పాత తిరువూరు

పాత తిరువూరు
రెవెన్యూ గ్రామం
పాత తిరువూరు
అక్షాంశ రేఖాంశాలు: 17°6′N 80°36′E
దేశం	భారతదేశం
రాష్ట్రం	ఆంధ్రప్రదేశ్
జిల్లా	ఎన్టీఆర్
మండలం	తిరువూరు
విస్తీర్ణం	10.47 కి.మీ2 (4.04 చ. మై)
జనాభా  (2011)	6,567
• జనసాంద్రత	630/కి.మీ2 (1,600/చ. మై.)
అదనపు జనాభాగణాంకాలు
• పురుషులు	3,528
• స్త్రీలు	3,039
• లింగ నిష్పత్తి	861
• నివాసాలు	1,638
ప్రాంతపు కోడ్	+91 ( )
పిన్‌కోడ్	521235
2011 జనగణన కోడ్	588968

పాత తిరుఊరు, ఆంధ్రప్రదేశ్ రాష్ట్రం, ఎన్టీఆర్ జిల్లా, తిరువూరు మండలం లోని గ్రామం, దీనిలో జనావాసా ప్రాంతాలు తిరువూరు పట్టణంలో భాగం.

గ్రామం పేరు వెనుక చరిత్ర

నాలుగు శతాబ్దాలకు పూర్వం, ప్రస్తుత తిరుఊరు, "లక్ష్మీపురం" అనే వ్యవహారనామంతో కొనసాగేది. రావు బహద్దూరు జమీందారుల పాలనలో ఉండేది. అప్పట్లో, అన్నాజీరావు దంపతులు, తిరుపతి పుణ్యక్షేత్రానికి ఎడ్లబండిపై ప్రయాణం చేసి స్వామివారిని దర్శించుకున్నారు. దేవాలయ అర్చకుడు, 16 కళలలో ప్రాణప్రతిష్ఠ చేసిన శఠగోపాన్ని వీరికి అందించారు. శఠగోపంతో తిరిగి వచ్చిన దంపతులు, తమ ఇంటిప్రక్క స్థలంలో, ఆలయాన్ని నిర్మించారు. శ్రీపతి, తిరుపతి నుండి రావటం వలన, "తిరు" అనీ, ఊరూరా శఠగోపం పూజలందుకోవడం వలన "ఊరు" అనీ, వెరసి, "తిరుఊరు"గా నామకరణం చేశారు. దీనితో, నాటి లక్ష్మీపురం, నేడు, "తిరుఊరు" పేర కొనసాగుతుంది.

గ్రామ భౌగోళికం

ఇది విజయవాడ నగరానికి 74 కి.మీ ల దూరంలో ఉంది.ఇది దాని చుట్టు పక్కల వున్న 51 గ్రామాలకు ప్రధాన వ్యాపార కేంద్రం. ఈ పట్టణం సముద్రమట్టానికి 73 మీ. ఎత్తులో ఉంది.

సమీప గ్రామాలు

అక్కపాలెం 4 కి.మీ, కోకిలపాడు 5 కి.మీ, ఆంజనేయపురం 5 కి.మీ రోలుపాడు; 7 కి.మీ, వావిలాల 9 కి.మీ,కొమ్మిరెడ్డిపల్లి 15కి. మీ, ముష్టికుంట్ల 12కి. మీ, వామకుంట్ల 10కి. మీ, మునుకుళ్ళ 4కి. మీ,వావిలాల 8 కి.మీ.

జనగణన

2011 భారత జనగణన గణాంకాల ప్రకారం ఈ గ్రామం 1638 ఇళ్లతో, 6567 జనాభాతో 1047 హెక్టార్లలో విస్తరించి ఉంది. గ్రామంలో మగవారి సంఖ్య 3528, ఆడవారి సంఖ్య 3039. షెడ్యూల్డ్ కులాల సంఖ్య 2399 కాగా షెడ్యూల్డ్ తెగల సంఖ్య 334. గ్రామ జనగణన లొకేషన్ కోడ్ 588968. 2022 లో చేసిన జిల్లాల పునర్వ్యవస్థీకరణకు ముందు ఈ గ్రామం కృష్ణా జిల్లాలో, ఇదే మండలంలో ఉండేది.

నగర పంచాయతీ

2011 సం.లో తిరుఊరు నగరపంచాయితీగా ఏర్పడింది. 2011 సం.నకు మొత్తం జనాభా సుమారు 50,000. మొత్తం వార్డులు 20. వార్షిక ఆదాయం సుమారు 90 లక్షలు పైగా ఉంది.

విద్యా సౌకర్యాలు

గ్రామంలో ఒక ప్రైవేటు బాలబడి ఉంది. ప్రభుత్వ ప్రాథమిక పాఠశాలలు 9, ప్రైవేటు ప్రాథమిక పాఠశాల ఒకటి, ప్రభుత్వ ప్రాథమికోన్నత పాఠశాలలు నాలుగు, ప్రైవేటు ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాలలు నాలుగు, ప్రైవేటు మాధ్యమిక పాఠశాల ఒకటి ఉన్నాయి. 2 ప్రభుత్వ జూనియర్ కళాశాలలుఒక ప్రభుత్వ ఆర్ట్స్ / సైన్స్ డిగ్రీ కళాశాల ఉన్నాయి.సమీప ఇంజనీరింగ్ కళాశాల విజయవాడలో ఉంది. సమీప వైద్య కళాశాల, మేనేజిమెంటు కళాశాల, పాలీటెక్నిక్ విజయవాడలో ఉన్నాయి. సమీప వృత్తి విద్యా శిక్షణ పాఠశాల, అనియత విద్యా కేంద్రం, దివ్యాంగుల ప్రత్యేక పాఠశాల విజయవాడలో ఉన్నాయి.

రవాణా సౌకర్యాలు

జాతీయ రహదారి 30 రోడ్ తిరుఊరు మీదుగా వెళుతుంది.తిరుఊరిలో బస్సు డిపో ఉంది. దగ్గరలో రైల్వేస్టేషన్ మధిర (ఖమ్మం జిల్లా) 32 కి.మీ దూరంలో గలదు.

దర్శనీయ ప్రదేశాలు/దేవాలయాలు

తిరుఊరిలో పంచముఖ ఆంజనేయస్వామి, అయ్యప్ప ఆలయం

• శ్రీ అయ్యప్పస్వామి సహిత శ్రీ పంచముఖ హనుమత్ క్షేత్రం, బైపాస్ రోడ్:- శ్రీ కృష్ణదేవరాయలు 1540 లో కొండపల్లి జైత్రయాత్రకి వెలుతూ దీన్ని దర్శించారు.

భూమి వినియోగం

పాత తిరుఊరిలో భూ వినియోగం కింది విధంగా ఉంది:

• వ్యవసాయేతర వినియోగంలో ఉన్న భూమి: 8 హెక్టార్లు
• తోటలు మొదలైనవి సాగవుతున్న భూమి: 152 హెక్టార్లు
• వ్యవసాయం చేయదగ్గ బంజరు భూమి: 102 హెక్టార్లు
• నికరంగా విత్తిన భూమి: 784 హెక్టార్లు
• నీటి సౌకర్యం లేని భూమి: 592 హెక్టార్లు
• వివిధ వనరుల నుండి సాగునీరు లభిస్తున్న భూమి: 192 హెక్టార్లు

నీటిపారుదల సౌకర్యాలు

పాత తిరుఊరిలో వ్యవసాయానికి నీటి సరఫరా కింది వనరుల ద్వారా జరుగుతోంది.

• బావులు/బోరు బావులు: 48 హెక్టార్లు
• చెరువులు: 143 హెక్టార్లు (ప్రధానమైనవి: మల్లమ్మ చెరువు)

ఉత్పత్తి

పాత తిరుఊరిలో ఈ కింది వస్తువులు ఉత్పత్తి అవుతున్నాయి.

ప్రధాన పంటలు

వరి, కాయధాన్యాలు

పారిశ్రామిక ఉత్పత్తులు

ఇటుకలు, బియ్యం, సిమెంటు

చేతివృత్తులవారి ఉత్పత్తులు

వస్త్రాలంకరణ, బుట్టలు, కలప పస్తువులు