గోపాష్టమి

గోపాష్టమి
భక్తులు గోవులను పూజించే దృశ్యం
జరుపుకొనే రోజు	కార్తీక మాస శుద్ధ అష్టమి
ఉత్సవాలు	గోపూజ, శ్రీకృష్ణ పూజ
ఆవృత్తి	వార్షికం

గోపాష్టమి అనేది శ్రీకృష్ణుడిని, ఆవులను పూజించే పండుగ. దీపావళి తరువాత, కార్తీక మాసం శుక్లపక్ష అష్టమిని గోపాష్టమిగా జరుపుకుంటారు. ఇది కృష్ణుని తండ్రి, నంద మహారాజు, బృందావనంలోని గోవులను సంరక్షించే బాధ్యతను కృష్ణుడికి అప్పగించినప్పుడు నిర్వహించిన వేడుక. నందనవనం లోని ప్రజలను కాపాడటానికి శ్రీకృష్ణుడు గోవర్ధన గిరిని చిటికెన వేలుతో పైకి లేపింది కూడా ఈ రోజే అని పురాణాలు చెబుతున్నాయి. ఇది యుక్త వయస్సు వారు నిర్వహించుకుననే పండగ.

ప్రాముఖ్యత

నంద మహారాజు శ్రీకృష్ణుని తండ్రి. ఆ రోజుల్లో పెద్దలు దూడల సంరక్షణ బాధ్యత పిల్లలకు అప్పగించేవారు. శ్రీకృష్ణుడు, బలరాముడు ఐదు సంవత్సరాల వయస్సు దాటినందున, గోసంరక్షకులుగా ఐదవ సంవత్సరం ఉత్తీర్ణులైన వారికి పచ్చిక మైదానంలో గోవుల బాధ్యతను ఇవ్వడానికి అంగీకరించారు. బృందావనంలో మొదటిసారిగా ఆవును మేపడానికి వెళుతున్నప్పుడు శ్రీకృష్ణుడు, బలరాముడికి వేడుక నిర్వహించాలని నంద మహారాజు నిర్ణయించుకున్నాడు. కృష్ణ భగవానుడి భార్య అయిన రాధ ఆవులను మేపాలనుకుంది, కానీ ఆడపిల్ల అని నిరాకరించబడింది. కాబట్టి, ఆమె సుబల-శాఖను పోలి ఉండటంతో బాలుడి వేషం ధరించింది, ఆమె అతని ధోతీ, వస్త్రాలు ధరించి, వినోదం కోసం తన సహచరులతో కలిసి ఆవులను మేపడానికి ఇదే రోజు శ్రీకృష్ణుడి వద్దకు చేరింది.

వేడుకలు

ఈ రోజున గో పూజ చేస్తారు. భక్తులు గోశాలను సందర్శించి గోవులను, గోశాలను శుభ్రం చేస్తారు. ప్రత్యేక పూజలు చేసే ముందు ఆవులను వస్త్రాలు, ఆభరణాలతో అలంకరిస్తారు. మంచి ఆరోగ్యం కోసం ప్రత్యేక మేతను తినిపిస్తారు. ఈ రోజున, సంతోషకరమైన జీవిత అనుగ్రహాన్ని పొందేందుకు ప్రదక్షిణతో పాటు శ్రీ కృష్ణ పూజ, గోవు పూజ నిర్వహిస్తారు. దైనందిన జీవితంలో గోవుల ప్రయోజనాల కోసం భక్తులు ప్రత్యేక గౌరవాన్ని కూడా చెల్లిస్తారు. ఆవు తల్లిలాగా ప్రజల పోషకాహార అవసరాలను తీర్చడంలో సహాయపడే పాలను అందిస్తాయి, అందుకే హిందూ ధర్మంలో గోవులను పవిత్రంగా భావించి తల్లిగా పూజిస్తారు. గోవు మహిమలు, రక్షణ గురించి భక్తులు చర్చిస్తారు. వీరంతా ఆవులకు మేత వేసి గోశాల దగ్గర విందులో పాల్గొంటారు.