ఆంగోత్ తుకారాం
 | |
| వ్యక్తిగత సమాచారం | |
|---|---|
| జననం | 21 డిసెంబర్ 1998 తక్కళ్లపల్లి తండా, యాచారం మండలం, రంగారెడ్డి జిల్లా, తెలంగాణ రాష్ట్రం, భారతదేశం. |
| జాతీయత |  భారతదేశం |
| వృత్తి జీవితం | |
| ప్రారంభ వయస్సు | 18 (2 జూన్‌ 2016) |
| గుర్తించదగిన ఆధిరోహణలు | కిలిమంజారో మంచు పర్వతం (2018), స్టాక్‌కాంగ్రీ పర్వతం (2017), మౌంట్ ఎవరెస్ట్ (2019) |
| చివరి అధిరోహణ | మౌంట్ కొస్కిస్జ్కో (2020) |
| కుటుంబం | |
| జీవిత భాగస్వామి | మానస నాయక్ |
| తల్లిదండ్రులు | అంగోత్‌ రాందాసు, జంకుల |
ఆంగోత్ తుకారాం పవార్ తెలంగాణ రాష్ట్రానికి చెందిన అంతర్జాతీయ పర్వతారోహకుడు. ఆయన 2019లో ఎవరెస్టు పర్వతాన్ని అధిరోహించాడు.[1] తుకారాం ఎవరెస్టు శిఖరంతో పాటు ఐదు ఖండాల్లోని అత్యున్నత శిఖరాలను అధిరోహించాడు.
జననం, విద్యాభాస్యం
[మార్చు]ఆంగోత్ తుకారాం తెలంగాణ రాష్ట్రం , రంగారెడ్డి జిల్లా, యాచారం మండలం, తక్కళ్లపల్లి తండాలో అంగోత్‌ రాందాసు, జంకుల దంపతులకు జన్మించాడు. ఆయన హైదరాబాద్ లోని నోబెల్ డిగ్రీ కళాశాల నుండి బిఏ (పొలిటికల్ సైన్స్) పూర్తి చేశాడు.
పర్వతారోహణ జీవితం
[మార్చు]ఆంగోత్ తుకారాం సికింద్రాబాద్‌లోని ఎన్సీసీ రెండో బెటాలియన్‌లో క్యాడెట్‌గా చేసి, 2015లో ఉత్తరకాశీలోని నెహ్రూ ఇన్‌స్టిట్యూట్‌ ఆఫ్‌ మౌంటనీరింగ్‌లో శిక్షణ పొందాడు.
- 2016 జూన్‌ 2న మొదటిసారి హిమాచల్‌ప్రదేశ్‌లోని 17,145 అడుగుల నార్భో పర్వతా న్ని ఎక్కి తెలంగాణ జెండాను ఎగురేసి, బతుకమ్మ ఆడి రాష్ట్ర ఖ్యాతిని చాటాడు.
- 2017 జూన్‌ 2న ఉత్తరాఖండ్‌లో 19,091 అడుగుల రుదుగైరా పర్వతాన్ని అధిరోహించాడు. పర్వతాన్ని అధిరోహించిన అనంతరం ఖాదీ వస్త్రాలను ధరించాలని ప్రజలకు సందేశాన్ని ఇచ్చాడు.
- 2017 జూలై 15న హిమాలయాల్లోని 20,187 అడుగుల స్టాక్‌కాంగ్రీ పర్వతాన్ని అధిరోహించాడు. పర్వతాన్ని అధిరోహించిన అనంతరం 19 ఫీట్ల భారత జాతీయ జెండాను ఎగురవేశాడు.
- 2018 జూలైలో సౌతాఫ్రికాలో 5,895 మీటర్ల కిలిమంజారో మంచు పర్వతాన్ని అధిరోహించాడు.పర్వతాన్ని అధిరోహించిన అనంతరం వాహనం నడిపేటప్పుడు హెల్మెట్ ధరించాలని ప్రజలకు సందేశాన్ని ఇచ్చాడు.[2]
- 2019 మే 2019లో మౌంట్ ఎవరెస్ట్ పర్వతాన్ని అధిరోహించాడు.[3][4]మౌంట్ ఎవరెస్ట్ శిఖరం అధిరోహించిన అనంతరం అంగోత్‌ తుకారాంను రాష్ట్రపతి రామ్‌నాథ్‌ గోవింద్, ఉపరాష్ట్రపతి వెంకయ్య నాయుడు అభినందించారు.[5]
- 10 మార్చ్ 2020లో ఆస్ట్రేలియాలోని మౌంట్ కొస్కిస్జ్కో అధిరోహించి శాంతి సందేశమిచ్చాడు.[6][7]
అవార్డ్స్
[మార్చు]ఆంగోత్ తుకారాం 2018లో ఉత్తమ క్రీడాకారుడిగా తెలంగాణ రాష్ట్ర ప్రభుత్వ అవార్డును అందుకున్నాడు.[8] ఆయన ఇలా పలు మంచు పర్వతాలు అధిరోహించినందుకుగాను లిమ్కా బుక్ అఫ్ రికార్డ్స్, ఇండియన్ రికార్డ్స్, హైరేంజ్‌ బుక్ ఆఫ్‌ వరల్డ్‌ రికార్డ్స్‌లో తన పేరు నమోదు చేసుకున్నాడు.[9]అంగోత్‌ తుకారాం సాక్షి మీడియా 2020 ఎక్స్‌లెన్స్‌ అవార్డుల కార్యక్రమంలో ‘జ్యూరీ స్పెషల్‌ రికగ్నిషన్‌’ (క్రీడలు – పురుషుల) అవార్డును తెలంగాణ గవర్నర్ తమిళిసై సౌందరరాజన్ చేతుల మీదుగా అందుకున్నాడు.[10]సాక్షి ఎక్సలెన్స్ అవార్డు అందుకున్న అనంతరం అంగోత్‌ తుకారాం విజయాల గురించి తెలుసుకొన్న ఆంధ్రప్రదేశ్ ముఖ్యమంత్రి వైఎస్ జగన్‌మోహన్‌రెడ్డి అతనికి ప్రోత్సహకంగా రూ. 35 లక్షల చెక్కును ఆంధ్రప్రదేశ్‌లోని తాడేపల్లిలో ఉన్న సీఎం క్యాంపు కార్యాలయంలో అతనికి అందజేశాడు.[11][12]
మూలాలు
[మార్చు]- ↑ The Hindu (13 July 2019). "Stories of courage" (in Indian English). Archived from the original on 27 September 2021. Retrieved 27 September 2021.
- ↑ Edex Live (12 October 2019). "Why 21-year-old Amgoth Tukaram braved hunger and extreme weather to scale Mt Everest to save nature" (in ఇంగ్లీష్). Archived from the original on 27 September 2021. Retrieved 27 September 2021.
- ↑ Sakshi (26 May 2019). "'ఎవరెస్టు'ను అధిరోహించిన గిరిజన తేజం". Archived from the original on 27 September 2021. Retrieved 27 September 2021.
- ↑ NDTV (14 July 2018). "Telangana Teen Scales Mt Kilimanjaro, Has A Special Message". Archived from the original on 27 September 2021. Retrieved 27 September 2021.
- ↑ ETV Bharat News (3 February 2021). "తెలంగాణ: తుకారాంకు రాష్ట్రపతి, ఉపరాష్ట్రపతి అభినందన". Archived from the original on 27 September 2021. Retrieved 27 September 2021.
- ↑ The New Indian Express (12 March 2020). "Telangana youngster scales Australia's highest peak Mount Kosciuszko". Archived from the original on 27 September 2021. Retrieved 27 September 2021.
- ↑ The Hindu (11 March 2020). "Hyderabad boy scales highest Oz peak" (in Indian English). Archived from the original on 27 September 2021. Retrieved 27 September 2021.
- ↑ TV9 Telugu (4 June 2019). "ఎవరెస్ట్ యోధుడికి గ్రాండ్ వెల్‌కమ్!". Archived from the original on 27 September 2021. Retrieved 27 September 2021.
{{cite news}}: CS1 maint: numeric names: authors list (link) - ↑ The Live Mirror (14 July 2018). "Indian Teenagers scale Mount Kilimanjaro to create awareness". Archived from the original on 27 September 2021. Retrieved 27 September 2021.
- ↑ Sakshi (25 September 2021). "Mountaineer Amgoth Tukaram: మట్టిలో మాణిక్యాలకు వెలుగు 'సాక్షి'". Archived from the original on 27 September 2021. Retrieved 27 September 2021.
- ↑ V6 Velugu (25 September 2021). "తెలంగాణ మౌంటెనీర్ కు జగన్ 35 లక్షల సాయం" (in ఇంగ్లీష్). Archived from the original on 27 September 2021. Retrieved 27 September 2021.
{{cite news}}: CS1 maint: numeric names: authors list (link) - ↑ Sakshi (27 September 2021). "తెలంగాణ పర్వతారోహకుడికి సీఎం జగన్ భారీ ఆర్థిక సహాయం". Sakshi. Archived from the original on 27 September 2021. Retrieved 27 September 2021.