అల్వాల్ చెరువు

అల్వాల్ చెరువు
అల్వాల్ చెరువు
ప్రదేశం	హైదరాబాద్, తెలంగాణ
అక్షాంశ,రేఖాంశాలు	17°30′28″N 78°30′41″E
రకం	జలాశయం
ప్రవహించే దేశాలు	భారతదేశం
ప్రాంతాలు	సికింద్రాబాదు, హైదరాబాద్

అల్వాల్ చెరువు తెలంగాణ రాష్ట్ర రాజధాని హైదరాబాదులో ఉన్న చెరువు. సికింద్రాబాదుకు 6 కిలోమీటర్ల దూరంలో ఉన్న ఈ చెరువు, పర్యాటకులను ఎంతగానో ఆకర్షిస్తుంది.

ప్రదేశం

ఈ చెరువు అల్వాల్ ముఖ్యప్రాంతంలో సికింద్రాబాద్-ముంబై రైల్వే ట్రాక్ దగ్గరలో ఉంది. ఈ రైల్వే ట్రాక్ నుండిగానీ, అల్వాల్ రైల్వే స్టేషన్ నుండిగానీ చూస్తే అందమైన అల్వాల్ చెరువు కనిపిస్తుంది. ఈ చెరువు పక్కన రహదారి కూడా ఉంది.

వాడకం

ఈ చెరువు వివిధ రకాలుగా ఉపయోగించబడుతుంది. దీని సమీపంలో చాలా పక్షులు, జంతువులు నివసిస్తుంటాయి. సాయంత్రం సమయంలో చాలామంది ఈ చెరువు దగ్గరికి వచ్చి ఆహ్లాదంగా గడిపి వెలుతుంటారు.

వినాయకచవితి సమయంలో వినాయకుడి విగ్రహాలను ఈ సరస్సులో నిమజ్జనం చేస్తారు. ఆ సందర్భంగా చెరువు సమీపంలో ఉన్న రహదారిలో అదనపు లైట్లు, అదనపు పోలీసులను ఏర్పాటుచేస్తారు.

ఇవి కూడా చూడండి

• హైదరాబాదు చెరువులు