బొడ్డు బాపిరాజు
బొడ్డు బాపిరాజు పశ్చిమ గోదావరి జిల్లా, ఏలూరు పట్టణానికి చెందిన కవి, రచయిత. ఇతడు 1912లో జన్మించాడు. ఇతని తండ్రి పేరు బొడ్డు వేంకట వేంకటసుబ్బారాయుడు. ఇతడు గరికపాటి మల్లావధాని వద్ద సంస్కృతాంధ్రాలలో కావ్యాలు, వ్యాకరణము అభ్యసించాడు.[1]
అవధానము[మార్చు]
ఇతడు 1932, నవంబర్ 18వ తేదీన ఏలూరు ఆదివారపు పేటలో ఒక అష్టావధానాన్ని తన 20వ యేట విజయవంతంగా నిర్వహించాడు.[1] ఈ అవధానంలో వర్ణన, సమస్య, పుష్పగణనము, చతురంగ ఖేలనము, దత్తపది, సంభాషణము, వ్యస్తాక్షరి, ఆకాశపురాణము అనే ఎనిమిది అంశాలు ఉన్నాయి. ఈ అవధానంలో పృచ్ఛకులుగా శతావధానులు వేలూరి శివరామశాస్త్రి, దోమా వేంకటస్వామిగుప్త, కాకర్ల కొండలరావు, హరి రామలింగశాస్త్రి, అష్టావధానులు గరికపాటి మల్లావధాని, కొత్తపల్లి సుందరరామయ్య పాల్గొన్నారు. ఈ అవధానానికి చెళ్లపిళ్ల వెంకటశాస్త్రి అధ్యక్షునిగా వ్యవహరించాడు.
ఈ అవధానంలో ఇతడు పూరించిన సమస్య: నువ్వులు నానిపోవుటకు నూరు యుగమ్ముల కాలమయ్యెడిన్
పూరణ:
పువ్వులఁగోయు నన్నిపుడు పొంతకు రమ్మనఁబేరులేదె? ఓ
నువ్విట కేగుదెమ్ము వడి నువ్వని నువ్వని మాటిమాటికిన్
నవ్వుచుఁ బల్కకుండినను నాతిరొ! నువ్వని పిల్తువింక నీ
నువ్వులు నానిపోవుటకు నూరు యుగమ్ముల కాలమయ్యెడిన్
రచనలు[మార్చు]
- శ్రీ చందనము (ఖండకావ్యము)
- కలిక[2] (కథా సంపుటి)
- విపంచి (ఖండకావ్యము)
- కాత్యాయిని (బాల గేయసంపుటి)
- కాక విలాసము (పద్యకృతి)
- భక్తలోల శతకము
- గోవు
కథలు[మార్చు]
- ఆదెమ్మపిన్ని గేదె[3]
- ఏకోదరులు[4]
- కలసిన సంబంధం
- గాలివాలు[5]
- గురువాక్యము
- దయ్యాన్ని...
- ధనమూలమ్
- పన్నీటి ఊట కన్నీటి బాట[6]
- పరిశోధన
- ప్రతిజ్ఞా పాలనము
- ప్రతిధ్వని
- ప్రేమ పవిత్రత
- ప్రేమదేవత నవ్వింది[7]
- ఫోటో గడిబిడి
- రెవికలగుడ్డ
- వ్రతం చెడ్డా...[8]
- శాస్తి
- అతీతం
- దొంగదయ్యాలు
- విధి
- కిటికీ రెక్కలు
- పరీక్ష
- నిష్కృతి
- చిల్లిచెంబు
- పుణ్యాత్ములు మొదలైనవి
మరణము[మార్చు]
ఇతడు 1972లో పశ్చిమ గోదావరి జిల్లా భీమవరంలో తనకు జరుగుతున్న ఒక సన్మానసభలో పరవశంతో ప్రసంగిస్తూ అలాగే చనిపోయాడు[1].
ఇవి కూడా చూడండి[మార్చు]
మూలాలు[మార్చు]
- ↑ 1.0 1.1 1.2 రాపాక, ఏకాంబరాచార్యులు (2016). "అవధాన విద్యాధరులు". అవధాన విద్యాసర్వస్వము (ప్రథమ ed.). హైదరాబాదు: రాపాక రుక్మిణి. pp. 266–268.
- ↑ "భారతి మాసపత్రిక జనవరి 1938 సంచిక పేజీలు 88-89". Archived from the original on 2016-03-05. Retrieved 2015-05-03.
- ↑ బొడ్డు బాపిరాజు (1955-10-05). "ఆదెమ్మ పిన్ని గేదె". ఆంధ్ర వారపత్రిక: 12–17. Archived from the original on 10 మార్చి 2016. Retrieved 3 May 2015.
- ↑ బొడ్డు బాపిరాజు (1 November 1937). "ఏకోదరులు". ఆంధ్రభూమి మాసపత్రిక: 172–176. Retrieved 12 January 2022.
- ↑ బొడ్డు బాపిరాజు (1953-06-03). "గాలివాలు". ఆంధ్రవార పత్రిక. 45 (40): 10–11, 55–56. Archived from the original on 5 మార్చి 2016. Retrieved 3 May 2015.
- ↑ బొడ్డు బాపిరాజు (1968-04-26). "పన్నీటి ఊట కన్నీటి బాట". ఆంధ్ర సచిత్రవారపత్రిక. 60 (33): 16–22. Archived from the original on 5 మార్చి 2016. Retrieved 3 May 2015.
- ↑ బొడ్డు బాపిరాజు (1953-07-08). "ప్రేమదేవత నవ్వింది". ఆంధ్ర సచిత్రవారపత్రిక. 45 (45): 6–8, 53. Archived from the original on 5 మార్చి 2016. Retrieved 3 May 2015.
- ↑ బొడ్డు బాపిరాజు (1955-11-23). "వ్రతం చెడ్డా". ఆంధ్ర వారపత్రిక. 49 (12): 33–39. Archived from the original on 5 మార్చి 2016. Retrieved 3 May 2015.