వైమానికుడు
వైమానికుడు, విమానం నడిపే వ్యక్తిని వైమానికుడు లేదా విమాన చోదకుడు అంటారు. ఇతను విమానం ప్రయాణించటానికి నిర్ణయించిన మార్గంలో (దిశాత్మక) విమాన ప్రయాణాన్ని నియంత్రిస్తూ గమ్యస్థానానికి చేర్చుతాడు. అయితే వైమానికుడును దృష్టిలో పెట్టుకుని, ఎక్కువుగా పైలట్ అనే ఆంగ్లపదం ప్రసిద్ధి చెందింది. విమాన ఇంజనీర్లు లేదా మార్గనిర్దేశకుల వంటి విమాన సిబ్బంది, ఇతర సభ్యులును కూడా విమాన చోదకసిబ్బందిగా (ఏవియేటరులు) పరిగణిస్తారు. వీరు విమాన చోదకులు కిందకు రారు. వీరు విమానాన్ని నడపరు. వీరిని వైమానిక సిబ్బంది అని వ్యవహరిస్తారు. వారు విమానం నావిగేషన్, యంత్ర వ్యవస్థలను నిర్వహించడంలో సహాయం చేస్తారు. విమానం నడిపే సమయంలో మాత్రమే వారి సేవలు ఉంటాయి. విమానం నడిపే వ్యవస్థ నిర్వహణలో ప్రమేయం లేని వారు (అనగా విమాన పరిచారకులు, సాంకేతికలు వంటి వారు) అలాగే గ్రౌండ్ సిబ్బందిని సాధారణంగా విమాన చోదకులుగా పరిగణించరు. వీరిని విమాన రద్దీ నియంత్రణ సిబ్బంది (విమాన క్రూ సిబ్బంది) గా వ్యవహరిస్తారు.
ప్రపంచవ్యాప్తంగా అనేక విమానయాన సంస్థలు, చాలా సాయుధదళాలు పైలట్ల అర్హతలను, బాధ్యతలను గుర్తించడానికి, తమ పైలట్లకు వైమానికుడుగా గుర్తింపు చిహ్నాలను ప్రధానం చేస్తాయి.
నిర్వచనం
[మార్చు]ఏవియేటర్ (ఫ్రెంచ్లో ఏవియేటర్) అనే పదం మొట్టమొదట వాడుక ఉపయోగం 1887లో, లాటిన్ అవిస్ (అంటే పక్షి) నుండి వచ్చింది. దీనిని 1863లో జి. జె. జి. డి లా లాండెల్లె (ప్రెంచి) విమానం నడిపే సందర్బంలో వాడారు ఇప్పుడు పురాతనమైన ఏవియాట్రిక్స్ (ఫ్రెంచ్లో ఏవియాట్రిస్) అనే పదాన్ని గతంలో మహిళా వైమానికురాలుకు ఉపయోగించారు. ఇప్పుడు పురాతనమైన ఏవియేటర్ (ఫ్రెంచ్లో ఏవియేటర్) అనే పదాన్ని గతంలో పురుష వైమానికుడుకు వాడారు. విమానాలను నడిపే వ్యక్తులు తగిన శిక్షణ పూర్తైన తదుపరి తగిన షరతులతో పైలట్ లైసెన్స్ పొందుతాడు. ఉదాహరణకు, 1905 నాటి ఒక రిఫరెన్స్ వర్క్, రైట్ సోదరుల మొదటి విమానాన్ని ఇలా వివరించింది: "ఏవియేటర్ శరీరంతో సహా బరువు 700 పౌండ్ల కంటే కొంచెం ఎక్కువ" ఉండాలి.[1]
చరిత్ర
[మార్చు]గాలిలో, నేలపై ప్రజల భద్రతను కాపాడటానికి ఎల్లప్పుడూ సరిగ్గా శిక్షణ పొందిన, పూర్తి అర్హతలు ఉన్న వైమానికుడు మాత్రమే విమానప్రయాణాన్ని కార్యాచరణ నియంత్రణలో ఉంచుతాడు. అతను విమాన ప్రయాణం సురక్షితంగా, చట్టబద్ధంగా పూర్తి చేయడానికి పూర్తి బాధ్యత వహిస్తాడు. ఏరో-క్లబ్ డి ఫ్రాన్స్ 1908లో లూయిస్ బ్లెరియట్కు మొదటి వైమానికుడుగా అర్హతలు పొందిన దృవపత్రం అందజేసింది. తరువాత గ్లెన్ కర్టిస్, లియోన్ డెలాగ్రాంజ్, రాబర్ట్ ఎస్నాల్ట్-పెల్టెరీలు అర్హతపొందిన దృవపత్రాలు పొందారు. 1910లో బ్రిటిష్ రాయల్ ఏరో క్లబ్, 1911లో ఏరో క్లబ్ ఆఫ్ అమెరికా నుండి గ్లెన్ కర్టిస్ మొదటి దృవ పత్రం అందుకున్నారు.
వైమానికుని బాధ్యతలు, విధులు
[మార్చు]పైలట్ పని కేవలం విమానాన్ని నడపడం గురించి మాత్రమే కాదు. అతని/ఆమె దినచర్యలో నిర్వర్తించాలిసిన అనేక రకాల వివిధ పనులు ఉంటాయి. వాటిని అత్యంత సముచితమైన రీతిలో నిర్వర్తించాలి. అందుబాటులో ఉన్న అన్ని వనరులను సద్వినియోగం చేసుకోవాలి. వాటివలన విమాన ప్రయాణం సురక్షితమైన మార్గంలో పూర్తి అయింది.[2]
పైలట్ వివిధ విధుల్లో కొన్ని ముఖమైనవి.
[మార్చు]భూమిపై, విమాన ప్రయాణానికి ముందు:
- విమాన ప్రయాణం నియంత్రించే శాఖతో కలిసి, వారు విమానం పనితీరు, ఎత్తు, వాతావరణ పరిస్థితులతో పాటు నిష్క్రమణ, రాక, ప్రత్యామ్నాయ విమానాశ్రయాల లక్షణాలను పరిగణనలోకి తీసుకుని విమాన ప్రయాణ ప్రణాళికను పర్యవేక్షించాలి.
- మిగిలిన సాంకేతిక, సహాయక సిబ్బందితో విమాన ప్రయాణ పనితీరును సమన్వయం చేసుకోవాలి. మార్గంలో అత్యంత సంబంధిత అంశాల గురించి వారికి నిరంతరం తెలియజేస్తుండాలి. సాధారణ, అత్యవసర ఆపరేషన్ నిర్వహించే సమయాల రెండింటిలోనూ అనుసరించాల్సిన విధానాలను సమీక్షించాలి.
- విమానం చేరుకున్న తర్వాత, వారు నావిగేషన్ సిస్టమ్ల సరైన పనితీరును తనిఖీ చేయాలి. వెలుపలి అంశాలపై ఫ్యూజ్లేజ్, చక్రాలు, ల్యాండింగ్ గేర్, ఇంజన్లు, రెక్కలు మొదలగు వాటిని స్యయంగా పరిశీలించి తనిఖీ చేయాలి. విమాన భద్రతకు రాజీ పడే అసాధారణమైంది ఏదీ లేదని నిర్ధారించాలి.
- ప్రయాణ మార్గానికి అవసరమైన ఇంధన నిల్వలను దాని పరిస్థితులకు సరిపోను అనుగుణంగా ఉందని ధృవీకరించాలి.
- తలుపులు మూసివేసిన తర్వాత, వారు విమాన ప్రయాణం నియంత్రించే కార్యాలయంతో నిరంతర సంభాషణలు కొనసాగిస్తూ ఉండాలి
- టేకాఫ్కు ముందు, ప్రతిదీ సరిగ్గా పనిచేస్తుందని మరోసారి ధృవీకరించడానికి చెక్లిస్ట్ను సమీక్షించాలి.
విమాన ప్రయాణ మార్గంలో
[మార్చు]- అతను/ఆమె మొత్తం మార్గంలోని వివిధ నియంత్రణ కేంద్రాలతో నిరంతరం సంభాషణను కొనసాగిస్తారు. వారి సూచనల ప్రకారం ప్రయాణం సాగిస్తారు. విమాన భద్రతకు హాని కలిగించే ఏదైనా అసాధారణ పరిస్థితులు, తుఫానులు, ఇతర విమానాల రద్దీ, ఇతర అత్యవసర పరిస్థితులు మొదలగు వాటి విషయంలో దానిని గురించి సత్వరమే హెచ్చరిస్తారు.
- విమాన ప్రణాళికలో, అది పథకం ప్రకారం జరుగుతుందో లేదో అతను/ఆమె తనిఖీ చేస్తారు. ఏదైనా వైవిధ్యం, దాని కారణాన్ని (వినియోగం, ఎత్తు, విచలనం) నమోదు చేస్తారు.
- అతను/ఆమె రెండవ వైమానికుడుతో సన్నిహిత సహకారాన్ని కొనసాగిస్తారు. ఒకరినొకరును పర్యవేక్షిస్తారు, తద్వారా లోపాల మార్జిన్ సున్నాగా ఉంటుంది.
- సంబంధిత విమాన నివేదికలను పూరిస్తారు, తదుపరి సమీక్ష, మరమ్మత్తు కోసం ఏదైనా అవకతవకలు లేదా బ్రేక్డౌన్ను నమోదు చేస్తారు
- విమానం అన్ని సాధారణ అంశాల గురించి అలాగే దాని సాధారణ అభివృద్ధిని ప్రభావితం చేసే ఏదైనా సంఘటన గురించి ఆలస్యం, అల్లకల్లోలం, ప్రయాణ మార్గంలో ఒడిదుడుకులు ఇలాంటి విషయాలలో ప్రయాణీకులకు తెలియజేస్తుండాలి.
- విమానం గమ్యస్థానం చేరిన తరువాత, అతను/ఆమె సురక్షితమైన ల్యాండింగ్, ప్రమాదాలు లేకుండా పార్కింగ్ స్టేషన్కు ప్రయాణికలును చేరవేయటానికి విమానాల నియంత్రణ కార్యాలయం సూచనలను అనుసరిస్తారు.
- ఏదైనా ఊహించని సంఘటన ఏర్పడినప్పుడు, వెంటనే అందరికీ తెలిపి, త్వరిత పరిష్కారం సాధించడానికి అతను/ఆమె విమానంలోని క్యాబిన్ సిబ్బందికి తగిన సూచనలను ఇవ్వాలి.
భూమిని తాకిన తర్వాత
[మార్చు]- అతను/ఆమె సంబంధిత చెక్లిస్ట్ను సమీక్షిస్తారు, ప్రతిదీ సరిగ్గా పనిచేస్తుందని, సరిగ్గా డిస్కనెక్ట్ చేయబడిందని నిర్ధారిస్తారు.
- తగిన నివేదికలను పూరించి, విమానం సాధారణ స్థితి గురించి గ్రౌండ్ ఇంజనీర్లకు తెలియజేయాలి, ఏవైనా అసాధారణతలు ఉంటే నివేదికలు ఇవ్వాలి.
మూలాలు
[మార్చు]- ↑ Collier's Self-Indexing Annual (in ఇంగ్లీష్). P.F. Collier & Son. 1905.
- ↑ "What are the functions of an Aircraft Pilot? - World Aviation". World Aviation | Escuela de Pilotos de Referencia (in అమెరికన్ ఇంగ్లీష్). 2023-12-27. Retrieved 2025-11-25.