కైలాషహర్
కైలాషహర్ | |
|---|---|
పట్టణం | |
  కైలాషహర్ భారతదేశంలోని త్రిపురలో ప్రాంతం ఉనికి  కైలాషహర్ కైలాషహర్ (India) | |
| Coordinates: 24°20′N 92°01′E / 24.33°N 92.02°E | |
| దేశం |  భారతదేశం |
| రాష్ట్రం | త్రిపుర |
| జిల్లా | ఉనకోటి |
| జనాభా (2015) | |
| • Total | 23,418 |
| భాషలు | |
| • అధికారిక | బెంగాళీ, కోక్బోరోక్, ఇంగ్లీష్ |
| Time zone | UTC+5:30 (భారత కాలమానం) |
| టెలిఫోన్ కోడ్ | 03824 |
| Vehicle registration | టిఆర్ |
| Website | www.kailashaharinfo.in |
కైలాషహర్, త్రిపుర రాష్ట్రంలోని ఉనకోటి జిల్లా ముఖ్య పట్టణం, ప్రధాన కార్యాలయం. ఇది బంగ్లాదేశ్ సరిహద్దులో ఉంది.
చరిత్ర
[మార్చు]త్రిపురి రాజ్యానికి ప్రాచీన రాజధానిగా ఉన్న కైలాషహర్ చరిత్ర ఉనకోటితో ముడిపడి ఉంది. త్రిపురబ్దా (త్రిపురి క్యాలెండర్)ను ప్రారంభించిన శివ శిష్యుడు, మౌ నది ఒడ్డున ఉన్న చంబుల్ నగర్ గ్రామంలో శివుడి కోసం ప్రార్థించాడు. రాజ్‌మలాలో ప్రస్తావించబడిన చంబుల్‌నగర్ ప్రాంతం, ఉనకోటి కొండ సమీపంలో ఉందని తేలింది. ఈ పురాణ చంబుల్ నగర్ ప్రాంతమే నేటి కైలాషహర్ కావచ్చని కొందరి అభిప్రాయం. హర్ (శివ) కైలాష్‌లో నివసించడం వల్ల, ఈ ప్రాంతాన్ని కైలాష్ హర్ అని పిలిచేవారు, తరువాత దీనిని కైలాషహర్‌గా మార్చారు. 7వ శతాబ్దంలో ఈ ప్రాంతాంన్ని త్రిపుర రాజు ఆది-ధర్మఫా పరిపాలించాడు. ఆ రాజు తన ఆడంబరం, ఆనందంతో ఇక్కడ ఒక యజ్ఞం చేసాడు.[1]
జనాభా
[మార్చు]2001 భారత జనాభా లెక్కల ప్రకారం,[2] కైలాషహర్ పట్టణంలో 23,418 జనాభా ఉంది. ఈ జనాభాలో 51% మంది పురుషులు, 49% మంది స్త్రీలు ఉన్నారు. కైలాషహర్ సగటు అక్షరాస్యత రేటు 82% కాగా, జాతీయ సగటు 59.5% కంటే ఎక్కువగా ఉంది. ఇందులో పురుషుల అక్షరాస్యత 84% కాగా, స్త్రీల అక్షరాస్యత 79%గా ఉంది. కైలాషహర్‌లో జనాభాలో 10% మంది 6 సంవత్సరాలలోపు వయస్సు గలవారు ఉన్నారు.
రవాణా
[మార్చు]కైలాషాహర్ పట్టణం నుండి భారతదేశంలోని మిగిలిన ప్రాంతాలకు రోడ్డుమార్గం ద్వారా రవాణా సౌకర్యం ఉంది. ఈ పట్టణంలో విమానాశ్రయం కూడా ఉంది. దీనికి సమీపంలోని కుమార్‌ఘాట్‌లో రైల్వే స్టేషను ఉంది.
సంస్కృతి
[మార్చు]కైలాషహర్ పట్టణం సంపన్న ప్రాంతం. ఇక్కడ బెంగాలీలు, త్రిపురి, మీటీ మణిపురి, డార్లాంగ్, ముస్లింలు, విష్ణుప్రియ మణిపురీలు మొదలైన వారు ఉన్నారు.
పండుగలు
[మార్చు]ఇక్కడ సెప్టెంబరు, అక్టోబరు మధ్య దుర్గా పూజ పండుగను, కాశీ పూజ పండుగను జరుపుకుంటారు.
మతాలు
[మార్చు]ఇక్కడ హిందూమతం ఎక్కువగా ఉండడంవల్ల ఈ పట్టణంలో అనేక దేవాలయాలు (లక్ష్మీ నారాయణ్ దేవాలయం, 14 దేవతల ఆలయం (చౌడూ దేవతార్ మందిర్), రంగౌటి దేవాలయం) ఉన్నాయి. ముస్లింల కోసం ఒక మసీదు కూడా ఉంది. ఇక్కడ బౌద్ధ మతం, క్రైస్తవ మతం వారు కూడా ఉన్నారు.
పాలన
[మార్చు]త్రిపుర తూర్పు లోక్‌సభ నియోజకవర్గ పరిధిలో కైలాషహర్ అసెంబ్లీ నియోజకవర్గం ఉంది.[3]
మూలాలు
[మార్చు]- ↑ UNAKOTI SCULPTURES : A BEWITCHING TOURISTS’ ATTRACTION
- ↑ "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 31 December 2020.
- ↑ "Assembly Constituencies - Corresponding Districts and Parliamentary Constituencies" (PDF). Tripura. Election Commission of India. Archived from the original (PDF) on 2005-11-08. Retrieved 31 December 2020.