సహాయం:విజువల్ ఎడిటరుతో బొమ్మల పరిచయం/2

పరిచయం
వికీపీడియాలో బొమ్మలు చేర్చడం

బొమ్మలు ఎక్కించడం
వికీమీడియా కామన్స్

బొమ్మలను చేర్చడం
వెయ్యి మాటల పెట్టు

వివరాలను సవరించడం
నేను చూస్తున్నది ఏంటి?

గ్యాలరీలు
బొమ్మల కొలువుల కోసం

సారాంశం
నేర్చుకున్నదాని సమీక్ష

బొమ్మలను వికీమీడియా కామన్స్లో భద్రపరుస్తారు. వీటిని వివిధ భాషల వికీపీడియాల్లో వాడుకోవచ్చు. వికీపీడియా సోదర ప్రాజెక్టుల్లో కూడా వాడుకోవచ్చు.

కొత్త బొమ్మను ఎక్కించేందుకు వ్యాసానికి పైన ఉన్న "సవరించు" లింకును నొక్కి, విజువల్ ఎడిటరును (VE) చేతనం చెయ్యండి.

VE పరికరాల పట్టీ కనబడ్డాక, చొప్పించు  మెనూలో "మీడియా" ను ఎంచుకోండి. దాంతోఒక డయలాగ్ పెట్టె తెరుచుకుంటుంది. దాని ద్వారా మీరు బొమ్మను చేర్చడం, ఎక్కించడం చెయ్యవచ్చు.

"ఎక్కించు" ట్యాబును నొక్కి మీ కంప్యూటరు లోని బొమ్మను ఎంచుకోండి (దస్త్రం పేరును టైపించండి లేదా బొమ్మను లాగి ఇక్కడీ పెట్టెలో పడెయ్యండి).

దానికి వివరణను చేర్చండి. మరెవరైనా ఆ బొమ్మను వేరే ఏదైనా పేజీలో వాడదలిస్తే ఆ బొమ్మ దేని గురించో వాళ్లకు తెలుస్తుంది. ఇక్కడ మీరిచ్చే వివరణ కామన్సులో బొమ్మతో పాటు భద్రమౌతుంది కాబట్టి, ఈ బొమ్మను చేర్చిన వ్యాసంలో రాసే వివరణ కంటే విపులంగా ఇక్కడి వివరణ ఉండవచ్చు. ఈ బొమ్మకు వర్గాలను కూడా చేర్చవచ్చు. తద్వారా ఇతర వాడుకరులు దీన్ని కనుక్కోవడం తేలికౌతుంది.

"ఎక్కించు" నొక్కితే, ఈ కొత్త బొమ్మ కామన్సు లోకి ఎక్కుతుంది. ఆపై ఈ వ్యాసం లోకి కూడా చేరుతుంది!

ముఖ్యమైన ఆటంకం: వికీమీడియా కామన్సు లోకి ఎక్కించే బొమ్మలపై ఎక్కించే వారికి కాకుండా మరెవరికీ కాపీహక్కులు ఉండరాదు. ఎక్కించగానే, వాటిని ఎవరైనా వాడుకునేలా (Creative commons license) స్వేచ్ఛ పొందుతాయి. ఒకవేళ బొమ్మ కాపీహక్కుల స్వంతదారు మీరు కాని పక్షంలో, ఆ బొమ్మను వాడుకోవడం 'సదుపయోగం' కిందకు వస్తుందని మీరు భావిస్తే, ఆ బొమ్మను వికీపీడియా లోనే ఎక్కింపు విజార్డు ద్వారా భద్రపరచవచ్చు. అంతేగానీ, కామన్సు లోకి ఎక్కించరాదు. మరింత సమాచారం కోసం, Help:Introduction to images with Wiki Markup చూడండి.

తరువాయి >>