మంత్రిప్రెగడ సూర్యప్రకాశ కవి

మంత్రిప్రెగడ సూర్యప్రకాశ కవి
మంత్రిప్రెగడ సూర్యప్రకాశ కవి
జననం	1808
మరణం	11 మే, 1873
వృత్తి	కవి, పండితుడు
తల్లిదండ్రులు	శరభరాజామాత్యుడు (తండ్రి); సీతమ్మ (తల్లి);

మంత్రిప్రెగడ సూర్యప్రకాశ కవి మాడుగుల సంస్థాన ప్రభువైన శ్రీకృష్ణ భూపాలుని ఆస్థానంలో కవి, పండితుడు.

జీవిత విశేషాలు

ఈయన తల్లి సీతమ్మ, తండ్రి శరభరాజామాత్యుడు. ఈయన పిఠాపురం దగ్గరున్న తిమ్మాపురంలో 1808 విభవ నామ సంవత్సరంలో జన్మించారు. 1873లో మే 11న శ్రీముఖ నామ సంవత్సరం వైశాఖ శుద్ధ చతుర్దశి భానువాసరము రోజున నిర్యాణము చెందారు.

ఈ కవి విద్యా గురువులు ముగ్గురు - కందర్ప సీతారామశాస్త్రి గారు బాల్యగురువులు. దేవులపల్లి తమ్మయసూరి గారు, వాడపల్లి అనంతపద్మనాభాచార్య గార్ల వద్ద ఉభయ భాషలు అభ్యసించారు ఈ కవి. కవిత్వం వీరికి జన్మతః ఉన్న విద్య. తల్లితండ్రులిరువురి వైపు వారు పండిత కవులు.

ఆంధ్ర సాహిత్య పరిషత్తు సీతారామచరిత్రములోని బాలకాండము గల ప్రథమాశ్వాసాన్ని 1941 లో వెలువరించింది.
కృష్ణార్జున చరిత్రము 1908లో బి.ఏ.కూ, 1914లో ఎమ్.ఏకును పాఠ్యముగా చెన్నపుర విశ్వవిద్యాలయము వారు నిర్ణయించారు.

క. కాయలు లేని మహీజము

కోయిల లేనట్టి వనము గుడిలేనిపురము

బాయల మోదము జేయవు

కాయజహర! భీమలింగ! కలుషవిభంగా!