కారుమూరి వెంకట నాగేశ్వరరావు

వికీపీడియా నుండి
Jump to navigation Jump to search
కారుమూరి వెంకట నాగేశ్వరరావు
కారుమూరి వెంకట నాగేశ్వరరావు


శాసనసభ సభ్యుడు, తణుకు, ఆంధ్రప్రదేశ్
పదవీ కాలము
2019 – ప్రస్తుతం

శాసనసభ సభ్యుడు, తణుకు, ఆంధ్రప్రదేశ్
పదవీ కాలము
2009 – 2014

జనరల్ సెక్రటరీ
వై.ఎస్.ఆర్.కాంగ్రెస్ పార్టీ
పదవీ కాలము
2019 – ప్రస్తుతం

వ్యక్తిగత వివరాలు

జననం (1964-10-02) 1964 అక్టోబరు 2 (వయస్సు: 56  సంవత్సరాలు)
అత్తిలి, పశ్చిమ గోదావరి జిల్లా, ఆంధ్రప్రదేశ్, భారతదేశం
రాజకీయ పార్టీ వై.యస్.ఆర్.కాంగ్రెస్ పార్టీ
జీవిత భాగస్వామి కారుమూరి లక్ష్మీ కిరణ్ (1989- ప్రస్తుతం)
సంతానము కుమారుడు:సునీల్ కారుమూరి, కుమార్తె:దీపికా కారుమూరి
నివాసము తణుకు, ఆంధ్రప్రదేశ్, భారతదేశం
వృత్తి రాజకీయ నాయకుడు, వ్యాపారవేత్త
వెబ్‌సైటు karumurionline.com

కారుమూరి వెంకట నాగేశ్వరరావు (జ.1964 అక్టోబరు 2) యువజన శ్రామిక రైతు కాంగ్రెస్ పార్టీ చెందిన రాజకీయ నాయకుడు. అతను తణుకు శాసనసభ నియోజకవర్గం నుండి 2009 ఆంధ్రప్రదేశ్ శాసనసభ ఎన్నికలలో శాసనసభ్యునిగా ఎన్నికయ్యాడు.[1]

జీవిత విశేషాలు[మార్చు]

కారుమూరి నాగేశ్వర రావు పశ్చిమ గోదావరి జిల్లా అత్తిలిలో కారుమూరి రామకృష్ణ, సూర్యకాంతమ్మ దంపతులకు 1964 అక్టోబరు 2న జన్మించాడు. తన 18వ యేట అతను హైదరాబాదు వెళ్ళి వ్యాపారాలు ప్రారంభించాడు. అతనికి ఇద్దరు సోదరీమణులు, ఒక సోదరుడు ఉన్నారు. అతని సోదరుడు తణుకులో రసాయనశాస్త్ర ప్రొఫెసర్ గా పనిచేస్తున్నాడు. నాగేశ్వరరావు 1989లో లక్ష్మీకిరణ్ ను వివాహమాడాడు వారికి ఒక కుమార్తె, కుమారుడు ఉన్నారు.

రాజకీయ జీవితం[మార్చు]

అతను భారత జాతీయ కాంగ్రెస్ పార్టీలో తన రాజకీయ జీవితాన్ని ప్రారంభించారు, 2009 నుండి 2014 వరకు ఆంధ్రప్రదేశ్ కాంగ్రెస్ కమిటీ ప్రధాన కార్యదర్శిగా ఉన్నాడు. 2009 లో తొలిసారిగా ఎమ్మెల్యేగా ఎన్నికయ్యే ముందు పశ్చిమ గోదావరి జిల్లా పరిషత్ కు ఛైర్మన్ గా మూడు సంవత్సరాలు పనిచేశాడు.[2] 2007 లో యు ఎస్‌ లోని వెస్ట్‌బ్రూక్ విశ్వవిద్యాలయం సామాజిక సేవలో గౌరవ డాక్టరేట్‌ను ప్రదానం చేసింది.[3] 9 జూన్ 2013 న ఆంధ్రప్రదేశ్ కాంగ్రెస్ కమిటీ ప్రధాన కార్యదర్శిగా నియమితులయ్యాడు. వైయస్ఆర్ కాంగ్రెస్‌కు ప్రాతినిధ్యం వహిస్తున్న 2019 ఎన్నికలలో తనుకు నుండి ఎమ్మెల్యేగా రెండవసారి ఎన్నికయ్యాడు.

2009 ఆంధ్రప్రదేశ్ ఎన్నికలలో తణుకు శాసనసభ నియోజకవర్గం నుండి భారత జాతీయ కాంగ్రెస్ పార్టీ తరపున పోటీ చేసి సమీప తెలుగుదేశంపార్టీకి చెందిన ప్రత్యర్థి వై.టి రాజా పై 1451 ఓట్ల మెజారిటీ తో గెలుపొందాడు.[4] 2019 ఆంధ్రప్రదేశ్ శాసనసభ ఎన్నికలలొ వై.ఎస్.ఆర్ కాంగ్రెస్ పార్టీ తరపున పోటీ చేసి తెలుగుదేశం పార్టీ అరిమిల్లి రాధాకృష్ణ పై విజయం సాధించాడు.[5]

మూలాలు[మార్చు]

  1. "Member Profiles". Andhra Pradesh Legislative Assembly. Archived from the original on 14 March 2008. Retrieved 11 April 2010.
  2. "Karumuri takes oath as Zilla Parishad chief". The Hindu. 24 July 2006. Retrieved 15 April 2010.
  3. "Doctorate presentation". Westbrook University. Archived from the original on 2 జూన్ 2014. Retrieved 24 July 2012. Check date values in: |archive-date= (help)
  4. "Andhra Pradesh Assembly Election Results in 2009". Elections in India. Retrieved 2020-07-16.
  5. "Andhra Pradesh Assembly Election Results in 2019". Elections in India. Retrieved 2020-07-16.