వాడుకరి:Pavan santhosh.s/ప్రయోగశాల

వికీపీడియా నుండి
Jump to navigation Jump to search
అనితా దేవి
వ్యక్తిగత సమాచారం
పౌరసత్వంభారతీయురాలు
జననం16 ఏప్రిల్ 1984
లాల్‌ప్రా గ్రామం, పాల్వాల్ జిల్లా, హర్యానా
క్రీడ
దేశంభారతదేశం
క్రీడషూటింగ్

అనిత దేవి (జ. 1994 ఏప్రిల్ 16) హర్యానాకు చెందిన ఎయిర్ పిస్టల్ షూటర్. 2013 నుంచి 2019 వరకు వరుసగా ఆమె జాతీయ స్థాయిలో వివిధ పతకాలు సాధించింది. 2013లో జాతీయ షూటింగ్ చాంపియన్ షిప్‌లో స్వర్ణ పతకం గెలిచింది.[1]

అనిత 10 మీటర్ల ఎయిర్ పిస్టల్ (టీమ్ ఈవెంట్ విభాగం)లో రజతాన్ని, 25 మీటర్ల ఎయిర్ పిస్టల్ (టీమ్ ఈవెంట్) లో కాంస్య పతకాన్ని, 2016 హానోవర్ ఇంటర్నేషనల్ షూటింగ్ చాంపియన్ షిప్‌లో స్వర్ణ పతకాన్ని గెలుచుకుంది.[2][3]

అనితా దేవి హర్యానా పోలీస్ డిపార్ట్ మెంట్ లో హెడ్ కానిస్టేబుల్ గా ఉద్యోగం చేస్తుంది.[1]

వ్యక్తిగత జీవితం, నేపథ్యం[మార్చు]

హర్యానాలోని పాల్వాల్ జిల్లా లాల్ ప్రా గ్రామంలో 1994 ఏప్రిల్ 16 జన్మించింది. అనిత మల్లయోధుల కుటుంబంలో జన్మించింది. తమ మల్లయోధుల వారసత్వాన్ని కుమార్తె కూడా కొనసాగించాలని ఆమె తండ్రి కోరుకున్నాడు. అయితే దేవీ రెజ్లింగ్ పై అంతగా ఆసక్తి ప్రదర్శించలేదు. 2008లో పోలీస్ కానిస్టేబుల్‌గా ఉద్యోగంలో చేరిన తర్వాత షూటింగ్‌ను కెరీర్‌గా ఎంచుకుంది. అయితే ఆమె మొదట్లో ఉద్యోగంలో ప్రమోషన్లు పొందేందుకే  షూటింగ్‌ను ప్రారంభించిది. షూటింగ్ ప్రాక్టీస్ చేసేందుకు డిపార్ట్ మెంటల్ అనుమతి తీసుకుంది. కురుక్షేత్రలోని గురుకుల్ రేంజ్ లో ఆమె శిక్షణ ప్రారంభించింది. అందుకోసం ఆమె నివసించే సోనీపత్ నుంచి ప్రతి రోజు రెండు గంటలపాటు ప్రయాణం చేయాల్సి వచ్చేది.

షూటింగ్‌ను కెరీర్ గా ఎంచుకున్న అనితకు ఆమె భర్త స్వయంగా పిస్టల్‌ను కొని ఇవ్వడంతో సహా అన్ని విధాల సహకరించాడు. ఆమె షూటింగ్ లో అనేక పతకాలు సాధించింది. హర్యానా రాష్ట్ర టోర్నమెంట్-2013‌లో ఆమె మూడు స్వర్ణ పతకాలు సాధించింది. ఉద్యోగం చేయకుండా షూటింగ్ క్రీడపై ఆసక్తి పెంచుకోవడంతో అనితకు డిపార్ట్ మెంట్ నుంచి తీవ్ర ఒత్తిడి ఎదురైంది. షూటింగ్ కానీ, ఉద్యోగం కానీ ఏదో ఒకదాన్ని ఎంచుకోవాల్సిందిగా అధికారులు ఆమెపై ఒత్తిడి తెచ్చారు. అనిత మాత్రం షూటింగ్ వైపే మొగ్గు చూపి, ఉద్యోగానికి రాజీనామా చేసింది. తుదకు హర్యానా పోలీస్ డిపార్ట్ మెంట్ ఆమె రాజీనామాను తిరస్కరించింది.

2011 నుంచి 2019 వరకు జాతీయ స్థాయిలో ఆమె వరుసగా పతకాలు సాధించింది. అనితతోపాటు ఆమె కుమారుడు కూడా షూటింగ్‌ను కెరీర్ గా ఎంచుకున్నాడు. దేశం తరఫున తన కొడుకు ఒలింపిక్స్ లో పాల్గొనాలన్నదే తల్లిగా ఆమె లక్ష్యం. తల్లి, కొడుకు ఇద్దరూ కలిసి శిక్షణ పొంది, ఒలింపిక్స్‌లో పాల్గొనాలన్నది తన కల అని అనిత చెప్పింది.[1]

కెరీర్[మార్చు]

  • 2013లో అఖిల భారత పోలీసు ఛాంపియన్‌షిప్‌లో దేవి మూడు బంగారు పతకాలు సాధించారు మరియు ఉత్తమ షూటర్ అవార్డును గెలుచుకుంది.[1]
  • 2015 జాతీయ క్రీడల్లో రజత పతకం అనిత గెలుచుకుంది.
  • 2016 హానోవర్ ఇంటర్నేషనల్ షూటింగ్ చాంపియన్ షిప్‌లో 10 మీటర్ల ఎయిర్ పిస్టల్ విభాగంలో రజతం గెలుపొందింది.
  • 2016 హానోవర్ ఇంటర్నేషనల్ షూటింగ్ చాంపియన్ షిప్‌లో 25 మీటర్ల ఎయిర్ పిస్టల్ విభాగంలో కాంస్యాన్ని సాధించింది.[3][2]

మూలాలు[మార్చు]

  1. 1.0 1.1 1.2 1.3 బళ్ళ, సతీశ్ (2021-02-11). "హైదరాబాద్ మేయర్‌గా ఎన్నికైన గద్వాల విజయలక్ష్మి... టీఆర్ఎస్ అభ్యర్థికి మద్దతు ఇచ్చిన ఎంఐఎం". BBC News తెలుగు. Retrieved 2021-02-11.
  2. 2.0 2.1 https://i-s-c-h.de/uploads2016/m2.40.11.pdf
  3. 3.0 3.1 https://i-s-c-h.de/uploads2016/m2.10.11.pdf
  4. "Anita, Dharmendra make it a day for rookies - Indian Express". archive.indianexpress.com. Retrieved 2021-02-11.