పైరో మీటర్
పైరోమీటర్లు అంటే వస్తువు యొక్క ఉష్ణోగ్రత, వస్తువు నుండి వెలువడే విద్యుదయస్కాంత వికిరణాన్ని గుర్తించడానికి ఉపయోగించే ఉష్ణోగ్రత కొలిచే పరికరాలు. పైరోమీటర్ అనేది సుదూర వస్తువుల ఉష్ణోగ్రతను కొలవడానికి ఉపయోగించే రిమోట్ సెన్సింగ్ థర్మామీటర్. చారిత్రాత్మకంగా పైరోమీటర్లలో వివిధ రూపాలు ఉన్నాయి. ఆధునిక వాడుకలో పైరోమీటరు ఒక ఉపరితలం యొక్క ఉష్ణోగ్రతను అది విడుదల చేసే ఉష్ణ వికిరణం నుండి నిర్ణయిస్తుంది. ఈ విధానాన్ని పైరోమెట్రీ అని, కొన్నిసార్లు రేడియోమెట్రీ అని పిలుస్తారు.
పైరోమీటర్ అనే పదం గ్రీకు పదం అగ్ని "πῦρ" (pyr), మీటర్ (కొలత) అనే పదాల నుండి వ్యుత్పత్తి అయింది. పైరోమీటర్ అనే పదాన్ని మొదట ఒక వస్తువు యొక్క ఉష్ణోగ్రతను దాని వికిరణ కొలత, కనీసం ఎరుపుగా ఉన్న వేడి వస్తువు నుండి విడుదలయ్యే దృగ్గోచర కాంతిని సూచించే సామర్థ్యంగా సూచించేవారు.[1] ఆధునిక పైరోమీటర్లు లేదా పరారుణ థర్మామీటర్లు వాటి పరారుణ వికిరణ అభివాహాన్ని గుర్తించడం ద్వారా చల్లటి వస్తువుల ఉష్ణోగ్రతని గది ఉష్ణోగ్రత వరకు కొలుస్తాయి.
పైరోమీటరును బట్టీలు, కొలిమిల్లోని ఉష్ణోగ్రతను కొలవడానికి ఉపయోగిస్తారు. ఆప్టికల్ పైరోమీటరును సూర్యుడు లేదా నక్షత్రాల్లోని అత్యధిక ఉష్ణోగ్రతను కొలవడానికి వాడతారు.
ఇవి వేర్వేరు వర్ణపట పరిధులలో లభిస్తాయి. వర్ణపట పరిధి ఆధారంగా, పైరోమీటర్లను 1-కలర్ పైరోమీటర్లు, 2-కలర్ పైరోమీటర్లు, హై-స్పీడ్ పైరోమీటర్లుగా వర్గీకరించారు.
పైరోమీటర్ యొక్క ప్రాథమిక సూత్రం ఏమిటంటే, ఇది వస్తువుతో సంబంధం లేకుండా వస్తువు నుండి విడుదలయ్యే వేడి / రేడియేషన్‌ను గ్రహించడం ద్వారా వస్తువు యొక్క ఉష్ణోగ్రతను కొలుస్తుంది. ఇది విడుదలయ్యే రేడియేషన్ తీవ్రతను బట్టి ఉష్ణోగ్రత స్థాయిని నమోదు చేస్తుంది. పైరోమీటర్‌లో ఆప్టికల్ సిస్టం, డిటెక్టర్లు వంటి రెండు ప్రాథమిక భాగాలు ఉన్నాయి, ఇవి వస్తువు యొక్క ఉపరితల ఉష్ణోగ్రతను కొలవడానికి ఉపయోగిస్తారు.[2]
రకాలు[మార్చు]
- ఆప్టికల్ పైరోమీటరు
- వికిరణ పైరోమీటరు
ఆప్టికల్ పైరోమీటరు[మార్చు]
దృగ్గోచర వర్ణపటం యొక్క ఉష్ణ వికిరణాన్ని గుర్తించడానికి ఉపయోగించే పైరోమీటర్లలో ఇవి ఒకటి. కొలిచిన వేడి వస్తువుల ఉష్ణోగ్రత అది విడుదల చేసే వికిరణంపై ఆధారపడి ఉంటుంది. ఆప్టికల్ పైరోమీటర్లు క్రమాంకనం చేసిన కాంతి వనరు, లక్ష్య వస్తువు యొక్క ఉపరితలం మధ్య దృశ్య పోలికను అందించగలవు. ఫిలమెంట్, వస్తువు యొక్క ఉపరితలం యొక్క ఉష్ణోగ్రత ఒకేలా ఉన్నప్పుడు, అప్పుడు ఫిలమెంట్ కారణంగా ఏర్పడే ఉష్ణ వికిరణ తీవ్రత విలీనం అయ్యి, లక్ష్యంగా ఉన్న వస్తువు యొక్క ఉపరితలం లోకి వెళ్లి అదృశ్యమవుతుంది. ఈ ప్రక్రియ జరిగినప్పుడు, ఫిలమెంటు గుండా వెళుతున్న విద్యుత్ ప్రవాహం ఉష్ణోగ్రత స్థాయికి మార్చబడుతుంది
మూలాలు[మార్చు]
- ↑ "incandescence". Dictionary.com. Dictionary.com, LLC. Retrieved 2 January 2015.
- ↑ "Pyrometer : Working Principle, Types, Advantages and Disadvantages". ElProCus - Electronic Projects for Engineering Students (in అమెరికన్ ఇంగ్లీష్). 2020-02-03. Retrieved 2020-12-31.
బయటి లంకెలు[మార్చు]
