రాహుల్ నార్వేకర్
| రాహుల్ నార్వేకర్ | |||
| పదవీ కాలం 3 జులై 2022 – ప్రస్తుతం | |||
| గవర్నరు | భగత్ సింగ్ కొష్యారి | ||
|---|---|---|---|
| ముందు | నరహరి సీతారాం జిర్వాల్ | ||
ఎమ్మెల్యే
| |||
| పదవీ కాలం 2019 నవంబరు 21 – ప్రస్తుతం | |||
| ముందు | రాజ్ కే. పురోహిత్ బీజేపీ | ||
| నియోజకవర్గం | కొలాబా | ||
వ్యక్తిగత వివరాలు
|
|||
| జననం | 1977 కొలాబా, మహారాష్ట్ర, భారతదేశం[1] | ||
| తల్లిదండ్రులు | సురేష్ మురారి నార్వేకర్ | ||
రాహుల్ నార్వేకర్ మహారాష్ట్రకు చెందిన రాజకీయ నాయకుడు. అతను 2019లో కొలాబా అసెంబ్లీ నియోజకవర్గం నుండి మొదటిసారి ఎమ్మెల్యేగా గెలిచి 2022 జులై 3న మహారాష్ట్ర అసెంబ్లీ స్పీకర్‌గా ఎన్నికయ్యాడు.[2] నార్వేకర్ 2016 జూన్‌లో గవర్నర్ నామినేటెడ్ సభ్యుడిగా మహారాష్ట్ర శాసన మండలికి ఎన్నికయ్యారు. దేశంలో ఏ రాష్ట్రానికైనా స్పీకర్‌గా ఎన్నికైన రెండవ అతి పిన్న వయస్కుడు (44 ఏళ్లు), అతి పిన్న వయస్కుడు శివరాజ్ పాటిల్ (42 ఏళ్లు).[3][4] 2024 నవంబరులో అతను కొలాబా నియోజకవర్గం నుండి మహారాష్ట్ర శాసనసభ సభ్యుడిగా భారతీయ జనతా పార్టీ టికెట్‌పై తిరిగి భారీ ఆధిక్యంతో గెలిచారు.
రాజకీయ జీవితం
[మార్చు]రాహుల్ నార్వేకర్ తండ్రి సురేష్ నార్వేకర్ అడుగుజాడల్లో రాజకీయాల్లోకి వచ్చి 2009లో శివసేన పార్టీలో చేరి సేన యూత్‌ వింగ్‌ అధికార ప్రతినిధిగా పని చేశాడు. అతను 2014 లోక్‌సభ ఎన్నికల్లో టికెట్ ఆశించి టిక్కెట్ దక్కకపోవడంతో నేషనలిస్ట్ కాంగ్రెస్ పార్టీ (ఎన్సీపీ)లో చేరి[5] ఎన్సీపీ నుండి మావల్ లోక్‌సభ నియోజకవర్గం నుండి పోటీ చేసి ఓడిపోయాడు.
రాహుల్ నార్వేకర్ 2019 అసెంబ్లీ ఎన్నికలకు ముందు బీజేపీలో చేరి కొలాబా అసెంబ్లీ నియోజకవర్గం నుండి బీజేపీ తరుఫున పోటీ చేసి తన సమీప ప్రత్యర్థి కాంగ్రెస్ అభ్యర్థి అశోక్ జగ్తాప్‌పై గెలిచి తొలిసారి ఎమ్మెల్యేగా అసెంబ్లీకి ఎన్నికయ్యాడు. అతను 2022లో మహారాష్ట్ర అసెంబ్లీ స్పీకర్‌ స్థానానికి పోటీ చేయగా మొత్తం 288 సభ్యుల్లో 145 మంది మద్దతు అవసరం ఉండగా రాహుల్ నార్వేకర్‌కు 164 ఓట్లు వచ్చాయి. మహావికాస్‌ అఘాఢీ (ఎంవీఏ) కూటమికి చెందిన శివసేన అభ్యర్థి రాజన్ సాల్వికు 106 ఓట్లు రావడంతో రాహుల్ నార్వేకర్ 2022 జులై 3న 19వ మహారాష్ట్ర అసెంబ్లీ స్పీకర్‌గా ఎన్నికయ్యాడు.[6]
మూలాలు
[మార్చు]- ↑ CEO Maharastra (2011). "Rahul S. Narvekar Affidavit" (PDF). Archived from the original (PDF) on 3 July 2022. Retrieved 3 July 2022.
- ↑ Namasthe Telangana (3 July 2022). "మహారాష్ట్ర అసెంబ్లీ స్పీకర్‌గా… బీజేపీ ఎమ్మెల్యే రాహుల్ నార్వేకర్". Archived from the original on 3 July 2022. Retrieved 3 July 2022.
- ↑ "Who is Rahul Narwekar, the newly elected Maharashtra assembly speaker?" (in ఇంగ్లీష్). 3 July 2022. Archived from the original on 3 July 2022. Retrieved 3 July 2022.
- ↑ The Economic Times (3 July 2022). "BJP's Rahul Narvekar elected Maharashtra Assembly Speaker". Archived from the original on 3 July 2022. Retrieved 3 July 2022.
- ↑ Iqbal, Aadil Ikram Zaki. "Rahul Narwekar joins NCP: Another blow for Shiv Sena". www.india.com (in ఇంగ్లీష్). Archived from the original on 3 July 2022. Retrieved 3 July 2022.
- ↑ 10TV (3 July 2022). "'మహా' స్పీకర్‌గా రాహుల్ నార్వేకర్.. రేపు షిండే బల పరీక్ష" (in telugu). Archived from the original on 3 July 2022. Retrieved 3 July 2022.
{{cite news}}: CS1 maint: numeric names: authors list (link) CS1 maint: unrecognized language (link)