ఆరికట్లవారిపాలెం

ఆరికట్లవారిపాలెం
ఆరికట్లవారిపాలెం
గ్రామం
	ఆరికట్లవారిపాలెం
	అక్షాంశ రేఖాంశాలు: 15°49′17.184″N 80°8′17.052″E / 15.82144000°N 80.13807000°E
దేశం	భారతదేశం
రాష్ట్రం	ఆంధ్రప్రదేశ్
జిల్లా	బాపట్ల
మండలం	జే.పంగులూరు
అదనపు జనాభాగణాంకాలు
• లింగ నిష్పత్తి	స్త్రీ పురుష జనాభా వివరాలు లేవు
ప్రాంతపు కోడ్	+91 ( 08593 )

ఆరికట్లవారిపాలెం బాపట్ల జిల్లా జే.పంగులూరు మండలానికి చెందిన రెవెన్యూయేతర గ్రామం.

గ్రామంలోని విద్యా సౌకర్యాలు

మండల పరిషత్తు ప్రాధమిక పాఠశాల

స్థానిక ఎస్.సి.కాలనీలోని ఈ 37వ నంబరు పాఠశాలకు ఇంకొంత స్థలం అవసరం కాగా, పాఠశాల ప్రక్కనే ఉన్న 3 సెంట్లస్థలం, పాఠశాల పూర్వ విద్యార్థులు వితరణతో సమకూరినది.
ఈ పాఠశాల శతసంవత్సర వేడుకలకు సిద్ధంగా ఉంది.

గ్రామ పంచాయతీ

2013, జూలైలో ఈ గ్రామ పంచాయతీకి నిర్వహించిన ఎన్నికలలో స్వయంపు ఆంజనేయులు, సర్పంచిగా ఎన్నికైనారు.
ఈ గ్రామ పంచాయతీ కార్యాలయ భవనం శిథిలమవడంతో, ఎన్.ఆర్.ఇ.జి.ఎస్.నిధులతో, ఒక నూతన భవన నిర్మాణం ప్రారంభించి 4 సంవత్సరలయినది. అయిననూ నిర్మాణం పూర్తి కాలేదు.

గ్రామములోని దర్శనీయ ప్రదేశములు/దేవాలయాలు

శ్రీ గంగా పార్వతీ సమేత శ్రీ అమరలింగేశ్వరస్వామివారి ఆలయం (శివాలయం)

గ్రామములో నూతనంగా ఈ ఆలయ నిర్మాణం చేపట్టడానికి 8 లక్షల విలువైన 40 సెంట్ల స్థలాన్ని ఇద్దరు దాతలు వితరణచేసారు. ఈ గ్రామానికి చెందిన కీ.శే.మాగులూరి సీతారామాంజనేయులు ఙాపకార్ధం, వారి సతీమణి కస్తూరి 20 సెంట్లు, కీ.శే.ఏలూరు సుబ్బారావు ఙాపకార్ధం వారి సతీమణి సీతారామమ్మ 20 సెంట్లు స్థలాన్ని అందజేసినారు. దాతల విరాళాలు 60 లక్షల రూపాయల అంచనా వ్యయంతో ఈ ఆలయ నిర్మాణం జరుగుచున్నది. ఆలయంతోపాటు పార్వతీదేవి అమ్మవారు, గణపతిమూర్తి, నవగ్రహ మండపాల నిర్మాణం చేపట్టినారు. ఆలయం చుట్టూ రక్షణ గోడ నిర్మాణం గూడా నిర్మించుచున్నారు. 2017, మార్చి-13వతేదీ సోమవారంనాడు, స్వామివారు, పరివార దేవతల ఆలయాలకు ప్రధాన ద్వారబంధాల ఏర్పాటు, ఋత్విక్కుల వేదమంత్రాల మధ్య, నిర్వహించారు. ఈ సందర్భంగా అన్నప్రసాద వితరణ నిర్వహించారు.

నవగ్రహ మండపం

ఈ గ్రామములో, దాత శ్రీ పుల్లెల సుబ్రహ్మణ్యం అందిన ఐదు లక్షల రూపాయల విరాళంతో నిర్మించనున్న ఈ మండప నిర్మాణానికి 2016, నవంబరు-9వ తేదీ బుధవారంనాడు భూమిపూజ నిర్వహించారు.

దాతల విరాళాలు 65 లక్షల రూపాయలతో ఈ ఆలయ నిర్మాణపనులు చురుకుగా జరుగుచున్నవి. పార్వతీదేవి అమ్మవారు, వినాయకస్వామి, నవగ్రహమండప నిర్మాణాలు జరుగుచున్నవి. 25 లక్షల రూపాయల అంచనా వ్యయంతో, స్వామివారి ఆలయానికి ముందు, గాలిగోపురం నిర్మించుచున్నారు.

గ్రామదేవత శ్రీ పోలేరమ్మ తల్లి ఆలయం

గ్రామదేవత శ్రీ పోలేరమ్మ తల్లి ఆలయం:- 2015, సెప్టెంబరు-8వ తేదీ శ్రావణ మంగళవారం సందర్భంగా, ఈ ఆలయంలోని అమ్మవారికి పాలపొంగళ్ళు పొంగించారు. మహిళలు పొంగలి ప్రసాదాలతో మేళతాళాలతో ఊరేగింపుగా గ్రామం నుండి ఆలయానికి చేరుకున్నారు. పసుపు, కుంకుమ, పొంగలి, నూతనవస్త్రాలు సమర్పించి మొక్కులు చెల్లించారు. శ్రావణమంగళవారం సందర్భంగా అమ్మవారిని ప్రత్యేకంగా అలకరించారు.

గ్రామంలో ప్రధాన పంటలు

వరి, అపరాలు, కూరగాయలు

గ్రామంలో ప్రధాన వృత్తులు

వ్యవసాయం, వ్యవసాయాధారిత వృత్తులు,

గ్రామ ప్రముఖులు

మగులురి.రమెష్

మూలాలు

వెలుపలి లింకులు