెళ్ళి సమయంలో ఇంటి నుండి పారిపోవాలని చెప్తాడు. ఆ పెళ్ళిని అతడు తన రెండవ కుమారుడు శంకరుకు చేస్తాను అని చెబుతాడు. కానీ శంకర్ ఈ మాట విని, వెంటనే తాను ప్రేమిస్తున్న బాలా అనే అమ్మాయిని పెళ్ళి చేసేసుకుంటాడు. పెళ్ళి జరిగిన రోజున, వరుడు పారిపోయాడని అందరూ గాసిప్పులు చేయడం ప్రారంభించారు. తన కుమార్తె జీవితాన్ని పాడుచేయవద్దని శాంత తండ్రి జోగా రావును అభ్యర్థిస్తాడు. శాంత సవతి తల్లి అరవడం ప్రారంభిస్తుంది. అక్కడ జోగారావుకు తన మూర్ఖత్వం అర్థమౌతుంది. కాబట్టి, అతను ఒక ఎలక్ట్రిక్ ఇంజనీర్‌తో శాంతా వివాహం చేస్తాడు. తెలియని వ్యక్తి ముడి కట్టడం చూసి శాంత మూర్ఛపోతుంది. ఆ రాత్రి ఆమె ఆత్మహత్యకు ప్రయత్నిస్తుంది. పెళ్ళికుమారుడు ఆమెను కాపాడతాడు. ఆమెకు రాజుతో మళ్ళీ పెళ్ళి చేస్తానని ఆమెకు హామీ ఇస్తాడు. ఇంతలో, అకస్మాత్తుగా, కరెంట్ పోతుంది. ఎలక్ట్రికల్ ఇంజనీర్ కావడంతో, అతను ఫ్యూజ్‌ను తనిఖీ చేయడానికి వెళ్లి, విద్యుదాఘాతానికి గురై మరణిస్తాడు. మిగిలిన కథ ఏమిటంటే, రాజు తిరిగి వచ్చి శాంతను వివాహం చేసుకుంటాడా, వారి జీవితంలో ఏమి జరుగుతుందీ అనేది మిగతా కథ

తారాగణం

• రాజుగా ఎన్.టి.రామారావు
• శాంతగా దేవిక
• జోగా రావుగా రమణ రెడ్డి
• శంకర్ పాత్రలో పద్మనాభం
• రమణ మూర్తి
• పెరుమల్లు
• బాలా పాత్రలో గీతాంజలి
• కమలాగా వసంతి
• పార్వతిగా హేమలత
• నిర్మలమ్మ

సాంకేతిక సిబ్బంది

• కళ: కేపీ ముత్తు
• నృత్యాలు: రెడ్డి, రాజ్ కుమార్
• స్టిల్స్: ఆర్‌ఎన్ నాగరాజ రావు
• సంభాషణలు: పినిశెట్టి
• సాహిత్యం: దసరాది, శ్రీశ్రీ, కోసరాజు
• నేపథ్య గానం: పిబి శ్రీనివాస్, పి. సుశీలా, ఎస్. జానకి, జిక్కి, జయదేవ్
• సంగీతం: టి. చలపతి రావు
• కూర్పు: వి.ఎన్.రఘుపతి
• ఛాయాగ్రహణం: సత్యం
• నిర్మాత - దర్శకుడు: ఎకె వెలన్
• బ్యానర్: అరుణాచలం స్టూడియోస్
• విడుదల తేదీ: 1966 మే 19

పాటలు

ఎస్.	పాట	సాహిత్యం	గాయనీ గాయకులు	నిడివి
1	"ఒక్కమాట"	కోసరాజు	పి. సుశీలా
2	"అందాల చినదానిని"	దాశరథి	పిబి శ్రీనివాస్, ఎస్.జానకి
3	"చూసారా ఎవరైనా చూసారా"	కోసరాజు	జయదేవ్, వసంత
4	"నా మనసు నవ్వనేల"	దాశరథి	జిక్కి
5	"భలే భలే పోసుకోలు బావయ్య"	కోసరాజు	పిబి శ్రీనివాస్, ఎస్.జానకి
6	"ఇది చీకటి జీవితం"	శ్రీ శ్రీ	పిబి శ్రీనివాస్