కాండం
వికీపీడియా నుండి
(మాను నుండి దారిమార్పు చెందింది)
మొక్కలో వాయుగతంగా పెరిగే వ్యవస్థను 'ప్రకాండ వ్యవస్థ' (Shoot system) అంటారు. ఇది ప్రధమాక్షం (Plumule) నుంచి ఉద్భవిస్తుంది. ప్రకాండ వ్యవస్థ అక్షాన్ని 'కాండం' (ఆంగ్లం: Stem) అంటారు. పత్రాలు, మొగ్గలు, పుష్పాలు వంటి ఉపాంగాలు కాండం మీద లేదా శాఖల మీద ఉద్భవిస్తాయి.
విషయ సూచిక |
లక్షణాలు [మార్చు]
- కాండం ప్రకాండవ్యవస్థలో నిటారుగా పెరిగే అక్షం.
- కాండం చివరలో ఉండే కొన మొగ్గ (terminal bud) కాండం నిలువు పెరుగుదలను నియంత్రిస్తుంది.
- కాండం కణుపులు (nodes), కణుపు మధ్యమాలు (internodes) గా విభేదన చెంది ఉంటుంది.
- కాండం మీద పత్రాలు కణుపుల నుంచి ఏర్పడతాయి. పత్రానికి, కాండానికి మధ్య ఉండే పై కోణాన్ని గ్రీవం (Axil) అంటారు. గ్రీవంలో ఏర్పడే గ్రీవపు మొగ్గలు శాఖలను ఉత్పత్తి చేస్తాయి.
- సాధారణంగా లేత కాండం ఆకుపచ్చగాను, ముదిరిన కాండం గోధుమవర్ణంలోను ఉంటాయి.
విధులు [మార్చు]
- కాండం పత్రాలన్నింటికి సూర్యరశ్మి తగిలేటట్లుగా విస్తరింపచేయడంలో సహాయపడుతుంది.
- పేళ్ళు భూమినుంచి గ్రహించిన నీటిని, లవణాలను పత్రాలకు అందజేయడం, పత్రాలలో తయారైన ఆహారపదార్ధాలను మొక్కలోని ఇతర భాగాలకు అందించడంలో ప్రధానపాత్ర వహిస్తుంది.
కాండం రూపాంతరాలు [మార్చు]
కాండం వాతావరణానికి అనుగుణంగా సాధారణ విధులతో పాటు కొన్ని ప్రత్యేక విధులను నిర్వర్తించడానికి రూపాంతరం చెందుతుంది. ఇలాంటి శాశ్వతమార్పులను 'కాండ రూపాంతరాలు' అంటారు. ఉనికిని బట్టి కాండం రూపాంతరాలు మూడు రకాలు.
వాయుగత కాండ రూపాంతరాలు [మార్చు]
- నులితీగలు (Tendrils)
- ముళ్ళు (Thorns)
- కొక్కేలు (Hooks)
- పత్రభకాండాలు (Phylloclades)
- దుంపవంటి కాండాలు (Tuberous stems)
- లఘులశునాలు (Bulbils)
ఉపవాయుగత కాండ రూపాంతరాలు [మార్చు]
- రన్నర్లు (Runners)
- స్టోలన్లు (Stolons)
- పిలకమొక్కలు (Suckers)
- ఆఫ్ సెట్లు (Offsets)
భూగర్భ కాండ రూపాంతరాలు [మార్చు]
- కొమ్ము (Rhizome)
- కందం (Corm)
- దుంప కాండం (Stem Tuber)
- లశునం (Bulb)
మాను [మార్చు]
మాను (Trunk) అంటే భూమి పైభాగాన, కొమ్మలకు క్రింది భాగాన ఉన్న కనిపించే చెట్టు లేదా వృక్షపు కాండంలోని మొదటి భాగం.[1] మాను పైభాగాన బెరడుతో కప్పబడి వుంటుంది.[2] వృక్షం యొక్క మాను నుండే ప్రధానమైన కలప తయారౌతుంది.
పాటలు [మార్చు]
* మాను మాకును కాను రాయీ రప్పను కానే కాను మామూలు మనిషిని నేను
మూలాలు [మార్చు]
- ↑ "trunk". http://www.thefreedictionary.com/: The Free Online Dictionary. Retrieved 2011-04-30. "The main woody axis of a tree."
- ↑ "trunk". http://www.thefreedictionary.com/: The Free Online Dictionary. Retrieved 2011-04-30. "The tough outer covering of the woody stems and roots of trees, shrubs, and other woody plants. It includes all tissues outside the vascular cambium."
|
||||||||||||||||||||||||||
