అనోనేసి

? అనోనేసి
Annona squamosa fruit
శాస్త్రీయ వర్గీకరణ
సామ్రాజ్యము: ప్లాంటే విభాగము: Magnoliophyta తరగతి: Magnoliopsida వర్గము: Magnoliales కుటుంబము: అనోనేసి Juss.
ప్రజాతులు
See text

అనోనేసి (Annonaceae) కుటుంబంలో దాదాపు 80 ప్రజాతులకు చెందిన 820 జాతుల మొక్కలు ఉన్నాయి. దీనికి ఈ పేరు అనోనా (Annona) ప్రజాతి మూలంగా వచ్చినది. ఇవి ప్రధానంగా ఉష్ణమండల ప్రాంతాలలో వ్యాప్తిచెంది ఉన్నాయి. భారతదేశంలో దాదాపు 129 జాతులను గుర్తించారు.

కుటుంబ లక్షణాలు

• వృక్షాలు లేదా పొదలు, కొన్ని ఎగబ్రాకే పొదలు, కలప గ్రంధి భరితం.
• లఘుపత్రాలు, ఏకాంతరము, పుచ్ఛరహితము.
• ఒంటరి పుష్పాలు, త్రిభాగయుతము, అర్థచక్రీయము.
• పొడవైన, శంఖువంటి పుష్పాసనము.
• కేసరములు, ఫలదళములు అనేకము, అసంయుక్తము, సర్పిలాకారంగా అమరి ఉంటాయి.
• సంకలితఫలము, చిరుఫలము, మృదుఫలము.
• రూమినేట్ అంకురచ్ఛదము.

ముఖ్యమైన మొక్కలు

• అనోనా స్క్వామోజా - (సీతాఫలం)
• అనోనా రెటిక్యులేటా - (రామాఫలం)
• అనోనా మ్యూరికేటా - (లక్ష్మణఫలం)
• ఆర్టాబోట్రిస్ అన్సినేటస్ - (తీగ సంపెంగ)
• కెనంగా ఒడోరేటా - (చెట్టు సంపెంగ)
• పాలియాల్థియా లాంగిఫోలియా - (నరమామిడి)

మూలాలు

• బి.ఆర్.సి.మూర్తి: వృక్షశాస్త్రము, శ్రీ వికాస్ పబ్లికేషన్స్, 2005.