సహస్రలింగ దేవాలయం
సహస్రలింగ దేవాలయం భారతదేశంలోని కర్ణాటక రాష్ట్రంలోని ఉత్తర కన్నడ జిల్లాలోని సిర్సి తాలూకా నుండి 14 కి.మీ. దూరంలో ఉన్న ఉప్పినంగడిలో ఉంది.[1] ఈ దేవాలయం శాల్మలా నది ఒడ్డున ఉంది. శాల్మలా నదిలో, నది ఒడ్డున వేయి లింగాలు ఉండడం వలన దీనికి సహస్రలింగం అని పేరు వచ్చింది.[2] ఇవి ఫిబ్రవరి నెలలో ఎక్కువగా కనిపిస్తాయి.[3]
చరిత్ర[మార్చు]
కురుక్షేత్ర యుద్ధం తరువాత, కృష్ణుడు రాజసూయ యాగాన్ని నిర్వహించడానికి "పుష్ప మృగము "ని తెమ్మని పాండవులకు చెపుతాడు. దానిని తీసుకురావడానికి భీముడు "మహేంద్రగిరి"కి వెళ్తాడు. దారిలో విశ్రాంతి తీసుకుంటున్న హనుమంతుడిని చూస్తాడు, హనుమంతుని తోక దారిలో అడ్డంగా ఉంటుంది. తోకను దాటడం కష్టంగా ఉందని తోకను తీసివేయమని అంటాడు. హనుమంతుడు భీముడిని తోకను ఎత్తమని అడుగుతాడు కానీ భీముడు ఎత్తలేకపోతాడు. ఆ తరువాత భీముడు, హనుమంతుని గురుంచి తెలుసుకుంటాడు. హనుమంతుడు భీముని ప్రయాణం ఉద్దేశ్యాన్ని తెలుసుకొని, రక్షణ కోసం అతని తోక నుండి వెంట్రుకలను తీసి భీమునికి ఇస్తాడు. భీముడు, మహేంద్రగిరికి చేరుకున్న తర్వాత పుష్పమృగాన్ని కలుస్తాడు. అది భీముడిని కేవలం "మనోవేగ"-వేగంతో అనుసరిస్తుందని ఒక షరతుపై రావడానికి అంగీకరిస్తుంది. హనుమంతుని తోక వెంట్రుకలను నమ్మి భీముడు అంగీకరిస్తాడు. పుష్పమృమంతో వెళ్తున్నప్పుడు అది వెళ్లే అంత వేగంగా భీముడు వెళ్లలేనప్పుడు వెంట్రుకలను కింద పడవేస్తాడు. వెంట్రుకలు కిందపడగానే వెంటనే "శివలింగం" అక్కడ కనిపిస్తుంది, పుష్పమృగం లింగాన్ని పూజించిన తర్వాత మాత్రమే ముందుకు సాగుతుంది. దీని వలన భీముడు కొంచెం ముందుకు పోగలుగుతాడు. భీముడు "ఉప్పినంగడి" అనే ప్రదేశానికి చేరుకున్నప్పుడు, భీముడు కష్టంగా భావించి, మిగిలిన వెయ్యి తోక వెంట్రుకలను కింద పడవేస్తాడు. అక్కడ వెయ్యి లింగాలు కనిపిస్తాయి, పుష్పమృగం పూజలు పూర్తి చేసే వచ్చే సమయానికి, భీముడు యాగమంటపానికి చేరుకుంటాడు. ఆ విధంగా ఆలయ పరిసరాల్లో వెయ్యి లింగాలు కనిపిస్తాయని నమ్ముతారు. నది మధ్యలో లింగాలు కనిపిస్తాయి.
మూలాలు[మార్చు]
- ↑ "Sahasralinga | Tourism of karnataka". tourismofkarnataka-com.translate.goog. Retrieved 2023-06-14.
- ↑ "Tourism | ಶಿರಸಿ ನಗರಸಭೆ". web-archive-org.translate.goog. 2015-12-16. Retrieved 2023-06-14.
- ↑ "Sahasrlinga Temple". Mangala Travels. Retrieved 2023-06-14.