గుంటుపల్లి బౌద్ధ స్థలాలు
| గుంటుపల్లి బౌద్ధ స్థలాలు | |
|---|---|
 గుంటుపల్లిలో చైత్య ప్రవేశ స్థలం | |
| Religion | |
| అనుబంధం | బౌద్ధం |
| District | ఏలూరు జిల్లా |
| Location | |
| Location | గుంటుపల్లి |
| State | ఆంధ్రప్రదేశ్ |
| Country | భారతదేశం |
.svg)  Shown within ఆంధ్రప్రదేశ్ | |
| Coordinates | 17°01′08″N 81°07′50″E / 17.0188889°N 81.1305556°E |
| Architecture | |
| Style | బౌద్ధ గుహలు |
గుంటుపల్లి బౌద్ధ స్మారక స్థలాలు ఆంధ్ర ప్రదేశ్ రాష్ట్రం, ఏలూరు జిల్లా, కామవరపుకోట సమీపంలో ఉన్నాయి. ఇది ఏలూరు నుండి సుమారు 40 కి.మీ దూరంలో ఉంది. [1] ఈ ప్రదేశం లోని రాతిలో చెక్కిన భాగంలో రెండు బౌద్ధ గుహలు, ఒక చైత్య మందిరం, పెద్ద స్థూపాలు ఉన్నాయి.[2] చైత్య హాలులో చెక్క నిర్మాణాన్ని ప్రతిబింబించేల రాతిలో చెక్కిన అరుదైన ప్రవేశ ద్వారం ఉంది. ఇది లోమాస్ రిషి గుహలో దాని సరళమైన వెర్షన్. [3]
ఇక్కడ ఇటుక, రాతి నిర్మాణాల అవశేషాలు ఉన్నాయి. ఇటుకతో చేసిన రెండు విహారాల అవశేషాలు, అలాగే రెండు లోతులలో తవ్విన గుహలు ఉన్నాయి. ఇందులో అసాధారణమైన చైత్య మందిరం (భూమి పైన నిర్మించబడింది) కూడా ఉంది. ప్రధానంగా ఇది రాతి స్థూపం. దాని చుట్టూ ప్రదక్షిణ చేసేలా మార్గం ఉంది. అవి సా.పూ. 200-0 నాటివి కాగా, కొన్ని శిల్పాలను తరువాతి కాలంలో చేర్చారు. భూమి పైన ఉన్న ప్రధాన భవనం ఒక రాతి స్థూపం చుట్టూ, ఇటుకతో నిర్మించారు. దాని ముందు టెర్రస్పై 30 పైచిలుకు ఇటుకలతో నిర్మించిన చిన్నచిన్న స్థూపాలు ఉన్నాయి. మరో రెండు భవనాల శిథిలాలు కూడా అక్కడా ఉన్నాయి. [4]
త్రవ్వకాలలో, మూడు అవశేషాల పేటికలను కనుగొన్నారు.[2] ఈ పేటికలలో బంగారం, వెండి, క్రిస్టల్ పూసలు వంటి అనేక విలువైన వస్తువులున్నాయి. పద్మపాణి కాంస్య చిత్రం ఒకటి పేటికలో కనిపించింది. పేటికపై ఒక శాసనం దేవనాగరి లిపిలో ఉంది. ఇది సా.శ. 9 నుండి 10 వ శతాబ్దం మధ్య కాలానికి చెందినదిగా తెలుస్తోంది.[2]
చిత్రమాలిక
[మార్చు]-
గుంటుపల్లి గుహ -
దాని భవనం లోపల స్థూపం -
స్థూపం ప్రధాన స్థూపం క్రింద ఉంది -
స్థూపాలు -
స్థూపాలు -
గమనికలు
[మార్చు]- ↑ Tourism Department. "Guntupalli Caves". Tourism Department, Hyderabad, Andhra Pradesh, India. Archived from the original on 3 డిసెంబర్ 2013. Retrieved 29 November 2013.
{{cite web}}: Check date values in:|archive-date=(help) - ↑ 2.0 2.1 2.2 Ahir, D. C. (2003). Buddhist Sites and Shrines in India : History, Art, and Architecture (1. ed.). Delhi: Sri Satguru Publ. p. 30. ISBN 8170307740.
- ↑ Michell, 368; ASI
- ↑ ASI; Michell, 368
మూలాలు
[మార్చు]- " ASI": గ్రూప్ ఆఫ్ బౌద్ధ మాన్యుమెంట్స్, గుంటుపల్లి. ASI
- మిచెల్, జార్జ్, ది పెంగ్విన్ గైడ్ టు ది మాన్యుమెంట్స్ ఆఫ్ ఇండియా, వాల్యూమ్ 1: బౌద్ధ, జైన్, హిందూ, 1989, పెంగ్విన్ బుక్స్,ISBN 0140081445