అల్లంరాజు ఉషారాణి
అల్లంరాజు ఉషారాణి | |
|---|---|
 అల్లంరాజు ఉషారాణి చిత్రం | |
| జననం | అల్లంరాజు ఉషారాణి జూలై 2 1958 |
| ఇతర పేర్లు | అల్లంరాజు ఉషారాణి |
| విద్య | బి.యస్సీ, ఎం.ఎ (ఇంగ్లీషు) |
| విద్యాసంస్థ | ఆంధ్రవిశ్వవిద్యాలయం |
| వృత్తి | విజయవాడ ఆకాశవాణి కేంద్రం ప్రోగ్రాం ఎగ్జిక్యూటివ్ |
| సుపరిచితుడు/ సుపరిచితురాలు | ఆకాశవాణి ప్రోగ్రాం ఎగ్జిక్యూటివ్ |
| జీవిత భాగస్వామి | అల్లంరాజు వెంకటరావు |
| తల్లిదండ్రులు | సూకూరు రాధాదేవి, హనుమంతరావు |
అల్లంరాజు ఉషారాణి ఆకాశవాణి ప్రోగ్రాం ఎగ్జిక్యూటివ్.[1]
జీవిత విశేషాలు[మార్చు]
ఆమె తూర్పు గోదావరి జిల్లా లోని కాకినాడ లో సూకూరు రాధాదేవి, హనుమంతరావు దంపతులకు మూడవ సంతానంగా జూలై 2 1958 న జన్మించారు. ఆమె అక్క మీనాక్షి, అన్నయ్య సూకూరు రామారావు. కానీ ఉషారాణి పెంపకానికి వెళ్ళి సూకూరు లక్ష్మీబాయి, ఎస్.ఎల్.నరసింహం గార్ల మూడవ కుమార్తెగా పెరిగి వారివద్దే విద్యాబుఇద్ధులు నేర్చారు. వారి పెద్దక్క మొసలికంటి రాదామోహన్. రెండవ అక్క శ్రీమతి ఘనగం ప్రేమప్యారీ.
ఉషారాణి చిన్ననాటనుండే నాట్యశిక్షణ సత్యనారాయణరావు గారి వద్ద అభ్యసించి కాకినాడలోనే కాక పలు నగరాలలో జంషెడ్ పూర్ లో ప్రదర్శనలిచ్చారు. బి.ఎస్సీ ప్యాసయ్యి పి.ఆర్.కళాశాలలో[2] పి.జి.సెంటర్ నుండి ఎం.ఏ.ఇంగ్లీష్ లో ఆంధ్రవిశ్వవిద్యాలయం నుండి గోల్డు మెడల్ సాధించారు. 1983 లో మద్రాస్ స్టాఫ్ సెలక్షన్ కమీషన్ ద్వారా ఎంపికై ఆకాశవాణి కడపకేంద్రంలో ట్రాన్స్ మిషన్ ఎక్సిక్యూటివ్ గా చేరారు. అనంతరం విజయవాడ ఆకాశవాణి కేంద్రానికి బదిలీపై వెళ్ళారు. క్రియశీలక అధికారిగా మంచి పేరు పొందారు.
1985 జనవరి 26 న వీరి వివాహం ప్రముఖ కవి,రచయిత సుధామ గా పేరొందిన అల్లంరాజు వెంకటరావు గారితో జరిగింది.సుధామ ఆకాశవాణి హైదరాబాద్ కేద్రంలో పనిచేస్తూవుండడంతో నాటి ఆకాశవాణి హైదరాబాద్ కేంద్రం స్టేషన్ డైరెక్టర్ లీలాబవుడేకర్ విజయవాడ డైరెక్టర్ పి.ఆర్.రెడ్డి గారిని ఆదేశించి ఉషారాణి ని హైదారాబాద్ కేంద్రానికి బదిలీ చేయించారు . అటుపై ఉషారాణి 1990 లో యూనియన్ పబ్లిక్ సర్వీస్ కమీషన్ ద్వారా ప్రోగ్రాంఎక్సిక్యూటివ్ గా తెలుగువారిలో ప్రధములుగా ఎంపికై విజయవాడ ఆకాశవాణి కేంద్రం స్త్రీలు పిల్లల కార్యక్రమాల విభాగ అధిపతిగా నియమితులయ్యారు.