షెర్నావాజ్ జిజినా
షెర్నావాజ్ జిజినా | |
|---|---|
| జననం | 1995 సెప్టెంబరు 22 |
షెర్నావాజ్ జిజినా (ఆంగ్లం: Sherrnavaz Jijina; జననం 1995 సెప్టెంబరు 22) హిందీ చిత్రసీమకు చెందిన భారతీయ నటి, మోడల్. అమెజాన్ ప్రైమ్ వీడియో వెబ్ సిరీస్ మీర్జాపూర్ సీజన్ 1,2,3 లలో షబ్నమ్ పాత్రలో ఆమె నటనకు ప్రసిద్ధి చెందింది.[1]
కెరీర్
[మార్చు]షెర్నావాజ్ జిజినా మోడలింగ్, యాక్టింగ్ కెరీర్ కి ముందు, ఆమె రెడ్ బుల్‌లో ఈవెంట్ మేనేజ్‌మెంట్ విభాగంలో పనిచేసింది. ఆమె అందాల పోటీల్లో కూడా పాల్గొని 2015 సర్ నెస్ వాడియా మెమోరియల్ పెవిలియన్‌లో మొదటి రన్నరప్‌గా నిలిచింది.
షెర్నావాజ్ 2015లో వై-ఫిల్మ్స్ నిర్మించిన బ్యాంగ్ బాజా బారాత్ అనే వెబ్ సిరీస్‌తో అరంగేట్రం చేసింది. ఇందులో ఆమె గురుప్రీత్ పాత్రను పోషించింది. మీర్జాపూర్ సిరీస్ మొదటి సీజన్‌లో ఆమె చిన్న పాత్ర పోషించింది. అయితే, రెండవ సీజన్‌లో ఆమెకు ఎక్కువ స్క్రీన్ సమయం లభించింది. ఇక జులై 2024 నాటికి టాప్‌ 5లో ట్రెండింగ్‌ అవుతున్న మూడో సీజన్ లోనూ తన పాత్రతో మరింత గుర్తింపు తెచ్చుకుంది.
వెబ్ సిరీస్‌లలో నటించడమే కాకుండా, ఆమె తనిష్క్ జ్యువెలర్స్, డోవ్, ఫ్లిప్‌కార్ట్ వంటి వివిధ బ్రాండ్‌లకు మోడల్‌గా వ్యవహరిస్తోంది. ఆమె ఎంటీవి మ్యూజిక్ వీడియోలోనూ నటించింది.
రంగస్థల నాటకాలలోనూ ప్రవేశం ఉన్న షెర్నావాజ్ ముంబైలోని పృథ్వీ థియేటర్ కోసం రెండు నాటకాలు చేసింది. ఆమె హిందీతో పాటు, గుజరాతీ, మరాఠీ, ఇంగ్లీష్, ఫ్రెంచ్ భాషలు అనర్గళంగా మాట్లాడగలదు.
మూలాలు
[మార్చు]- ↑ "ఇది అంతకుమించి-Namasthe Telangana". web.archive.org. 2024-07-15. Archived from the original on 2024-07-15. Retrieved 2024-07-15.
{{cite web}}: CS1 maint: bot: original URL status unknown (link)