అంజాద్ సాబ్రి

వికీపీడియా నుండి
Jump to navigation Jump to search
అంజాద్ ఫరీద్ సాబ్రి
జననంఅంజాద్ ఫరీద్ సాబ్రి
(1970-12-23) 1970 డిసెంబరు 23 [1]
పాకిస్తాన్
మరణం2016 జూన్ 22 (2016-06-22)(వయసు 45)[1]
లియాఖతాబాద్ పట్టణం, కరాచీ, పాకిస్తాన్
వృత్తిఖవ్వాలీ గాయకుడు, సంగీత కారుడు
తల్లిదండ్రులుగులాం ఫరీద్ సాబ్రి (తండ్రి)
బంధువులుమఖ్బూల్ అహ్మద్ సాబ్రి (బాబాయి)
Musical career
రంగంసూఫీ సంగీతం
వాయిద్యాలు
  • గాత్రం
  • హార్మోనియం
సంబంధిత చర్యలు
  • సాబ్రి సోదరులు
వెబ్‌సైటుOfficial website

అంజాద్ ఫరీద్ సాబ్రి (23 డిసెంబర్ 1970 – 22 జూన్ 2016) పాకిస్తానీ ఖవ్వాలీ సూఫీ గాయకుడు. సాబ్రి సోదరులు అన్న సూఫీ సంగీత బృందంలోని సభ్యుడైన గులాం ఫరీద్ సాబ్రి కుమారుడు. అంజాద్ సంగీత రంగంలోకి 12వ యేటనే అడుగుపెట్టి తండ్రితోపాటు ప్రదర్శనలు చేయడం ప్రారంభించారు. తన కెరీర్ లో, సాబ్రీ దక్షిణాసియాకు చెందిన అత్యంత ప్రాధాన్యత కలిగిన ఖవ్వాలీ కళాకారునిగా ఆవిర్బవించారు. ఆయన తరచుగా తన తండ్రి, తండ్రి సోదరుల ఖవ్వాలీ గీతాలను వినిపిస్తూండేవారు.[2] జూన్ 22, 2016న ఓ వ్యక్తి ఆయన లక్ష్యంగా చేసిన ఉగ్రవాద దాడిలో మరణించారు. అంజాద్ పాకిస్తానీ తాలిబాన్ గ్రూపు ఆయన హత్యను తామే చేశామని ప్రకటిస్తూ అందుకు దైవదూషణ కారణమని ఆరోపించింది.[3]

జీవితం[మార్చు]

23 డిసెంబరు 1970న జన్మించిన అంజాద్ తన 9వ యేట తండ్రి వద్ద ఖవ్వాలీ సంగీతాన్ని నేర్చుకోవడం ప్రారంభించారు. 1988లో తన 12వ ఏట వేదికపైన ప్రదర్శన చేయడం ప్రారంభించారు. భారత ఉపఖండంలోకెల్లా ప్రఖ్యాత ఖవ్వాలీ సంగీతకారునిగా పేరొందారు.

హత్య[మార్చు]

22 జూన్ 2016న అంజాద్ సాబ్రీని సాయుధులైన ఇద్దరు వ్యక్తులు మోటారు సైకిల్ పై వచ్చి ఆయన లియాఖతాబాద్ పట్టణానికి ప్రయాణిస్తూండగా దాడిచేశారు. మోటారుసైక్లిస్టులు కాల్పులు ప్రారంభిండంతో సాబ్రి, ఆయన వద్ద పనిచేసే వ్యక్తి, ఆయన డ్రైవర్ తీవ్రంగా గాయపడ్డారు. సాబ్రిని తలపై రెండుసార్లు, చెవిపై మరోసారి కాల్చారు.[4][5] సాబ్రి సహా ముగ్గురు బాధితులను అబ్బాసీ షహీద్ ఆసుపత్రికి తరలించారు.[6] ఆపైన కొద్దిసేపటికే సాబ్రి మరణించారు.

ప్రతిస్పందన[మార్చు]

టెలివిజన్, సామాజిక మాధ్యమాల ద్వారా పలువురు ఆయన హత్యపై ప్రతిస్పందించారు. ఇమ్రాన్ ఖాన్ ట్వీట్ చేస్తూ - ప్రముఖ ఖవ్వాల్ అంజాద్ సాబ్రి, అతని సహచరులను కరాచీలో హత్యచేయడం దిగ్భ్రాంతికి గురించేసింది. ఇది శాంతి భద్రతలు, ఆదేశాల అమలు విషయంలో ప్రభుత్వం పూర్తిస్థాయి వైఫల్యానికి ఫలితం అన్నారు. డాక్టర్ తాహిర్ ఉల్-ఖాద్రీ మాట్లాడుతూ అంజాద్ సాబ్రిపై జరిగిన ఉగ్రవాద దాడిని తీవ్రంగా ఖండిస్తున్నాను. నా హృదయం బాధాతప్తులైన ఆయన కుటుంబంతో ఉంది అన్నారు. ఫఖార్-ఎ-ఆలం ఈ ఘటనపై స్పందిస్తూ అంజాద్ సాబ్రి తనకు, తన కుటుంబానికి రక్షణ కావాలని దరఖాస్తు చేసుకున్నా హోం శాఖ స్పందించలేదని ఆరోపించారు.[7] సమా టీవీ ప్రకారం లక్షలాది ప్రజలు సాబ్రి అంత్యక్రియలకు హాజరయ్యారు [8]

మూలాలు[మార్చు]

  1. 1.0 1.1 అంజాద్ ఫరీద్ సాబ్రి
  2. Ali, Dawn.com | Imtiaz (2016-06-22). "Famed qawwal Amjad Sabri gunned down in Karachi". Retrieved 2016-06-23. Cite web requires |website= (help)
  3. "They killed him - The Express Tribune" (ఆంగ్లం లో). 2016-06-22. Retrieved 2016-06-23. Cite web requires |website= (help)
  4. Khan, Faraz (2015-05-03). "Amjad Sabri shot dead in Karachi - The Express Tribune". Tribune.com.pk. Retrieved 2016-06-23. Cite web requires |website= (help)
  5. "Renowned Pakistani singer Qawwal Amjad Sabri shot dead in Karachi". Firstpost. 2015-07-29. Retrieved 2016-06-23. Cite web requires |website= (help)
  6. "Renowned qawwali singer Amjad Sabri killed in Karachi gun attack: hospital sources". Dunya News. Retrieved 22 June 2016. Cite news requires |newspaper= (help)
  7. Desk, Entertainment (2015-05-03). "Nation mourns Amjad Sabri's death - The Express Tribune". Tribune.com.pk. Retrieved 2016-06-23. Cite web requires |website= (help)
  8. "Amjad Sabri laid to rest amid sobs, tears". Samaa TV.

బయటి లంకెలు[మార్చు]