రక్షణ

రక్షణ (1993 తెలుగు సినిమా)
దర్శకత్వం	ఉప్పలపాటి నారాయణరావు
నిర్మాణం	అక్కినేణి వెంకట్
కథ	ఉప్పలపాటి నారాయణరావు అక్కినేణి వెంకట్
చిత్రానువాదం	ఉప్పలపాటి నారాయణరావు అక్కినేని వెంకట్
తారాగణం	అక్కినేని నాగార్జున , శోభన
సంగీతం	ఎం.ఎం.కీరవాణి
సంభాషణలు	పోసాని కృష్ణ మురళి
ఛాయాగ్రహణం	తేజ
కూర్పు	శంకర్
నిర్మాణ సంస్థ	అన్నపూర్ణ స్టూడియోస్
భాష	తెలుగు

రక్షణ పోలీసు నేపథ్యం ఆధారంగా 1993 లో వచ్చిన తెలుగు యాక్షన్ చిత్రం. అన్నపూర్ణ స్టూడియోస్ బ్యానర్‌లో అక్కినేని వెంకట్ నిర్మించి, ఉప్పలపాటి నారాయణరావు దర్శకత్వం వహించిన సినిమా ఇది. ఇందులో అక్కినేని నాగార్జున, శోభన ప్రధాన పాత్రల్లో నటించారు. సంగీతం ఎంఎం కీరవాణి. ఈ చిత్రం బాక్సాఫీస్ వద్ద యావరేజ్ గా ఆడింది.

కథ

విశాఖపట్నంలో ఎసిపిగా పనిచేస్తున్న బోస్ ( అక్కినేని నాగార్జున ) హైదరాబాద్ వస్తాడు. అతను తన స్నేహితుడు ( నాసర్ ) తో కలిసి ఉంటాడు. తన ధర్మబద్ధమైన కానీ ఆవేశపూరిత చర్యలకు ప్రసిద్ధి. అతని స్నేహితుడు దాని గురించి ఆందోళన చెందుతాడు. అండర్వరల్డ్ డాన్ సోదరులైన చిన్నా ( సలీం ఘౌస్ ), నల్ల శ్రీను ( కోట శ్రీనివాసరావు ) లను అడ్డుకోడానికి బోస్ ప్రయత్నిస్తాడు. చిన్నాను బోస్ అరెస్టు చేస్తాడు. అందుకతడు ప్రతీకారం తీర్చుకోవాలనుకుంటాడు ఇంతలో, పద్మ ( శోభన ) బోస్‌తో ప్రేమలో పడతుంది. వారు పెళ్ళి చేసుకుంటారు. ఒక కుమార్తె కలుగుతుంది. నల్ల శ్రీను పార్టీ అధ్యక్షుడవుతాడు. బోసు, అతని స్నేహితుడూ చిన్న, నల్ల శ్రీనుల పథకాలను అంతం చేయడానికీ వారి నేరాలను ఆపడానికీ ప్రయత్నిస్తారు. బోస్ ను కిడ్నాప్ చేసే ప్రయత్నంలో ఉండగా చిన్నా బోస్ స్నేహితుడిని చంపేస్తాడు. చివరికి, చిన్నా బోస్ కుమార్తెను కిడ్నాప్ చేస్తాడు. బోస్ తన కుమార్తెను ఎలా కాపాడుకుంటాడు, విలన్లను ఎలా అంతం చేస్తాడు అనేది మిగిలిన కథ.

తారాగణం

• బోసుగా అక్కినేని నాగార్జున
• శోభన
• చిన్నాగా సలీం ఘౌస్
• నల్ల శ్రీనుగా కోట శ్రీనిఉవాసరావు
• బోసు స్నేహితుడుగానాజర్
• బ్రహ్మానందం
• జె.డి.చక్రవర్తి
• ఎం. బాలయ్య
• బెనర్జీ
• నిర్మలమ్మ
• కాదంబరి కిరణ్ కుమార్
• అనంత్
• రోజా సెల్వమణి
• ప్రభు దేవా
• సిల్క్ స్మిత

పాటలు

ఈ చిత్ర పాటలకు ఎంఎం కీరవాణి సంగీతం సమకూర్చాడు. ఆకాష్ ఆడియో కంపెనీ సంగీతాన్ని విడుదల చేసింది.

సంఖ్య.	పాట	గాయనీ గాయకులు	నిడివి
1.	"గుప్పు గుప్పు"	ఎస్.పి.బాలసుబ్రహ్మణ్యం, కె.ఎస్.చిత్ర	4:30
2.	"కన్నెపాపా అందుకో"	ఎస్.పి.బాలసుబ్రహ్మణ్యం, కె.ఎస్.చిత్ర	5:21
3.	"ఘల్లుమంది"	ఎస్.పి.బాలసుబ్రహ్మణ్యం, కె.ఎస్.చిత్ర	4:54
4.	"ఏ జన్మదో"	కీరవాణి, కె.ఎస్.చిత్ర	6:10
5.	"నీకు నాకు"	మాల్గాడి శుభ	4:18
మొత్తం నిడివి:			25:13