శ్రీ లంకమల్లేశ్వర వన్యప్రాణి సంరక్షణ కేంద్రం
| శ్రీ లంకమల్లేశ్వర వన్యప్రాణి సంరక్షణ కేంద్రం | |
|---|---|
| లంకమల వన్యప్రాణి సంరక్షణ కేంద్రం | |
IUCN category IV (habitat/species management area) | |
 అంతరించిపోతున్న కలివికోడి (జెర్డాన్స్ కోర్సర్) నెలవు, శ్రీ లంకమల్లేశ్వర వన్యప్రాణి సంరక్షణ కేంద్రం | |
| Location | వైఎస్‌ఆర్ జిల్లా, ఆంధ్ర ప్రదేశ్, భారత దేశం |
| Nearest city | కడప |
| Area | 464.42 కి.మీ2 (179.31 చ. మై.) |
శ్రీ లంకమల్లేశ్వర వన్యప్రాణి సంరక్షణ కేంద్రం ఆంధ్రప్రదేశ్, వైఎస్‌ఆర్ జిల్లాలో కడప నగరానికి దగ్గరలోగల ఒక వన్యప్రాణుల అభయారణ్యం. కలివికోడి అనే అరుదైన, అంతరిస్తున్న పక్షి ప్రపంచంలో కేవలం ఈ అడవుల్లోనే కనిపిస్తుంది. దీన్ని తొలిసారి గుర్తించిన జెర్డాన్ అనే పక్షిశాస్త్రవేత్త పేరు మీదుగా దీన్ని వ్యావహారిక ఇంగ్లీషులో జెర్డాన్స్ కోర్సర్ అంటారు. సుమారు 176 జాతుల వృక్షాలు, జంతువులు ఈ సంరక్షణ కేంద్రంలో ఉన్నాయి.[1]
భౌగోళికం
[మార్చు]- కడప రైల్వే స్టేషన్ నుండి రహదారి మార్గంలో 60 కి.మీ. ప్రయాణించి చేరుకోవచ్చు.
వృక్షజాలం
[మార్చు]అభయారణ్యంలో 1400 మొక్కల జాతులు, 176 చెట్ల కుటుంబాలు ఉన్నాయి. అభయారణ్య ప్రాంతంలో లోతైన లోయలు, నిటారైన కొండలు, ఆకురాల్చు అరణ్యం ఉంది. ఇక్కడ ఎర్రచందనం, స్థానిక జాతి చెట్లు ఉన్నాయి.[2]
జంతుజాలం
[మార్చు]అభయారణ్యం కలివికోడి లేదా "జెర్డాన్స్ కోర్సర్" పక్షులకు ప్రసిద్ధిచెందింది. దీన్ని స్థానికంగా జత పట్టీల చిటానా అనికూడా పిలుస్తారు. ఇది తీవ్రంగా అంతరించిపోతున్న పక్షిజాతికి చెందినదిగా భావిస్తున్నారు. ఈ పక్షిని మొదటిసారిగా 1848లో థామస్ సి. జెర్డాన్ చేత కనుగొనబడింది. దీనిని తిరిగి 1996లో తిరిగి ఈ ప్రాంతంలో కనుగొన్నారు.[3] ఈ పక్షి ఇప్పుడు అరుదుగా కొన్ని అరణ్య ప్రాంతాలలో, శ్రీలంక మల్లేశ్వర అభయారణ్యంలో కనిపిస్తుంది.
దీనిలో చిరుతపులి, స్లాత్ బీర్, జింక, సాంబార్, చౌసింగా, చొంకారా, నీల్గాయ్, అడవిపంది మొదలగు ప్రాణులు కూడా ఉన్నాయి.
యాత్రికులకు సమాచారం
[మార్చు]- వసతి సౌకర్యం: సిద్ధవటం, కడప వద్ద అటవీ శాఖ అతిథి గృహాలలో వసతి సౌకర్యం లభిస్తుంది.
- సీజన్ : అక్టోబరు నుండి మార్చి వరకు.[4]
మూలాలు
[మార్చు]- ↑ "Lankamalleswaram Wildlife Sanctuary". discoveredindia. Archived from the original on 2014-05-18.
- ↑ "ఆర్కైవ్ నకలు". Archived from the original on 2016-03-04. Retrieved 2016-10-24.
- ↑ http://zeenews.india.com/news/eco-news/endangered-jerdons-courser-on-centres-priority-list_686915.html
- ↑ "ఆర్కైవ్ నకలు". Archived from the original on 2014-01-25. Retrieved 2016-10-24.
