రెడ్డిపాలెం

వికీపీడియా నుండి
Jump to navigation Jump to search
రెడ్డిపాలెం
(నాగినేనిప్రోలు రెడ్డిపాలెం)
—  రెవిన్యూ గ్రామం  —
అక్షాంశరేఖాంశాలు: 17°40′17″N 80°51′22″E / 17.6714090°N 80.8560630°E / 17.6714090; 80.8560630
రాష్ట్రం తెలంగాణ
జిల్లా భద్రాద్రి కొత్తగూడెం జిల్లా
మండలం బూర్గంపహడ్
ప్రభుత్వము
 - Type పంచాయతి
 - సర్పంచి బాణోతు సరోజ
జనాభా (2011)
 - మొత్తం
 - పురుషుల సంఖ్య 3,364
 - స్త్రీల సంఖ్య 3,475
 - గృహాల సంఖ్య 3,000
పిన్ కోడ్ 507114
ఎస్.టి.డి కోడ్ 08746
వెబ్‌సైటు: www.reddypalem.in

రెడ్డిపాలెం, భద్రాద్రి కొత్తగూడెం జిల్లా, బూర్గంపహడ్ మండలానికి చెందిన గ్రామము .ఇది ప్రముఖ పుణ్యక్షేమైన భద్రాచలానికి 5 కిలోమీటర్ల దూరంలో ఉంది. ఈ గ్రామంలోని జనాభా 80శాతం మంది రెడ్డి కులస్థులే అవడం చేతనూ, అలాగే ఈ గ్రామ నిర్మాణం జరిగినది రెడ్డి కులస్థుల వల్లనే అవడం చేత ఈ గ్రామానికి రెడ్డిపాలెం అని పేరు వచ్చింది. 2008 గ్రామాలెక్కల ప్రకారం ఖమ్మం జిల్లాలోని పల్లెటూర్లలోకి పెద్ద గ్రామం ఇదే. ఈ గ్రామంలో సగానికి పైగా కుటుంబీకులు రైతుకారులే. అలాగే ప్రక్కనే ఉన్న సారపాక ఐ.టి.సి పేపరు కర్మాగారంలో పనిచేసే ఉద్యోగులు ఈ గ్రామంలోని వారే అధికులు. పచ్చని ప్రకృతితో, పంట పొలాలతో ఈ గ్రామం చూడముచ్చటగా ఉంటుంది. అలాగే పక్కా రోడ్లతో ఈ గ్రామం పరిశుభ్రంగా ఉంటుంది.

చరిత్ర[మార్చు]

ఈ గ్రామం భద్రాచలం క్షేత్ర చరిత్రలో ముఖ్య ప్రాంతమైన సాకేతపురిలోని ఒక ప్రదేశం. ఈ గ్రామ చరిత్రను కనుక పరిశీలించినట్లయితే ఈ గ్రామం ఆవిర్భవించడానికి కారణం గుంటూరు, ప్రకాశం జిల్లాలకు చెందిన రెడ్లు ఇక్కడికి వలస రావడమే. వారు ఆ ప్రాంత రైతులు అవడం చేత వారికి అక్కడ వ్యవసాయం అనుకూలించక, కలిసిరాక వలసగా ఈ ప్రాంతానికి వచ్చి వ్యవసాయం చేసి, గ్రామాన్ని నిర్మించుకొని ఇక్కడే స్థిరపడ్డారు. ఇలా ఈ రెడ్డిపాలెం గ్రామం ఆవిర్భవించింది.

రాజకీయం[మార్చు]

ఈ గ్రామంలోని రెడ్లు ఎక్కువ శాతం మంది రాజకీయ రంగప్రవేశం చేసినవారే. మొదట్లో ఈ గ్రామంలోని వారు మునుసుబులుగా ఉండి గ్రామాన్ని పరిపాలించేవారు. ఈ మునుసుబుల మాటలే అప్పట్లో గ్రామ ప్రజలకు వేదవాక్కులుగా ఉండేవి. తరువాత వారి వంశీకులే రాజకీయ రంగంలో కూడా ముందడుగు వేశారు.