హెయిర్ ట్రాన్స్‌ప్లాంటేషన్

వికీపీడియా నుండి
(హెయిర్ ట్రాన్స్‌ప్లాంటేషన్‌ నుండి దారిమార్పు చెందింది)
Jump to navigation Jump to search
జుట్టు మార్పిడి(హెయిర్ ట్రాన్స్ ప్లాంటేషన్ )కు ముందు ఉన్న వ్యక్తి .

హెయిర్ ట్రాన్స్‌ప్లాంటేషన్ బట్టతల బాధితులకు తిరిగి జుట్టు మొలిపించుటకు చేసే చికిత్సా ప్రక్రియ. జుట్టు మార్పిడి శస్త్రచికిత్స చేసుకునే వ్యక్తులు దుష్ప్రభావాలలో క్రస్ట్ లేదా స్కాబ్స్, దురద,ఫీలింగ్ కోల్పోవడం.నొప్పి లేదా వణుకు,వాపు. బిగుతుగా ఉండటం జరగవచ్చు. అనస్థీషియాతో అలెర్జీ రావడం,అధిక రక్త నష్టం,ఇన్ఫెక్షన్ వంటివి ఉంటాయి. వ్యక్తి కి దుష్ప్రభావాలతో పాటు తక్కువ బట్టతల ప్రాంతాలతో నిండిన వెంట్రుకలు ఉండటంతో ఆ మనిషిలో ఆత్మగౌరవం పెరుగుతుంది, మనశాంతితో ఉంటాడు.[1]

నేపధ్యము[మార్చు]

హెయిర్ ట్రాన్స్‌ప్లాంటేషన్ క్లిష్టమైన ప్రక్రియ. చాలా జాగ్రత్తగా, ఓపికతో చేయాల్సిన సర్జరీ ఇది. ఈ రోజుల్లో హెయిర్ ట్రాన్స్‌ప్లాంటేషన్స్‌లో చాలా పద్ధతులు అందుబాటులో ఉన్నాయి. ఒక్కొక్కరికి ఒక్కోరకమైన హెయిర్ స్టయిల్ ఉంటుంది. దానికనుగుణంగా డాక్టర్లు కొత్త పద్ధతులు అభివృద్ధి పరుస్తున్నారు. అయితే హెయిర్ ట్రాన్స్‌ప్లాంటేషన్ చేయించుకోవాలనుకుంటున్న వ్యక్తి ముందుగా మంచి పేరున్న నిపుణులైన డాక్టర్‌ను, క్లినిక్‌ను కలవాలి. డాక్టర్‌ను కలిసినపుడు హెయిర్‌లాస్ ఏ మేరకు ఉంది? శిరోజాలు రాలకుండా ఉండాలంటే ఏం చేయాలి? హెయిర్ ట్రాన్స్‌ప్లాంటేషన్ ఎంత భాగం చేయాలి? తదితర అంశాలను పరిశీలించి సూచనలు చేస్తారు. హెయిర్ ట్రాన్స్‌ప్లాంట్ చేయించుకోవాలనుకుంటున్న వ్యక్తి తలలో నుంచే శిరోజాలను తీసుకోవడం జరుగుతుంది. అందుకే పూర్తి సహజసిద్ధంగా, ఎవరూ గుర్తుపట్టలేనంతగా ఉంటుంది.

చికిత్సా పద్దతి[మార్చు]

ఎఫ్ యు ఈ చికిత్సా పద్దతిలో జుట్టు మార్పిడి

హెయిర్‌ ట్రాన్స్‌ప్లాంట్‌లో రెండు ముఖ్యమైన పద్ధతులు ఉన్నాయి. స్ట్రిప్ లేదా ఎఫ్‌యూఈ (ఫోలిక్యులర్ యూనిట్ ఎక్స్‌ట్రాక్షన్). సర్జరీ కోసం ఒకరోజంతా క్లినిక్‌లోనే ఉండాల్సి ఉంటుంది. కొన్ని గంటల పాటు సర్జరీ జరుగుతుంది. ఈ సర్జరీకి లోకల్ అనస్థీషియా సరిపోతుంది. అంటే క్లయింట్ సర్జరీ జరుగుతున్నంత సేపు మెలకువగానే ఉంటాడు. ఎఫ్‌యూఈ పద్ధతిలో ఒక్కో వెంట్రుకను తీసుకుంటూ బట్టతల ప్రాంతంలో అతికించడం జరుగుతుంది. హెయిర్ ట్రాన్స్‌ప్లాంట్ తరువాత ఎర్రగా మారడం, వాపు ఉంటాయి. కొన్ని వారాల తరువాత ఇవి తగ్గిపోతాయి. ట్రాన్స్‌ప్లాంట్ చేసిన తరువాత శిరోజాలు రాలిపోతాయి. కానీ అక్కడి నుంచే కొత్త జుట్టు పెరగడం మొదలవుతుంది. ఏడాది తరువాత జుట్టు పూర్తిగా పెరిగిపోతుంది. శిరోజాలు తీసే స్థలంలో, అతికించే స్థలంలో అనస్థీషియా ఇవ్వడం జరుగుతుంది. దీనివల్ల నొప్పి ఏ మాత్రం తెలియదు. డాక్టర్‌ను కలిసినపుడు ఇప్పటి వరకు ఎన్ని సర్జరీలు చేశారు? వారి ఫోటోలు చూపించగలరా? సర్జరీకి ముందు సర్జీరీ తరువాత వారి శిరోజాలు ఎలా ఉన్నాయి? తదితర అంశాలను ఫోటోలు చూసి తెలుసుకుంటే మంచిది. వీలుంటే సర్జరీ చేయించుకున్న క్లయింట్స్‌తో ఒకసారి మాట్లాడించమని అడగవచ్చు. సర్జరీ చేయించుకుంటే మీ హెయిర్ స్టయిల్ ఎలావస్తుందో స్కెచ్ గీసి చూపించమని కోరవచ్చు. ఎన్ని సెషన్లు రావాల్సి ఉంటుందో తెలుసుకోవడం మరవద్దు. మొత్తం సర్జరీకి ఎంత ఖర్చవుతుందో ముందుగా తెలుసుకోవడం చాలా అవసరం. డాక్టర్‌ను కలిసినపుడు ఈ విషయాలు గుర్తుపెట్టుకుని సందేహాలు నివృత్తి చేసుకోవాలి. పొగతాగడం, ఆల్కహాల్ తీసుకోవడం, ఇతర మందులు వాడే అలవాటు ఉంటే సర్జరీకి కొన్ని వారాల ముందు నుంచి ఆపేయాలి. దీనివల్ల ఎటువంటి సైడ్ఎఫెక్ట్స్‌రాకుండా ఉంటాయి. అధికంగా మద్యం సేవించడం, ఇతర వ్యాధులకు వాడే మందుల వల్ల సర్జరీ సమయంలో లేదా తరువాత బ్లీడింగ్ కావడానికి అవకాశం ఉంటుంది. అందుకే సర్జరీ చేయించుకోవాలని అనుకుంటున్న వారు తప్పనిసరిగా ఈ అలవాట్లను మానుకోవాలి. ఒక్ సెషన్‌లో 1500 నుంచి 3 వేల వరకు శిరోజాలను తీసి అతికించవచ్చు. రోజంతా సర్జరీ చేసినపుడు ఇది సాధ్యమవుతుంది. చాలా వరకు రోగులు ఉదయం క్లినిక్‌కు వస్తే సాయంత్రంకల్లా ఇంటికి వెళ్లిపోవచ్చు. హెయిర్ ట్రాన్స్‌ప్లాంటేషన్ చేయించుకోగానే నిండైన జుట్టుతో అందంగా కనిపించాలని కోరుకుంటారు. కానీ దానికి సమయం పడుతుందని గుర్తుంచుకోవాలి. ట్రాన్స్‌ప్లాంట్ చేసిన శిరోజాలు నెమ్మదిగా పెరుగుతాయి. సర్జరీ చేసిన కొన్ని వారాల తరువాత ట్రాన్స్‌ప్లాంట్ హెయిర్స్ రాలిపోతాయి. ఆ తరువాత నెమ్మదిగా పెరగటం మొదలవుతుంది. మూడు నెలల్లో మెల్లగా శిరోజాలు పెరుగుతుండటం గమనించవచ్చు. ఆరు నుంచి ఏడాదిలోపల జుట్టు పూర్తిగా పెరుగుతుంది. సర్జరీకి ముందు, సర్జరీ తరువాత తేడాను స్పష్టంగా గమనించవచ్చు. ఈ జుట్టు పూర్తిగా సాధారణ జుట్టు మాదిరిగానే ఉంటుంది. ప్రత్యేకంగా చూడాల్సిన అవసరం ఉండదు. మామూలుగా దువ్వుకోవడం చేయవచ్చు. ఈ జుట్టు ఊడిపోవడం మళ్లీ బట్టతల రావడం అంటూ జరగదు. ట్రాన్స్‌ప్లాంట్ చేసిన జుటు జీవితాంతం నిగనిగలాడుతూ ఉంటుంది. బట్టతల సమస్యకు హెయిర్ ట్రాన్స్‌ప్లాంట్ సర్జరీ ఒక వరం. హెయిర్ ట్రాన్స్‌ప్లాంట్‌తో బట్టతలకు శాశ్వతంగా గుడ్‌బై చెప్పవచ్చు.

పరీక్షలు[మార్చు]

జుట్టు మార్పిడి అవసరం వెంట్రుకలు తగ్గుతున్న వారు ( స్త్రీ, పురుషులు ) . జుట్టు రాలడాన్ని ఎదుర్కొంటున్న వారు , జుట్టు మార్పిడి చికిత్స ప్రారంభించమని వైద్యులను సంప్రదిస్తారు. జుట్టు మార్పిడి కోసం పరిగణించడానికి రెండు విషయాలు అవసరం, అవి నెత్తిమీద తగినంత మంచి జుట్టును తీసుకుని, ఆ జుట్టును అవసరమైన ప్రాంతానికి మార్పిడి చేయడం జరుగుతుంది. జుట్టు పెరిగే సామర్థ్యం చర్మవ్యాధి నిపుణుడితో సంప్రదింపుల సమయంలో ఈ రెండు పరిగణలోనికి తీసుకుని నిపుణుడు పరీక్షలు చేయడం జరుగుతుంది. అందుకు రక్త పరీక్ష, కొంతమంది రోగులకు స్కాల్ప్ బయాప్సీ అని పిలువబడే విధానం అవసరం. ఈ వ్యక్తిగత పరీక్షలు వ్యక్తులకు జుట్టు మార్పిడికి అనుకూలంగా ఉంటే హెయిర్ ట్రాన్స్‌ప్లాంటేషన్ ప్రక్రియ మొదలవుతుంది. వ్యక్తులు హెయిర్ ట్రాన్స్ ప్లాంటేషన్ ఫలితాలను చాలా మంది రోగులు శస్త్రచికిత్స తర్వాత ఆరు నుండి తొమ్మిది నెలల మధ్య ఫలితాలను చూస్తారు. కొంతమంది రోగులకు, 12 నెలల సమయం పడవచ్చు. జుట్టు మార్పిడి శస్త్రచికిత్స తర్వాత రెండు నుండి ఎనిమిది వారాల మధ్య, మార్పిడి చేసిన జుట్టు రాలిపోతుందని తెలుసుకోవడం అవసరం. మూడవ నెల నాటికి, మార్పిడి చేయడానికి ముందు కంటే జుట్టు సన్నగా కనిపిస్తుంది. ఈ సమగ్ర ఫలితాల కొరకు జుట్టు మార్పిడి చేసుకున్న వ్యక్తికి మందులు కూడా అవసరం. జుట్టు మార్పిడి తర్వాత కూడా జుట్టు రాలడం ,సన్నబడటం కొనసాగవచ్చు కాబట్టి మందులు సహాయపడతాయి. మందులు కొత్త జుట్టు రాలడం,సన్నబడటాన్ని కొంత సమయం తీసుకుంటాయి కనుక, సహజంగా కనిపించే ఫలితాల కొరకు కొంత కాలం వేచివుండాలి.[2]

జాగ్రత్తలు[మార్చు]

శిక్షణ పొందిన నిపుణుడిచే చేయబడినప్పుడు  జుట్టు మార్పిడి విఫలమయ్యే ప్రమాదం చాలా తక్కువ ,ఎటువంటి దుష్ప్రభావాలు ఉండవు.  వైద్యులు సూచించిన విధంగానే యాంటీబయాటిక్స్ , యాంటీ ఇన్ఫ్లమేటరీ మందులు తీసుకోవడం ,తలను తేమగా ఉంచడం, తల స్నానం (హెడ్ వాష్) చేయక పోవడం, మూడు వారాల పాటు, మీరు ప్రత్యక్ష సూర్యరశ్మి, కఠినమైన వ్యాయామం, ఈత ( స్విమ్మింగ్) వంటివి నివారించాలి. మార్పిడి అయిన వ్యక్తులు కనీసం ఒక నెల పాటు జెల్ లేదా ఇతర రసాయన చికిత్సలు వంటి ఏదైనా రసాయన ఉత్పత్తులను ఉపయోగించకుండా ఉండాలి. మార్పిడి చేసిన జుట్టు దాదాపు శాశ్వతంగా ఉంటుంది, ఈ జుట్టును నిలుపుకోవడానికి మందులు అవసరం లేదు. ఇప్పటికే ఉన్న బట్టతల ప్యాచ్ ను కవర్ చేయడానికి మార్పిడి జరుగుతుందని అర్థం చేసుకోవడం చాలా ముఖ్యం. మార్పిడి చేసిన జుట్టు  మార్పిడి చేసిన జుట్టు చాలా కాలం పాటు, బహుశా జీవితాంతం పెరుగుతూనే ఉంటుంది. మార్పిడి తర్వాత, సన్నగా ఉండదు లేదా పడిపోదు. వ్యక్తులకు  ఎఫ్యూటీ లేదా ఎఫ్యూఈ పద్ధతిని ఉపయోగించే అవకాశం ఉంది.[3]

మూలాలు[మార్చు]

  1. "Hair Transplant: How Does It Work, Success Rates". Cleveland Clinic (in ఇంగ్లీష్). Retrieved 2023-03-21.
  2. "A hair transplant can give you permanent, natural-looking results". www.aad.org (in ఇంగ్లీష్). Retrieved 2023-03-21.
  3. "Important things you should know before planning hair transplant". The Indian Express (in ఇంగ్లీష్). 2021-12-06. Retrieved 2023-03-21.