రేవులగడ్డ సోమేశ్వరరావు

వికీపీడియా నుండి
ఇక్కడికి గెంతు: మార్గసూచీ, వెతుకు

ప్రొఫెసర్ రేవులగడ్డ సోమేశ్వరరావు అలియాస్ ఆర్.ఎస్. రావు (74) స్వస్థలం విశాఖపట్టణం జిల్లాలోని చోడవరం గ్రామం. సామాజికం గా అణగారిన వర్గాల అభివృద్ధే లక్ష్యంగా జరిగిన అనేక ఉద్యమాలనేత. ఆంధ్రా యూనివర్సిటీ నుంచి మ్యాథ్స్‌లో ఆయన పీజీ చేశారు. ఒడిశాలోని సంభల్‌పూర్ యూనివర్సిటీలో ఎకనామిక్స్ విభాగం ప్రొఫెసర్‌గా రిటైరయ్యారు. ఒడిశాలో మావోయిస్టులు కిడ్నాప్ చేసిన మల్కన్‌గిరి జిల్లా కలెక్టర్ వినీల్‌ కృష్ణ విడుదల్లో మావోయిస్టులతో చర్చలకు ఆ రాష్ట్ర ప్రభుత్వం నియమించిన మధ్యవర్తుల్లో ఒకరిగా ఆయన కీలక పాత్ర పోషించారు. తెలుగుదేశం హయాంలో, ఆ తరువాత వైఎస్ ముఖ్యమంత్రిగా ఉన్నప్పుడు మావోయిస్టులతో ప్రభుత్వం జరిపిన చర్చల సమయంలోనూ ఆర్.ఎస్,రావు తన వంతు పాత్రను నిర్వహించారు. 17.6.2011 న ఢిల్లీలో కన్నుమూశారు.