కాకతీయ సంచిక

కాకతీయుల చరిత్రను సప్రమాణికంగా తెలుగువారికి అందించే ఉద్దేశంతో ఆంధ్రేతిహాస పరిశోధక మండలి వారు ప్రచురించిన ప్రత్యేక సంచిక ఇది. ప్రముఖ చరిత్రకారులు మారేమండ రామారావు ఈ సంచికకు సంపాదకత్వం వహించారు.

రచన నేపథ్యం

కాకతీయ సంచికను మారేమండ రామారావు సంపాదకత్వంలో 1935లో ప్రచురించారు. తెలుగు సాహిత్యంలో, చరిత్రరంగంలో సుప్రఖ్యాతి పొందిన ఆంధ్రేతిహాస పరిశోధక మండలి వారు ఈ పుస్తకాన్ని ప్రచురించారు. సంపాదకమండలిలో రాళ్లబండి సుబ్బారావు, మారేమండ రామారావు, చిర్రావూరు ఆత్మారాం, టేకుమళ్ళ అచ్యుతరావు ఉన్నారు.

విషయాలు

కాకతీయ సామ్రాజ్యం గురించిన పలు విశేషాలు వివరాలు చారిత్రిక ప్రమాణ బుద్ధితో రచించి ఈ సంచికగా ప్రచురణ చేశారు. ఎన్నో శాసన, వాఙ్మయ ఆధారాలతో కాకతీయుల పాలన మొదలుకొని సాహిత్యం, ప్రజాజీవనం వరకూ ఎన్నో అంశాలపై 30 వ్యాసాలతో దీన్ని ముద్రించారు. చిత్రపటాలు, మాప్‌లతో కూడిన ఈ పుస్తకంలోని వ్యాసాలు పలువురు చారిత్రికులు రచించారు.

వ్యాసాలు

కాకతీయ సంచికలో ఈ క్రింది వ్యాసాలు ఉన్నాయి:

• కాకతీయుల చరిత్రము
• కాకతీయ రాజధాని ప్రశంస
• కాకతీయ రాజుల విజయ బిరుదప్రశస్తి
• ప్రతాపరుద్రుని కాలపు మఖ్తావనరు
• హనుమకొండ స్థానిక చరిత్ర
• విద్యానాథుని కాకతీయాన్వయ నిరూపణము
• కాకతీయ సామ్రాజ్యాంధ్ర వాఙ్మయము
• కాకతీయ ప్రోలరాజాదుల ప్రశంస
• కాకతీయుల నాటి సాంఘిక చరిత్ర
• ప్రతాపరుద్ర ప్రశస్తి, ప్రతాపరుద్రునిపై మహమ్మదీయుల దండయాత్ర
• కాకతీయుల ఆంధ్రభాషా సేవ
• కాకతీయ ప్రశంసా పంచరత్నములు
• కాకతీయుల రెడ్లు
• కాకతీయ రాజ్యము భౌతిక స్వరూపము
• కాకతీయులు - కళింగము
• రుద్రమ్మ
• కాకతీయ వంశము
• ప్రతాపరుద్రీయము
• ఓరుగల్లు చరిత్ర
• పాలుకురికి సోమనాథకవి
• కాకతీయనాణెములు
• కాకతీయుల - ద్రవిడ వాఙ్మయము
• గణపతి దేవ ప్రశంస
• కాకతీయుల నాటి సాంఘిక చరిత్ర
• వినుకొండ వల్లభరాయుని క్రీడాభిరామము
• ప్రతాపచరిత్రము
• కాకతీయుల చరిత్రము-విశేషాంశములు
• గద్వాల సంస్థానము
• కాకతీయ వర్ధంత్యుత్సవములు

వ్యాసకర్తలు

ఈ వ్యాసాలను పలువురు చరిత్రకారులు వ్రాశారు. వారి జాబితా ఇది:

• మారేమండ రామారావు
• ముదిగొండ వీరేశలింగశాస్త్రి
• బుర్రా శేషగిరిరావు
• ఒద్దిరాజు రాజేశ్వరరావు
• సింగిలి వెంకటేశ్వరరావు
• రుద్రరాజు నరసింహరాజు
• నిడదవోలు వెంకటరావు
• చాగంటి భాస్కరలింగం
• అంబడి సుబ్బరాయచెట్టి
• గొర్తి వెంకటరావు
• దూపాటి శేషాచార్యులు
• సాగి వెంకటనరసింహము