నుపుర్ శర్మ (రాజకీయవేత్త)

నుపూర్ శర్మ
భారతీయ జనతా పార్టీ జాతీయ అధికార ప్రతినిధి
పదవీ కాలం 2020 – 2022
రాష్ట్రపతి	జె.పి.నడ్డా
వ్యక్తిగత వివరాలు
జననం	(1985-04-23) 1985 ఏప్రిల్ 23 న్యూ ఢిల్లీ, భారతదేశం
రాజకీయ పార్టీ	భారతీయ జనతా పార్టీ (2005–2022)
వృత్తి	న్యాయవాది రాజకీయవేత్త

నుపుర్ శర్మ (జననం 1985 ఏప్రిల్ 23) ఉన్నత విద్యావేత్త. విద్యార్థి దశ నుంచే చురుగ్గా రాజకీయాల్లో పాల్గొన్నారు. భారతీయ జనతా పార్టీ మాజీ అధికార ప్రతినిధి. న్యాయవాది.

ప్రారంభ జీవితం, విద్య

1985లో న్యూఢిల్లీలో నుపూర్ శర్మ జన్మించారు. ఆమె సివిల్ సర్వెంట్లు, వ్యాపారవేత్తల కుటుంబం నుండి వచ్చింది. మథుర రోడ్‌లోని ఢిల్లీ పబ్లిక్ స్కూల్‌లో ఆమె చదివారు. ఆ తర్వాత ఆమె ఢిల్లీ యూనివర్సిటీలో చేరారు. ఢిల్లీ యూనివర్సిటీ నుంచి నుపుర్ శర్మ ఆర్థిక శాస్త్రంలో డిగ్రీ, అలాగే ఎల్‌ఎల్‌బీ పట్టా అందుకున్నారు.అనంతరం ఆమె లండన్‌ స్కూల్‌ ఆప్‌ ఎకనామిక్స్‌లో న్యాయశాస్త్రంలో మాస్టర్‌ డిగ్రీ పూర్తి చేశారు. నుపూర్ శర్మ న్యాయవాదిగా మారారు.

కెరీర్

విద్యార్థి దశలో ఆమె సంఘ్ పరివార్ విద్యార్థి విభాగం అయిన అఖిల భారతీయ విద్యార్థి పరిషత్ లో చేరారు. 2008లో ఢిల్లీ యూనివర్సిటీ విద్యార్థి సంఘం అధ్యక్షురాలుగా ఏబీవీపీ తరఫున ఎన్నికయ్యారు. బీజేపీలో చేరాక పార్టీలో పలు కీలక బాధ్యతలు చేపట్టారు. 2015లో న్యూఢిల్లీ నియోజకవర్గం నుంచి ఆప్‌ అధినేత అరవింద్‌ కేజ్రీవాల్‌పై పోటీ చేసి ఆమె ఓడిపోయారు.

వివాదస్పదం

ఎబివిపిలో ఎనిమిదేళ్ల సమయంలో 'కమ్యూనలిజం, ఫాసిజం అండ్ డెమోక్రసీ: వాక్చాతుర్యం, వాస్తవికత' అనే అంశంపై ఫ్యాకల్టీ సెమినార్‌లో ఎస్.ఎ.ఆర్. గీలానీని దూషించడం ఒక చెప్పుకోదగ్గ సంఘటన. ఆ రాత్రి ఒక టెలివిజన్ షోలో కూడా అంతే నిస్సంకోచంగా వ్యవహరించింది.

నుపుర్ శర్మ భారతీయ జనతా పార్టీ జాతీయ అధికార ప్రతినిధిగా టెలివిజన్ చర్చలలో క్రమం తప్పకుండా చురుకుగా పాల్గొనేవారు. 2022 జూన్ లో ఇస్లామిక్ ప్రవక్త ముహమ్మద్ పై వివాదాస్పద వ్యాఖ్యలు చేయడంతో ఆమెను పార్టీ సస్పెండ్ చేసింది. వ్యాఖ్యల తర్వాత ఎదురువుతున్న వేధింపులు, బెదిరింపులపై ఆమె పోలీసులను ఆశ్రయించారు. ఢిల్లీ పోలీసులు నుపూర్ శర్మ, ఆమె కుటుంబానికి భద్రత కల్పించారు.