అష్ట సోమేశ్వర క్షేత్రాలు

ద్రాక్షారామమునకు అష్టదిక్కులా ప్రతిష్ఠింపబడ్డ శివలింగాలను అష్ట సోమేశ్వరాలు లేదా అష్టలింగాలుగా వ్యవహరిస్తారు.

వ్యుత్పత్తీ, భాషావిశేషాలు

'అష్ట' అనగా ఎనిమిది. సోముడు అనగా చంద్రుడు. ఈశ్వరుడు అనగా శివుడు. చంద్రునిచే ప్రతిష్ఠింపబడ్డ లింగములను సోమేశ్వరములుగా పిలిచెదరు—సోమా+ఈశ్వరములు=సోమేశ్వరములు- గుణ సంధి.

పురాణం

పూర్వము సూర్యభగవానునిచే ద్రాక్షారామములో శివలింగము ప్రతిష్ఠించబడింది. దీని వలన ఆ ప్రాంతపు ఉష్ణోగ్రత పెరగసాగింది. ఈ ఉష్ణోగ్రతను అదుపు చేసేందుకు, చంద్రభగవానుడు, ద్రాక్షారామమునకు అష్టదిక్కులనా శివలింగాలను ప్రతిష్ఠించాడు. ఇవే అష్ట సోమేశ్వరాలు.

ప్రదేశాలు

తూర్పున కోలంక, పడమర వెంటూరు, దక్షిణాన కోటిపల్లి, ఉత్తరాన వెల్ల, ఆగ్నేయంలో దంగేరు, నైరుతిలో కోరుమిల్లి, వాయువ్యంలో సోమేశ్వరం, ఈశాన్యాన పెనుమాళ్ళ ప్రాంతాలలో ఈ అష్ట సోమేశ్వర ఆలయాలు ఉన్నాయి.

అష్ట సోమేశ్వరాలనూ, నవలింగాలనూ, వాటి స్థానాలనూ చూపిస్తూ, వాటి ప్రతిష్ఠాపనం వెనుక ఉన్న వృత్తాంతాన్ని వివరిస్తున్న ఫలకం. సోమేశ్వరంనందు శ్రీ బాలాత్రిపుర సుందరీ సమేత శ్రీ సోమేశ్వర స్వామి వారి దేవస్థానంలో ఉంది.

నమ్మకాలు

అష్టసోమేశ్వరములతో ద్రాక్షారామమును కలిపి నవలింగాలని పిలిచెదరు. ఈ తొమ్మిదింటినీ ఒకే దినమున దర్శించిన, పుణ్యఫలము కలుగునని నమ్మకము.

ఇవి కూడా చూడండి

• ద్రాక్షారామం
• శివుడు
• శివలింగం
• పంచారామాలు
• హిందూధర్మం
• అష్టదిక్కులు - దిక్పాలకులు - పట్టణాలు

మూలాలు

అష్ట సోమేశ్వరములు (ఫలకం). సోమేశ్వరమునందు శ్రీ బాలాత్రిపుర సుందరీ సమేత శ్రీ సోమేశ్వర స్వామి వారి దేవస్థానంలో. Retrieved 27 December 2022.

వెలుపలి లంకెలు

• అష్ట సోమేశ్వరముల విశేషాలు
• అష్ట సోమేశ్వరముల ప్రదేశాలు