రోహిణి ఖాదిల్కర్
| రోహిణి ఖాదిల్కర్ | |
|---|---|
 లుజర్న్1982లో రోహిణి ఖాదిల్కర్ | |
| దేశం | భారతదేశం |
| పుట్టిన తేది | 1963 ఏప్రిల్ 1 ముంబై |
| టైటిల్ | ఉమెన్ ఇంటర్నేషనల్ మాస్టర్ (1981) |
| ఫిడే రేటింగ్ | 2215 ఇన్‌యాక్టివ్ |
| అత్యున్నత రేటింగ్ | 2220 (జూలై 1987)[1] |
రోహిణి ఖాదిల్కర్ (జననం 1963 ఏప్రిల్ 1) ఉమెన్ ఇంటర్నేషనల్ మాస్టర్ బిరుదును కలిగి ఉన్న భారతీయ చెస్ క్రీడాకారిణి. ఆమె భారతీయ మహిళల ఛాంపియన్‌షిప్‌ను ఐదుసార్లు, ఆసియా మహిళల ఛాంపియన్‌షిప్‌ను రెండుసార్లు గెలుచుకుంది.[2] 1980లో అర్జున అవార్డు అందుకున్న మొదటి మహిళా చెస్ క్రీడాకారిణి ఆమె.
ఆమె దుబాయ్, మలేషియాలో జరిగిన జోనల్ ఛాంపియన్‌షిప్‌లను రెండుసార్లు గెలుచుకుంది. ఆమె ప్రపంచ నం.8 క్రీడాకారిణి(World No.8 player)గా నమోదైంది. 1989లో లండన్లో చెస్ కంప్యూటర్‌ను ఓడించిన మొదటి ఆసియా క్రీడాకారిణి కూడా ఆమె.[3]
వ్యక్తిగతం[మార్చు]
వీరు ముగ్గురు సోదరీమణులు వాసంతి ఖాదిల్కర్, జయశ్రీ ఖాదిల్కర్, రోహిణి ఖాదిల్కర్. ఈ ముగ్గురూ భారతదేశ మహిళల చెస్ ఛాంపియన్‌షిప్‌లలో ఆధిపత్యం చెలాయించడంతో పాటు మొదటి దశాబ్దంలోనే అన్ని టైటిళ్లను గెలుచుకున్నందుకు గుర్తింపు పొందారు.[4] ముగ్గురు ఖాదీల్కర్ సోదరీమణులలో ఆమె చిన్నది. వీరంతా చెస్‌లో రాణించారు.
వీరి తండ్రి, నీల్కాంత్ ఖాదిల్కర్ (1934-2019) మరాఠీ భాషలో ముంబైకి చెందిన ప్రసిద్ధ పాత్రికేయుడు.[5] ఆయన స్థాపించిన నవ కాల్ వార్తాపత్రికను నడపడంలో సహాయం చేస్తున్నారు. మరాఠీ నాటక రచయిత కృష్ణాజీ ప్రభాకర్ ఖాదిల్కర్ (1872-1948) ఈ సోదరీమణులకు ముత్తాత.
కెరీర్[మార్చు]
ఆమె బ్యూనస్ ఎయిర్స్ (1978), వాలెట్టా (1980), లూసర్న్ (1982), థెస్సలోనికి (1984), దుబాయ్ (1986) లలో చెస్ ఒలింపియాడ్‌లో పాల్గొన్నది.
ఉమెన్స్ కాంపిటేషన్స్[మార్చు]
ఆమె 13 సంవత్సరాల వయస్సులో 1976లో జాతీయ మహిళా చెస్ ఛాంపియన్ అయ్యింది. వరుసగా మూడు సంవత్సరాలలో ఆ ఛాంపియన్‌షిప్‌ను గెలుచుకున్న మొదటి వ్యక్తిగా ఎదిగింది. ఆమె ఐదు సందర్భాలలో ఈ టైటిల్‌ను సాధించింది.
- నవంబర్ 1976, కేరళలోని కొట్టాయంలో
- డిసెంబర్ 1977, హైదరాబాద్‌లో
- మార్చి 1979, మద్రాసులో
- ఫిబ్రవరి 1981, న్యూఢిల్లీలో
- డిసెంబర్ 1983, న్యూఢిల్లీలో
1981లో హైదరాబాద్‌లో పోటీ జరిగినప్పుడు ఆమె ఆసియా మహిళల చెస్ ఛాంపియన్‌గా నిలిచింది. ఆ పోటీలో అజేయంగా నిలిచిన ఆమె 12 పాయింట్లలో 11.5 సాధించింది. అదే సంవత్సరంలో, ఆమె ఉమెన్ ఇంటర్నేషనల్ మాస్టర్ అయ్యింది. నవంబర్ 1983లో మలేషియాలోని కౌలాలంపూర్‌లో పోటీ జరిగినప్పుడు ఆమె మళ్లీ ఆసియా మహిళల టైటిల్‌ను గెలుచుకుంది.
మెన్స్ కాంపిటేషన్స్[మార్చు]
ఆమె 1976లో భారతీయ పురుషుల ఛాంపియన్‌షిప్‌లో పాల్గొన్న మొదటి మహిళా క్రీడాకారిణి. ఆమె పురుషుల పోటీలో పాల్గొనడం వల్ల తీవ్ర ఆగ్రహావేశాలు ఏర్పడి, హైకోర్టును ఆశ్రయించి విజయవంతమైన అప్పీల్‌ని ప్రపంచ చెస్ ఫెడరేషన్ ప్రెసిడెంట్, మాక్స్ ఇయువే(Max Euwe) తీర్పు ఇచ్చేందుకు కారణమైంది. జాతీయ, అంతర్జాతీయ ఛాంపియన్‌షిప్‌ల నుండి మహిళలను నిరోధించలేమన్నారు.[6] ఈ పోటీలో ఆమె ముగ్గురు రాష్ట్ర స్థాయి ఛాంపియన్‌లు - గుజరాత్‌కు చెందిన గౌరంగ్ మెహతా, మహారాష్ట్రకు చెందిన అబ్దుల్ జబ్బార్, పశ్చిమ బెంగాల్‌కు చెందిన ఎ. కె. ఘోష్‌లను ఓడించింది.
చెస్ అంబాసిడర్[మార్చు]
ఆమె 56 సందర్భాలలో భారతదేశానికి ప్రాతినిధ్యం వహిస్తూ విదేశాలకు వెళ్ళింది, అలా అనేక దేశాలను సందర్శించింది. ప్రతి సందర్భంలోనూ ఆమె చెస్ అంబాసిడర్‌గా భారత ప్రభుత్వంచే స్పాన్సర్ చేయబడింది. ఆమె పర్యటనలలో అప్పటి కమ్యూనిస్ట్ దేశాలైన పోలాండ్, యుఎస్‌ఎస్‌ఆర్, యుగోస్లేవియా పర్యటనలు కూడా ఉన్నాయి. వీటిని ఆ సమయంలో ప్రధాని ఇందిరా గాంధీ ప్రోత్సహించింది.
వార్తాపత్రిక వృత్తి[మార్చు]
1993లో రోహిణి ఖాదిల్కర్ చెస్ నుండి రిటైర్ అయ్యి ప్రింటింగ్ టెక్నాలజీ ఇనిస్టిట్యూట్‌లో విద్యార్థిగా చేరింది. ఇందులో గోల్డ్ మెడల్ సంపాదించింది. అగ్ఫా-గేవార్ట్(Agfa-Gevaert) ద్వారా ప్రింటింగ్ డిప్లొమా పొందింది.[3]
ఆమె మహారాష్ట్రలో సాయంత్రం వార్తాపత్రికకు మొదటి మహిళా సంపాదకురాలు. ఆమె నవ కాల్ వార్తాపత్రికకు సహాయ సంపాదకురాలు కూడా. 1998 డిసెంబర్ 16 నుండి సంధ్యాకాల్(Sandhyakal ) పత్రికకు సంపాదకురాలు.
గుర్తింపు[మార్చు]
1977లో చదరంగంలో అత్యుత్తమ ప్రతిభ కనబరిచినందుకు ఆమె ఛత్రపతి అవార్డును గెలుచుకుంది. ఆ తరువాత ఆమెకు క్రీడలలో భారతదేశపు అత్యున్నత పురస్కారం అర్జున అవార్డు లభించింది. ఆమె చదరంగంలో రాణించడంతో మహారాష్ట్ర కన్య(Maharashtra Kanya) గా కూడా ప్రకటించబడింది.[3]
మూలాలు[మార్చు]
- ↑ Khadilkar, Rohini FIDE rating history, 1979-2001 at OlimpBase.org
- ↑ Menon, Ajay (3 June 2012). "Anand's win fires former chess whiz from Girgaon". Hindustan Times. Mumbai. Archived from the original on 8 August 2014. Retrieved 5 August 2014.
- ↑ 3.0 3.1 3.2 "Cornered Sports: At The Age Of 13, This Indian Was The First Female In The World To Compete In The Men's Chess Championship". Cornered Zone (in అమెరికన్ ఇంగ్లీష్). Retrieved 2016-04-06.
- ↑ Menon, Ajay (3 June 2012). "Anand's win fires former chess whiz from Girgaon". Hindustan Times. Mumbai. Archived from the original on 8 August 2014. Retrieved 5 August 2014.
- ↑ "Senior journalist Nilkanth Khadilkar dies at 86". 22 November 2019.
- ↑ "Checkmating him". The Hindu. 2001-08-03. Retrieved 2016-04-06.[dead link]