హెర్ట్జ్

వికీపీడియా నుండి
Jump to navigation Jump to search
వివిధ పౌనఃపున్యంతో ఒక సైన్ తరంగం
పై నుంచి కిందకు వరసగా పౌనఃపున్యములు f = 0.5 Hz వున్నది 2 సెకన్లకు ఒకసారి, 1.0 Hz వున్నది 1 సెకనుకు ఒకసారి, 2.0 Hz వున్నది అర సెకనుకు ఒకసారి వెలుగుతున్నవి.

హెర్ట్జ్ (hertz చిహ్నం: Hz) అనేది సమయం నుండి ఉత్పన్నమయిన ఒక ప్రమాణం, ఇది అంతర్జాతీయ ప్రమాణాల పద్ధతిలో పౌనఃపున్యమును కొలుస్తుంది. పౌనఃపున్యము అనగా ప్రమాణకాలంలో చేయు డోలనాలు లేదా కంపనాల సంఖ్య. 1 హెర్ట్జ్ యొక్క పౌనఃపున్యం అర్థం ఒక సెకనుకు ఒకసారి ఏర్పడిన కంపనం. మధ్య C (పియానో యొక్క మధ్యలో C) నోట్ 262 Hz అనగా, దీనర్థం ఇక్కడ ప్రతి సెకనుకు 262 సార్లు కంపిస్తుంది, పియానో కీ బోర్డులో మిడిల్ C నోట్ ను ప్లే చేసినప్పుడు వెలువడిన శ్రవణాన్ని మనం మిడిల్ C నోట్‌గా ఆలకిస్తాము.

మానవులు 20 Hz నుండి 20,000 Hz మధ్య ధ్వనులను వినగలుగుతారు. గుడ్లగూబ 200 Hz నుండి 12,000 Hz మధ్య ధ్వనులను వినగలుగుతుంది. ప్రాధమిక యూనిట్ 1/సెకను. ఈ హెర్ట్జ్ యూనిట్ పేరు హెన్‌రిచ్ రుడాఫ్ హెర్జ్ శాస్త్రవేత్త పేరు మీద ఏర్పడింది.

బహుళ యూనిట్లు[మార్చు]

1000 హెర్ట్జ్ అనగా 1 కిలోహెర్జ్. 1000 కిలోహెర్జ్ అనగా 1 మెగాహెర్జ్, 1000 మెగాహెర్జ్ అనగా 1 గిగాహెర్ట్జ్: (ఈ క్రింది పట్టిక చూడండి)

Unit Equal to:
Kilohertz (KHz) 1000 Hz
Megahertz (MHz) 1000 KHz
Gigahertz (GHz) 1000 MHz
Terahertz (THz) 1000 GHz
Petahertz (PHz) 1000 THz
Exahertz (EHz) 1000 PHz
Zettahertz (ZHz) 1000 EHz
Yottahertz (YHz) 1000 ZHz

ఉదాహరణలు[మార్చు]

  • భూమి భ్రమణం (24 గంటలకు ఒకసారి) యొక్క పౌనఃపున్యం 12 మైక్రోహెర్ట్జ్ (1Hz కంటే చాలా తక్కువ)
  • ఈ హెర్ట్జ్ ను కొన్నిసార్లు కంప్యూటింగ్ మరియు ఎలక్ట్రానిక్స్‌లలో ప్రాసెసర్ యొక్క శక్తిని కొలవడానికి ఉపయోగిస్తారు.
  • యునైటెద్ స్టేట్స్ ఆఫ్ అమెరికా లోని అమెచ్యూర్ రేడియో 1.8 నుంచి 1300 MHz మధ్య వివిధ పౌనఃపున్యాలను కలిగిస్తుంది.
  • ఎయిర్ ట్రాఫిక్ కంట్రోల్ 3 మరియు 25 MHz మధ్య పౌనఃపున్యాలను అలాగే 108 మరియు 136 MHz మధ్య పౌనఃపున్యాలను ఉపయోగిస్తుంది.
"https://te.wikipedia.org/w/index.php?title=హెర్ట్జ్&oldid=2426658" నుండి వెలికితీశారు