విలియం హెన్రీ మిల్టన్
సర్ విలియం మిల్టన్ | |
|---|---|
| 4th Administrator of Southern Rhodesia | |
| In office 20 December 1901 – 1 November 1914 | |
| చక్రవర్తి | Edward VII George V |
| అంతకు ముందు వారు | Albert Grey |
| తరువాత వారు | Francis Chaplin |
| 3rd Administrator of Mashonaland | |
| In office 5 December 1898 – 20 December 1901 | |
| Deputy | Arthur Lawley |
| వ్యక్తిగత వివరాలు | |
| జననం | 1854, డిసెంబరు 3 లిటిల్ మార్లో, బకింగ్‌హామ్‌షైర్, ఇంగ్లాండ్ |
| మరణం | 1930 మార్చి 6 (వయసు 75) కేన్స్, ఫ్రాన్స్ |
సర్ విలియం హెన్రీ మిల్టన్ (1854, డిసెంబరు 3 - 1930, మార్చి 6) దక్షిణాఫ్రికా మాజీ క్రికెటర్.[1] మషోనాలాండ్ మూడవ అడ్మినిస్ట్రేటర్. ఇంగ్లాండ్ తరపున రగ్బీ ఆడాడు. దక్షిణాఫ్రికా రెండవ టెస్ట్ క్రికెట్ కెప్టెన్ గా బాధ్యతలు నిర్వర్తించాడు.
జననం, విద్య
[మార్చు]సర్ విలియం హెన్రీ మిల్టన్ 1854, డిసెంబరు 3న బకింగ్‌హామ్‌షైర్‌లోని లిటిల్ మార్లోలో జన్మించాడు. మార్ల్‌బరో కళాశాలలో చదువుకున్నాడు.
క్రీడారంగం
[మార్చు]మిల్టన్ 1874, 1875లో ఇంగ్లాండ్ తరపున రగ్బీ ఆడాడు. తరువాత దక్షిణాఫ్రికాకు వలస వచ్చాడు. 1878లో కేప్ టౌన్ చేరుకున్నాడు. 1870ల చివరి నాటికి రగ్బీ ఫుట్‌బాల్ వించెస్టర్ కాలేజ్ ఫుట్‌బాల్‌కు వ్యతిరేకంగా మనుగడ కోసం చాలా పోరాడుతోంది. మిల్టన్ విలేజర్స్ క్లబ్‌లో చేరాడు. రగ్బీని బోధించాడు. ఆ సంవత్సరం చివరి నాటికి కేప్ టౌన్ ఫుట్‌బాల్ సోదరులు రగ్బీకి అనుకూలంగా వించెస్టర్ ఆటను విడిచిపెట్టారు.
1888-89లో పోర్ట్ ఎలిజబెత్‌లో దక్షిణాఫ్రికా మొదటి టెస్ట్‌లో తన టెస్ట్ క్రికెట్‌లోకి అరంగేట్రం చేసాడు.[2] కేప్ టౌన్‌లో జరిగిన రెండవ టెస్టుకు కెప్టెన్‌గా నియమితుడయ్యాడు. ఓవెన్ డునెల్ స్థానంలో ఉన్నాడు. 1891-92లో మూడవ, చివరి ప్రదర్శన (మళ్ళీ కేప్ టౌన్‌లో) చేశాడు.[3] మరో మూడు (రెండు వెస్ట్రన్ ప్రావిన్స్, ఒకటి కేప్ టౌన్ క్లబ్‌) ఫస్ట్-క్లాస్ గేమ్‌లు ఆడాడు.
మిల్టన్ తర్వాత మషోనాలాండ్‌కు వెళ్ళాడు. ఇతని స్నేహితుడు సెసిల్ జాన్ రోడ్స్ ప్రభావంతో 1897, జూలై 24 నుండి 1901, జనవరి 24 వరకు మషోనాలాండ్ మూడవ అడ్మినిస్ట్రేటర్‌గా ఉన్నాడు. 1901లో, మూడు సంవత్సరాల క్రితం విడిపోయిన మషోనాలాండ్, మాటాబెలెలాండ్ పరిపాలనను కలపాలని నిర్ణయించారు. మిల్టన్ దక్షిణ రోడేషియా మొత్తానికి అడ్మినిస్ట్రేటర్ అయ్యాడు. 60 సంవత్సరాల వయస్సులో 1914 లో పదవీ విరమణ చేశాడు. 1922లో, ఆ సమయంలో బులవాయోలోని అతిపెద్ద పాఠశాలను ఇతని గౌరవార్థం మిల్టన్ ఉన్నత పాఠశాలగా పేరు మార్చబడింది.
మరణం
[మార్చు]తన 75 సంవత్సరాల వయస్సులో 1930, మార్చి 6న ఫ్రాన్స్‌లోని కేన్స్‌లో మరణించాడు. ఇతనికి ముగ్గురు కుమారులు ఉన్నారు. సెసిల్, జాన్ ఇద్దరూ ఇంగ్లాండ్ తరపున రగ్బీ ఆడారు. నోయెల్ ఆక్స్‌ఫర్డ్ విశ్వవిద్యాలయం తరపున ఆడాడు.
మూలాలు
[మార్చు]- ↑ "William Milton Profile - Cricket Player South Africa | Stats, Records, Video". ESPNcricinfo (in ఇంగ్లీష్). Retrieved 2023-11-25.
- ↑ "SA vs ENG, England tour of South Africa 1888/89, 1st Test at Gqeberha, March 12 - 13, 1889 - Full Scorecard". ESPNcricinfo (in ఇంగ్లీష్). Retrieved 2023-11-25.
- ↑ "SA vs ENG, England tour of South Africa 1891/92, Only Test at Cape Town, March 19 - 22, 1892 - Full Scorecard". ESPNcricinfo (in ఇంగ్లీష్). Retrieved 2023-11-25.