రాజశేఖరా నీపై మోజు తీరలేదురా

"రాజశేఖరా నీపై మోజు తీరలేదురా"
("Rajasekhara neepai moju teeraledura")
రచయిత	సముద్రాల రాఘవాచార్య
సంగీతం	ఆదినారాయణరావు
సాహిత్యం	సముద్రాల రాఘవాచార్య
ప్రచురణ	అనార్కలి (1955)
రచింపబడిన ప్రాంతం	ఆంధ్రప్రదేశ్
భాష	తెలుగు
రూపం	ఖవ్వాలీ
గాయకుడు/గాయని	ఘంటసాల వెంకటేశ్వరరావు జిక్కి కృష్ణవేణి
చిత్రంలో ప్రదర్శించినవారు	అక్కినేని నాగేశ్వరరావు అంజలీదేవి

రాజశేఖరా నీపై మోజు తీరలేదురా ఒక సంగీతభరితమైన పాట. ఇది అనార్కలి (1955) చిత్రంలోనిది. దీనిని సముద్రాల రాఘవాచార్య రచించారు. దీనిని ఘంటసాల వెంకటేశ్వరరావు, జిక్కి కృష్ణవేణి గానం చేయగా; ఆదినారాయణరావు స్వరసంగీతాన్ని గొప్పగా అందించారు. ఇది తెలుగువారి మదిలో ఒక మరుపురాని మధురగీతం.

పాట నేపథ్యం

మొఘల్ రాజు అక్బర్ దర్బారులో నర్తకి అనార్కలి అద్భుతంగా నాట్యం చేస్తుంది. ఆశ్చర్య చకితుడైన యువరాజు సలీం ఆమెను ప్రేమిస్తాడు. అనార్కలి సినిమాకు చాలా కీలకమైన పాట కోసం ఖవ్వాలి బాణిలో ఉత్తరహిందుస్తానీ తరహా కథక్ నాట్యంతో చిత్రీకరించారు. అక్బర్ గా యస్వీ రంగారావు నటించగా యువరాజు సలీంగా అక్కినేని నాగేశ్వరరావు, అనార్కలిగా అంజలీదేవి అద్భుతంగా నటించిన ప్రేమ దృశ్యకావ్యంగా ఈ సినిమా నిలిచిపోయింది.

పాటలో కొంతభాగం

మదన మనోహర సుందర నారి
మధుర ధరస్మిత నయనచకోరి
మందగమన జిత రాజమరాళి
నాట్యమయూరి అనార్కలి

రాజశేఖరా నీపై మోజు తీరలేదురా
రాజసాన ఏలరా
రాజశేఖరా నీపై మోజు తీరలేదురా
రాజసాన ఏలరా రాజశేఖరా
రాజశేఖరా నీపై మోజు తీరలేదురా
రాజసాన ఏలరా రాజశేఖరా

మనసు నిలువ నీదురా
మమత మాసిపోదురా || మనసు నిలువ నీదురా ||
మధురమైన బాధరా
మరపురాదు ఆ ఆ ఆ ఆ || రాజశేఖరా ||

కానిదాన కాదురా కనులనైన కానరా || కానిదాన కాదురా ||
జాగుసేయనేలరా వేగ రావదేలరా || జాగుసేయ నేలరా ||
వేగరార వేగరార వేగరార

రీమిక్స్

• 50 సంవత్సరాల తర్వాత దీనిని లీడర్ (2010) సినిమాలో ఐటం సాంగ్ గా చిత్రీకరించారు. దీనిని వేటూరి సుందరరామమూర్తి రచించగా శ్వేతా పండిట్ గానం చేసింది. దీనిలో ప్రముఖ టి.వి.యాంకర్ ఉదయభాను నర్తించింది.