వి.జి.సిద్ధార్థ

వికీపీడియా నుండి
Jump to navigation Jump to search
వి.జి.సిద్ధార్థ
జననంChikkamagaluru, కర్నాటక, India
నివాసంBangalore, India
విద్యాసంస్థలుMangalore University
వృత్తిChairman of Amalgamated Bean Coffee Trading Company Ltd (ABCTCL)
మతంHindu

వి. జి. సిద్ధార్థ (కన్నడం: ವಿ. ಜಿ. ಸಿದ್ಧಾರ್ಥ) కర్నాటక రాష్ట్రానికి చెందిన భారతీయ వ్యాపారవేత్త. కేఫ్ కాఫీడే గొలుసు విక్రయ సంస్థల వ్యవస్థాపక యజమానిగా ఇతడు సుపరిచితుడు.

వ్యక్తిగత జీవితం[మార్చు]

సిద్ధార్థ గౌడ కర్నాటక రాష్ట్రంలోని మంగళూరు విశ్వవిద్యాలయం నుండి ఆర్థికశాస్త్రంలో మాస్టర్స్ డిగ్రీ పొందాడు. ఇతడు మాజీ కర్నాటక ముఖ్యమంత్రి, భారత విదేశాంగ శాఖ మంత్రి అయిన ఎస్.ఎమ్.కృష్ణ కూతురును వివాహం చేసుకున్నాడు.

తొలి వృత్తి జీవితం[మార్చు]

సిద్ధార్థ వ్యాపార ఆసక్తులు కాఫీ రిటైలింగ్ మొదలుకుని, తోటల పెంపకం, రియల్ ఎస్టేట్, వెంచర్ కేపిటల్ మరియు ఆర్థిక సేవలదాకా విస్తరించి ఉన్నాయి. వే2వెల్త్, శివన్ సెక్యూరిటీస్‌లను ఏర్పాటుచేయడం వెనుక ఉన్న దార్శనికత ఇతడిదే. ఇతడు 1984నుంచి భారతీయ పెట్టుబడుల మార్కెట్ రంగంలో కొనసాగుతూ ఉన్నాడు.[1] శ్రమ జీవితానికి సంబంధించి తన తొలి సంవత్సరాలలో ఇతడు విలువైన కాలాన్ని జె.ఎమ్. మోర్గాన్ స్టాన్లీతో గడిపాడు. ఈ అనుభవం తనకు విజయవంతమైన మదుపుదారుగా అయ్యేందుకు దోహదపడింది. మంగళూరు విశ్వవిద్యాలయం నుండి ఆర్థిక శాస్త్రంలో మాస్టర్స్ డిగ్రీ పొందిన ఇతడు గొప్ప చదువరి. కొత్త కంపెనీలను, కొత్త ఉత్పత్తులను నెలకొల్పేందుకు తను విస్తృతంగా ప్రయాణాలు చేసేవాడు ఇతడు 1984లో శివన్ సెక్యూరిటీస్ లిమిటెడ్‌ని కైవశం చేసుకున్నాడు.

మాస్టర్స్ డిగ్రీ అనంతరం బొంబాయిలోని జె.ఎమ్ ఫైనాన్షియల్ సర్వీసెస్ (ఇప్పుడు జె.ఎమ్.మోర్గాన్ స్టాన్లీ)లో మిస్టర్ మహీంద్రా కంపానీ ఆధ్వర్యంలో ఇండియన్ స్టాక్ మార్కెట్‌లో మేనేజ్‍మెంట్ ట్రెయినీ ఇంటర్న్‌గా చేరాలని నిర్ణయించుకున్నాడు. జె.ఎమ్ ఫైనాన్షియల్ సర్వీసెస్‌లో రెండు సంవత్సరాలు పనిచేసి బెంగళూరుకు తిరిగి వచ్చాక, తండ్రి ఇతడికి పెద్ద మొత్తంలో డబ్బు ఇచ్చి తన ఇష్టానుసారం ఏదైనా వ్యాపారం ప్రారంభించడానికి అనుమతించాడు. 1984లో శివన్ అనే కంపెనీతో పాటు 30,000 రూపాయలతో స్టాక్ మార్కెట్ కార్డును కొని, నగరంలో తగిన స్థలాన్ని ఎంపిక చేసుకొని, తన వ్యాపారాన్ని ప్రారంభించాడు. దీన్ని తర్వాత బాగా విజయవంతమైన ఇన్వెస్ట్‌మెంట్‍ బ్యాంకింగ్‍ స్టాక్ బ్రోకింగ్ కంపెనీగా మార్చాడు.

కాఫీ వ్యాపారం[మార్చు]

15 సంవత్సరాల తర్వాత సిద్ధార్థ కర్నాటకలో ఫలప్రథమైన కాఫీ వ్యాపారాన్ని నెలకొల్పాడు. ఇతడు చిక్‌మంగళూర్‌‌లోని కాఫీ తోటలనుంచీ సంవత్సరానికి 28,000 టన్నుల కాఫీని ఎగుమతి చేశాడు. స్థానికంగా మరో 2000 టన్నుల కాఫీ పొడిని అమ్మి సంవత్సరానికి 350 మిలియన్ల రూపాయలు సంపాదించాడు. కాఫీ తోటలపెంపకం, వ్యాపారం, అమాల్గమేటేడ్ బీన్ కంపెనీ (ABC)లద్వారా 25 బిలియన్ల వార్షికాదాయం పొందాడు. సిద్ధార్థ దక్షిణ భారతదేశం అంతటా తన కాఫీ డే పౌడ‍ర్‍ బ్రాండ్‌ను 200 చిల్లరవర్తక సముదాయాలద్వారా అమ్ముతున్నాడు. ABC గ్రీన్ కాఫీని ఎగుమతి చేసే భారతదేశపు అతిపెద్ద కంపెనీ.

ఇతడు 1993లో సంవత్సరానికి 60 మిలియన్ల వార్షికాదాయంతో, కాఫీ వాణిజ్య కంపెనీ ABCని ప్రారంభించాడు. ఆ కంపెనీ క్రమంగా అభివృద్ధి చెందింది. హసన్‌లో 40 మిలియన్ల రూపాయలతో ఆయిలింగ్ కాఫీ క్యూరింగ్ యూనిట్‍ని కొని, దానిని వినియోగంలోకి తెచ్చాడు. ఇప్పుడు ఆ కంపెనీకి 75 వేల టన్నులను శుద్ధిచేసే సామర్ధ్యం ఉంది. ఇది దేశంలోనే అధిక సామర్థ్యం కల కంపెనీ.[2]

ఇతడు కర్నాటకలో 1996లో మొదటి సారిగా సైబర్ కేఫ్‌ని ఏర్పరిచాడు (కేఫ్ కాఫీ డే, యువతను ఎక్కువగా ఆకర్షించే కాఫీ పార్లర్ల వాణిజ్య గొలుసు సముదాయాలు) ప్రస్తుతం ఇతడికి బెంగుళూరులో 11 కాఫీ డే కేఫ్‌లు, హైదరాబాద్‌లో 4 ఉన్నాయి. కర్నాటకలోని అన్ని విమానాశ్రాయాలలోనూ, ఇంకా మిగిలిన దేశమంతటా తన వ్యాపార వలయాన్ని విస్తరించాలని ఇతడు ఆకాంక్షిస్తున్నాడు. ఇతడి సైబర్ కేఫ్‌లు వారానికి 40 వేల నుండి 50 వేల సందర్శకులను ఆకర్షిస్తున్నాయి.[2]

2003లో ది ఎకనామిక్ టైమ్స్ పత్రిక ఎంటర్‌ప్రెన్యూర్ ఆఫ్ ది ఇయర్‌గా వి.జి. సిద్ధార్థను ఎంపిక చేసింది. భారతదేశంలో తయారైన వస్తువును మార్కెట్లో విజయవంతంగా అమ్మినందుకు, సాధారణ మానవునికి కూడా నూతన జీవన పోకడలను అందుబాటులోకి తెచ్చినందుకుగాను దీనిని ఇతడికి ఇచ్చారు.

అమాల్గమేటేడ్ బీన్ కాఫీ ట్రేడింగ్ కంపెనీ లిమిటెడ్ భారత దేశంలోనే అతి పెద్ద గ్రీన్ కాఫీ ఎగుమతిదారు. ఆసియాలోని రెండు అతి పెద్ద సమగ్ర కాఫీఎగుమతి కంపెనీలలో ఒకటి. ఇది కాఫీ ఉత్పత్తులకు సంబంధించి తోటలపెంపకం నుండి ఎగుమతులవరకు అన్ని రంగాలలోనూ పనిచేస్తుంది. కాఫీ డే గ్రూప్ భారతదేశంలోనే కాఫీ ఉత్పత్తులకు సంబంధించిన అతి పెద్ద, సమగ్ర ఏకైక కంపెనీ. భారతదేశంలో కాఫీ విప్లవాన్ని సృష్టిస్తున్న కంపెనీగా ఇది భారతీయ కాఫీ బోర్డు చేత గుర్తించబడింది. అమాల్గమేటెడ్ బీన్ కాఫీ ట్రేడింగ్ కంపెనీ లిమిటెడ్ -(ABCTCL) భారత దేశంలోనే భారీ స్థాయిలో కాఫీ ఉత్పత్తులను అనుసంధానించి యువతను ఆకర్షిస్తూ కాఫీ పార్లర్ల భావనను 'కేఫ్ కాఫీ డే'గా ముందుకు తెచ్చింది. తొలి ఐదు సంవత్సరాలలో కొద్ది కేఫ్‌లలో మొదలైన ‘కేప్ కాఫీ డే’ భారత దేశంలోని 84 నగరాలలో 483 కేప్‌లతో ప్రధానమైన అతి పెద్ద చిల్లరవర్తక గొలుసు సముదాయంగా అభివృద్ధి చెందింది.

ఇతర వ్యాపారాలు[మార్చు]

2000లో సిద్ధార్థ గ్లోబల్ టెక్నాలజీ వెంచర్స్‌ని కూడా ప్రారంభించాడు. ఇది వేగంగా అభివృద్ధి చెందుతున్న భారతీయ సాంకేతిక సంస్థలను గుర్తించి వాటిలో పెట్టుబడులను ప్రోత్సహిస్తుంది. ప్రస్తుతం ఇతడు GTV, మైండ్ ట్రీ, లిక్విడ్ క్రిష్టల్‍, వే2వెల్త్ మరియు ఇట్టియం కంపెనీలలో బోర్డ్ సభ్యునిగా ఉన్నాడు. GTV బెంగళూరులో 59-acre (240,000 మీ2)టెక్నాలజీ ఇంక్యుబేటర్ పార్క్ అనే అంశంపై గ్లోబల్ టెక్నాలజీ విలేజ్‍ని ఏర్పరిచింది. ఇది కంపెనీలకు కార్యాలయాల నిమిత్తం స్థలాన్నీ, అవసరమైన సమాచార వసతులనూ, వినోదకర సదుపాయాలనూ,వీటితో పాటుగా వాణిజ్య కేంద్రానికి కావలసిన హంగులను కూడా సమకూర్చుతుంది. కిందటి సంవత్సరం GTV విలువ 100 మిలియన్ డాలర్లుగా లెక్క కట్టబడింది. ఇది వచ్చే సంవత్సరానికి రెట్టింపు అవుతుందని భావిస్తున్నారు. అభివృద్ధిలో ఇది జపాన్‌లోని సాఫ్ట్‌బ్యాంక్‌తో సరితూగుతుంది.[3]

సూచనలు[మార్చు]

బాహ్య లింకులు[మార్చు]